Merekelik konsert elimizdiń Qarýly Kúshteriniń 25 jyldaǵy jetken jetistikterin kórsetip, áskerı qyzmetshilerdiń jaýyngerlik rýhyn, otanshyldyǵyn dáriptegen derekti fılmmen bastaldy.
Is-sharaǵa elimizdegi barlyq áskerı bólimshelerdiń úzdik shyǵarmashylyq toptary, sondaı-aq, respýblıkalyq «Jas ulan» mektebi men «Arystan» mamandandyrylǵan lıseıiniń tárbıelenýshileri, Ortalyq ansambl men Qarýly kúshter Ulttyq áskerı-patrıottyq ortalyǵynyń áskerı orkestri, óńirlik qolbasshylyqtardyń, Áke qorǵanysy kúshteriniń, Áskerı-teńiz kúshteriniń, desanttyq-shabýyldaý áskerleri men Kadet korpýsynyń kórkemónerpazdar ujymdary qatysty. Olar otanshyldyqqa baýlıtyn maǵynaly ánder shyrqaýmen qatar, sahnada áskerı ómirdiń qyr-syrynan habar beretin kompozısııalyq kórinisterdi de órnekteı bildi. «Sarbazdar», «Barlaýshylar ánurany», «Baılanysshylar», «Artıllerııashylar marshy», «Shyǵys» jáne «Táýelsiz Qazaqstan», t.b. kóptegen ánder kórermenderge usynyldy.
Aleksandrov atyndaǵy Reseı armııasy ansambli men Qytaı Qorǵanys mınıstrliginiń Van Lıda án-bı ansambliniń jetekshi solısteri elimizdiń Qarýly Kúshterin quttyqtap án shyrqady.
Is-sharaǵa QR Qarýly Kúshteriniń Joǵarǵy Bas qolbasshysy N.Nazarbaev qatysty.
Aıgúl SEIILOVA,
Foto: Orynbaı Balmurat,
«Egemen Qazaqstan».
