Ardagerin ardaqtaǵan

«QazMunaıGaz» Barlaý О́ndirý» AQ-tyń ıgi isteri Qazaqta «jaqsynyń jaqsy­lyǵyn aıt, nury tasysyn» degen ádemi sóz bar. Ádette, bul sóz jaqsy adamnyń ıgi isterin madaqtap, oǵan degen el-jurt­tyń qurmetin arttyrý maqsa­tynda aıtylatyn bolsa kerek. Degenmen, qazirgi kezde qazaq­tyń bul ádemi sózin bıznestiń áleýmettik jaýapkershiligin sezine bilgen, buqaranyń ál-aýqa­tyn arttyryp, densaýlyq saq­taýyna, bilim alýyna, túrli sı­pattaǵy turmystyq másele­lerin sheshýge múmkindik jasap jatqan kompanııalarǵa qarata da aıtýǵa bolatyn sııaqty. Sondaı ıgi isterimen kózge túsip júrgen kompanııalardyń biri de biregeıi «QazMunaıGaz» Bar­laý О́ndirý» AQ bolsa kerek. Bál­kim, kompanııanyń qa­ra­paıym eńbek adamdary úshin, kompanııa qyzmet jasap jatqan óńir­lerdiń turǵyndary úshin jasap jatqan jaqsylyqta­ry­nan ózge aımaqtardyń tur­ǵyn­dary habardar emes te shyǵar, alaıda Mańǵystaý oblysynyń, sonyń ishinde Jańaózen qalasy men onyń tóńiregindegi eldi me­kenderdiń turǵyndary kom­pa­nııanyń ıgi isterin jyr qy­lyp aıtady. Oǵan osy óńirge ja­sa­ǵan saparymyz barysynda kýá boldyq. Eger «QazMunaıGaz» Barlaý О́ndirý» AQ-tyń áleýmettik salaǵa bólip otyrǵan qarjy­syn, halyqtyń turmysyn jaq­sartýǵa, densaýlyqtaryn túzep, salamatty ómir saltyn saqtaý­ǵa, azamattardyń bilim alýy men demalysyna bólgen shy­ǵys­taryn eseptesek, shamasy, qazaqy saltty buzyp, «baıdyń asyn baıǵus qyzǵanyptynyń» kebi bolar edi. Sondyqtan, biz­diń nazar salǵan bette jasalǵan ıgi isterge, atqarylǵan jumys­tardyń nátıjesine aýdy. Máse­len, «QazMunaıGaz» Barlaý О́n­dirý» AQ Jańaózen qalasy­nyń irgesinde, dálirek aıtsaq 20 shaqyrym jerde ornalasqan Qyzylsaı aýylyna ardagerler úıin salyp beripti. Bes myńǵa jýyq turǵyny bar bul eldi mekendegi ardagerler úıi elimizdiń ózge óńirlerinde, ásirese aýyl­dyq jerlerde jıi kezdesedi desek, qatelesken bolar edik. О́tken jyly paıdalanýǵa berilgen bul ardagerler úıi aýyl aqsaqalda­rynyń bas qosatyn, ardagerler keńesiniń ártúrli má­selelerdi talqylaıtyn ornyna aı­nalypty. Aýyldyń aqsaqal­dar alqasynyń jáne ardagerler keńesiniń tór­aǵa­sy Jaqsylyq Kóńilqos­uly­nyń aıtýyna qara­ǵan­da, osy Qy­zylsaı aýyly Mań­­ǵystaý mu­naıynyń qarasha­ńy­raǵy sanala­dy eken. О́ıtkeni, 1958 jyly alǵashqy munaı bar­laýshylary osynda at basyn tirepti. Sóıtip, bul aýyl О́zen ken ornynan munaı óndirýdiń alǵash­qy qadam­dary jasalǵan, Mań­ǵys­­taý óńiri­niń atyn álemge munaı arqyly pash etken aza­mattardyń mekenine aınalypty. Búginde bul aýylda da munaı óndirisiniń ardagerleri, kenishti alǵash ıgergen munaıshy­lar tu­rady eken. Qyzylsaı eldi mekeni, sóz joq, Keńes Odaǵy kezinde gúldenip, irgesi keńeıe tússe kerek. Alaıda, Qazaqstan táýel­siz­dik alǵan soń, elimiz naryqtyq qatynastarǵa kóshken tusta qazaq dalasynyń barlyq túpkirindegi eldi mekender sııaq­ty bul aýyl da toqyraýdy bastan ótkizipti. Degenmen, 2000 jyldan bastalatyn ekonomı­ka­lyq ósý kezeńinde Qyzylsaı aýyly da qaıtadan túleı bas­tapty. «Qazir Qyzylsaı aýyly­nyń áleýmettik jaǵdaıy jaqsa­ryp keledi» deıdi Jaqsylyq Kóńilqosuly. El men jerdiń túleýine «QazMunaıGaz» Barlaý О́ndirý» AQ jáne osy mekemeniń «О́zenmunaıgaz» óndi­ristik fı­lıa­ly da azdy-kópti eńbek sińir­se kerek. Qazir aýyl aqsaqaldary osyndaǵy buqa­ra­nyń kóbin ju­myspen qamtamasyz etip otyrǵan atalǵan mekemege dán rıza ekendikterin jasyrǵan joq. «Qaz­MunaıGaz» Barlaý О́n­dirý» AQ osy aýylǵa tek qana ardagerler úıin salyp berýmen ǵana shektelmese kerek, jalpy bul kompanııa óńirdegi 3 myńǵa jýyq zeınetkerge áleýmettik qol­daý kórsetip otyr. Al Jaq­sylyq Kóńilqos­uly óziniń «Qaz­MunaıGaz» Barlaý О́ndirý» AQ pen «О́zenmu­naıgaz» óndiristik fılıalynyń basshylaryna aý­yl­dyń áleý­mettik jaǵdaıyn jaq­sartý, ardagerlerge qamqorlyq kórsetý jáne basqa da ózekti máseleler jaıly talaı hat ja­z­ǵanyn, sol hattardyń barlyǵyna tıisti jaýap berilip, kompanııa tarapynan kóptegen isterdiń at­qarylǵan­dyǵyn aıtady. Máse­len, ótken jyly paıdalanýǵa berilgen ardagerler úıiniń barlyq kerek-jaraǵyn, tehnıkasyn kompanııa beripti. Tipti, ardagerler úıine jeke kólik te usynǵan eken, biraq aqsaqaldar ony qajet dep tappasa kerek. О́ıtkeni, kompanııa bas­shylary aqsaqaldardyń qala­ǵan jerlerine barýyna, qalaǵan sha­rýasyna paıdalanýǵa udaıy túr­de kólik bólip, tehnıkalarmen kómektesip turady eken. Jaqsy­lyq Kóńilqosuly «Byltyr «Qaz­MunaıGaz» Barlaý О́ndirý» AQ sol kezdegi basshysy Kenjebek Ibrashevpen kezdesýdiń sáti tústi. Sonda biz osy Qyzylsaıǵa ardagerler úıi qajet ekendigin aıtyp edik. Kenjebek Nııazuly bul máseleniń sheshiletindigin aıtty. Sóıtip, arada kóp ýaqyt ótpesten, bizdiń aýylǵa Ardagerler úıi salyndy. Munyń ózi kompanııa basshylarynyń bizge, ardagerlerge, tipti qarapaıym qa­lyń buqaraǵa jasap jatqan ıgi iste­ri­niń biri ǵana. Biz kompanııa basshylarynyń bul ıgi isterin keıingi býynnyń ardagerlerge, qarııalarǵa kórsetken qurmeti dep baǵalaımyz. Mine, urpaq­tar sabaqtastyǵy degen osy. Osydan elý úsh jyl buryn alǵashqy munaı barlaýshylary О́zen kenishin ıgerýdi bastasa, qazirgi munaıshylar sol isti jalǵas­tyryp qana qoımaı, bizge de qurmet kórsetýde. Mundaı azamattarǵa qalaı razy bolmaı­syń?! Biz kompanııanyń basshy­laryna, qyzmetkerlerine árqa­shan rızamyz» deıdi. Biz­dińshe, bul qarapaıym buqara­nyń atqaminer azamattarǵa degen shynaıy yqylasy bolsa kerek. Qazirgi tańda kompanııa ardagerlerge jylyna bir ret emdeý-saýyqtyrý keshenderinde de­malýǵa joldama da beredi eken. Árıne, Saryaǵash pen Jańaqor­ǵandaǵy sanatorıılerge beriletin bul joldamalar zeı­net­ker­lerdiń densaýlyǵyn túze­ýine kóp yqpal etetini sózsiz. Degenmen, ardagerlerge kór­setilip jatqan bul qurmet pen qyzmet jalyndy jastyq shaq­tarynda qar jastanyp, muz tósene jú­rip, Mańǵystaý mu­naıyn óndi­rýdi bastap bergen qarııalar úshin úlken mo­ral­dyq kómek ekeni anyq. Ádette, ǵumyrlary­nyń ekindisi aýyp, aqshamy ja­qyndap qalǵan ardagerler úshin iri kompa­nııa­lar­dyń qam­qor bolatyn kezderi, udaıy qol­daý kórsetip tu­ratyn sát­teri bizdiń qoǵamda asa kóp emes. Biraq, «Qaz­Mu­naıGaz» Barlaý О́ndi­rý» AQ qarııalarǵa qurmet kór­setip, olarǵa járdem jasaıtyn eki kompanııa bolsa bireýi, al jal­ǵyz mekeme bolsa, onda dál sonyń ózi deýge de bo­la­dy. Qy­zylsaı aýy­lynda atqary­lyp jatqan ıgi isterge kýá bolǵan soń, biz osyn­daı batyl tujy­rym jasadyq. Sózdiń ba­syn «jaqsynyń jaq­sylyǵyn aıt...» dep bas­taýymyzdyń sebebi de osy. Zarına AMRAEVA.