Qala ákimdiginiń málimetterine sáıkes, búgingi kúni elordada UOS 121 ardageri turady. Sonyń ishinde 99 adam - soǵysqa qatysýshy, 22 adam - múgedek.
Olardyń barlyǵyna Jeńis kúni qarsańynda 500 000 teńge kóleminde birrettik tólem berildi. Jeńildikteri men kepildikteri boıynsha UOS ardagerlerine teńestirilgen tulǵalar 20 000 teńge kóleminde bir rettik tólemaqy aldy; soǵysqa qatysýshylarǵa teńestirilgenderge 10 000 teńgeden bólindi.
Belgilengen erejege sáıkes, UOS ardagerlerine jáne olarǵa teńestirilgen tulǵalarǵa 400 mln teńgeden astam jalpy somanyń túrli áleýmettik kómegi qarastyrylǵan: kommýnaldyq qyzmetterdi tóleýge aı saıynǵy aqshalaı ótemaqy tólenedi, jáne sanatorlyq-kýrorttyq em-dom men dári-dármekpen qamtamasyz etý qarastyrylǵan.
Uly Otan soǵysyndaǵy Jeńistiń 72 jyldyǵyn merekeleýge oraı Astana qalasynyń basshylyǵy arnaıy estelik albom daıyndady, al Jeńis kúni qarsańynda elorda ákimdiginiń qyzmetkerleri ardagerleri ózderi quttyqtady. Ardagerlerdiń úılerine barý kezinde azyq-túlik ónimderi jetkizilip, úılerinde qajet kómek kórsetildi.
Sondaı-aq, Qazaqstan Respýblıkasynyń Ulttyq arhıvinde ardagerlerge qurmet kórsetý rásimi ótti: merekelik ústel basynda UOS qatysýshylary, Aýǵanstan soǵysyna qatysqan jaýyngerler, qala jastary jınaldy.
Qala ákimdiginiń ókilderi tyl eńbekkerleriniń úılerine baryp quttyqtap, azyq-túlik jınaqtaryn tabys etti. UOS 15 ardageri men tyl eńbekkerin tegin medısınalyq tekserýden ótý josparlanǵan.
5 mamyrda Jeńis kúnine oraı Álııa Moldaǵulova eskertkishine jáne «Eki jaýynger» eskertkishine gúl shoqtaryn qoıý rásimi ótti. UOS ardagerleri, tyl eńbekkerleri maıdan dalasynan qaıtpaǵan batyrlardy bir mınýt únsizdikpen eske aldy.
Astana qalasy ákimdiginiń aýla klýbtarynyń tárbıelenýshileri de ıgi sharalardan qalys qalmady. Olar L. Gýmılev at. EUÝ konsert zalynda merekelik konsert uıymdastyrdy. Sharaǵa bı ujymdary, EUÝ áskerı kafedrasynyń hory jáne halyqaralyq baıqaýlardyń laýreaty, QR eńbek sińirgen dombyrashysy Aıbek Bekbosyn qatysty.
