Otyrysta alǵashqy bolyp «Astana» halyqaralyq qarjy ortalyǵy basqarýshysy Qaırat Kelimbetov, Qazaqstan Respýblıkasynyń Ulybrıtanııa men Soltústik Irlandııadaǵy elshisi Erlan Ydyrysov jáne Anglııa men Ýelstiń eks Bas joǵarǵy sýdıasy Lord Garrı Kennet Výlf sóz sóıledi. Jınalysqa atalǵan keńestiń quramyna kiretin Ulybrıtanııanyń bedeldi zań fırmalary qatysty.
Keńes mindetine Qarjy ortalyǵynyń jobalaryndaǵy aktilerdi qaraý jáne saraptaý, sondaı-aq ózge de keńes berý qyzmetteri jatady. Sonymen qatar, Keńes quziretine Anglııa men Ýelstiń quqyqtyq qaǵıdalaryn negizge ala otyryp, quqyqtyq bazany qalyptastyrý jáne álemdegi jetekshi qarjy ortalyqtarynyń standarttarymen jumys isteý kiredi.
AHQO basqarýshysy Qaırat Kelimbetovtiń aıtýynsha, Keńestiń quramyna Anglııa men Ýelstiń quqyqtyq quzireti júretin elderde tájirıbıesi bar sarapshylar kirgen. Olar bolashaqta Qarjy Ortalyǵynyń aktilerin ázirleý men onyń qyzmetine kóp kómegin tıgizbek.
Ol sondaı-aq, Quqyqtyq konsýltasııalyq keńestiń jumysyna Baker McKenzie, Devonshires, Hogan Lovells, Michelmores, Norton Rose Fulbright, and White & Case sekildi álemniń beldi kompanııalary da tartylyp otyrǵanyn málimdedi.
