Qazaqstan Prezıdenti Nursultan Nazarbaev E.Makrondy Fransııa Respýblıkasynyń Prezıdenti saılaýyndaǵy jeńisimen shyn júrekten quttyqtady.
«Fransııa halqy Sizge daýys berý arqyly ózińiz jarııalaǵan, eldiń qarqyndy damýyna baǵyttalǵan ózgeristerdi qoldaıtynyn kórsetti. Sizdiń basshylyǵyńyzben Fransııa órkendeý jolynda jańa tamasha tabystarǵa qol jetkizetinine kámil senemin», – delingen jedelhatta.
Memleket basshysy bıyl Qazaqstan men Fransııa arasyndaǵy dıplomatııalyq qarym-qatynastyń ornaǵanyna 25 jyl tolatynyn atap ótti.
«О́zara is-qımylymyz óristep, strategııalyq áriptestik deńgeıine kóterilgenin maqtan tutamyz. Sizben jáne Fransııa úkimetimen ortaq múddeli máseleler jóninde jańashyldyq pen talpynys rýhynda birge jumys bastaýǵa daıynbyz. Jan-jaqty yqpaldastyǵymyz halyqtarymyzdyń ıgiligi úshin odan ári nyǵaıa beredi dep úmittenemin», – delingen jedelhatta.
Sońynda Nursultan Nazarbaev Fransııa kóshbasshysynyń bastamalaryna sáttilik, al fransýz halqyna baq-bereke tiledi.
