Byltyr Pavlodarda ótken Qazaqstan chempıonatynda 75 kıloda fınalǵa deıin jetken Erik Áljanov salmaǵyn aýystyryp, Azııa chempıonatyna 81 kıloda synǵa túsýge kelipti. Jańa salmaqtaǵy alǵashqy qadamy da jaman emes. Erik jartylaı fınalda Túrikmenstan boksshysy ti merziminen buryn jeńip, fınalǵa joldama aldy. Fınaldaǵy qarsylasy – Rıo olımpıadasynyń kúmis júldegeri ózbek Bektemir Melıkýzıev.
Al 91 kıloda synǵa túsetin Vasılıı Levıt 3 dúrkin Azııa chempıony ataǵyn ıemdenýge bir taban jaqyn. «Astana Arlans» sapynda únemi jeńiske jetip júrgen elordalyq jigitke jartylaı fınalda Sırııa eliniń boksshysy Alaa Eldın Gossıaýnmen judyryqtasý buıyrdy. Kópshilik kútkendeı Vasıa qarsylasyn birinshi raýndta-aq «jaramsyz» etip tastady.
Almas MANAP,
«Egemen Qazaqstan» –
Tashkentten
Vasılıı Levıt - Alaa Eldın Gossıaýn
Erik Áljanov - Nýrıagdy Nýrıadıev
