Basylymynyń málimetinshe, transfert quny 61 mln eýro (67 mln dollar). "Realdan" bólek bul sportshyǵa "Barselona" klýby da qyzyqqan eken. Biraq ol klýb jas fýtbolshyǵa 25 mln eýro (27,5 mln dollar) usynǵan.
Fýtbolshy 2018 jyldyń jazynda, ıaǵnı kámelettik jasqa tolǵannan keıin "Realǵa" aýyspaq.
Vınısıýs Jýnıor — "Flamengo" tárbıelenýshisi. Bul klýbtyń júıesinde 2005 jyldan beri jattyǵyp keledi. Brazılııanyń U-17 quramynda ol Ońtústik Amerıka birinshiligin utyp, 7 golmen týrnırdiń eń úzdik surmergeni atandy. Ulttyq quramadaǵy 22 oıynynda 19 gol soqqan eken.
