«Soǵys dese, qan maıdanǵa attanyp, oralmaǵan azamattar, kóz jasyn jýǵan ana, jaqynyn joǵaltqan jandar kóz aldymyzǵa keledi. Talaı bozdaqtarymyz kóz jumdy. Iá, soǵystyń soıqanyn kózimen kórgen azamattardyń da qatary jyl saıyn sırep barady. Osy oraıda Ýkraına elshiligi jaqsy dástúrdi jańǵyrtyp, Uly otan soǵysynyń ardagerlerin marapattap, keýdelerine orden taqty. Keshke 25 ardager shaqyrylǵan. Onyń 4-eýi ǵana qatysty. Olar Qurmantaı Aıtjanov, Rzagúl Baıkeshev, Oleg Lennık, Marııa Poltoroska. Qalǵandary densaýlyqtaryna baılanysty kele almaǵan. Ol qarııalarǵa uıymdastyrýshylar arnaıy baryp quttyqtap, ordenderin tabys etedi, − dedi Ýkraınanyń Qazaqstandaǵy elshisi Volodımır Djıdjora. – Ýkraınany jaýdan azat etken ardagerlerdiń qurmetine marapattaý rásimin uıymdastyryp otyrmyz. Men álemde eshqandaı soǵys bolmasyn dep tileımin. Sizderdiń Elbasylaryńyz aıtqandaı, birlik bar jerde tirlik bar. Elimizdiń ósip órkendeýinde, ekonomıkamyzdyń damýynda yntymaqtastyqtyń alar orny erekshe. Elimizde beıbit tirshilik ornaı bersin, jeńis kúni qutty bolsyn!»
«О́tken kúnge oralýdyń ózi biz aýyr dúnıe qaraqtarym. Qanmen jazylǵan osynaý umytylmas tarıhty jas urpaq bilýi tıis. Bizdi osylaı qurmettep, iltıpat kórsetip jatqandaryńyzǵa myń alǵys. Ýkraına biz úshin týǵanymyzdaı jaqyn, baýyrlas bir memleket dep sanaımyn. Jeńis týy máńgi jelbireı bersin!», − dedi 95 jastaǵy ardager Qurmantaı Aıtjanov.
Aıman MUQYShEVA
