Koreıalyq júrdek kólik Qostanaıdan shyǵady

Qostanaıǵa Premer-Mı­nıs­tr­­diń orynbasary – Indýstrııa jáne jańa tehnologııalar mınıstri Áset Isekeshev keldi. Vıse-mınıstr aldymen «AgromashHoldıng» aksıonerlik qoǵamynda bo­lyp, «Ssang Yong» júrdek jeńil mashınasyn qurastyrý sehyn aralap kórdi. О́tken jyldan bastap kásiporyn «Allur Auto» avtomobılder kompanııasy tobymen birigip, «Ssang Yong» júrdek mashınasyn qurastyrý jobasyn júzege asyrý úshin ındýstrııa­lyq-ınnovasııalyq damý memlekettik baǵdarlamasyna qosylǵan bolatyn. Zaýytta qazir koreıalyq júrdek mashınanyń eń qolaıly jáne jetildirilgen «Ssang Yong new Actyon» modeli quras­ty­ry­lyp, tutynýshyǵa jol tartty. – Ońtústik Koreıa men Qazaq­stan prezıdentteri arasyndaǵy kelisim boıynsha bastalǵan joba bir jyl ishinde júzege asty. Ko­reıa­lyq mashınalardy qurastyrý barysynda onyń ózimizde jasa­latyn quramyn 60 paıyzǵa deıin jetkizip, 350 adamǵa jumys berýdi basty maqsat tutyp otyrmyz. Aldaǵy ýaqytta bul mashınany Qazaqstannan tys jerlerge shy­ǵa­rýdy kózdeımiz, – dedi Áset Isekeshev. «AgromashHoldıngte» quras­tyrylǵan «Ssang Yong» júrdek mashınasy elimizdegi densaýlyq saqtaý salasy, jol polısııasy men órt sóndirýshilerge arnalyp beıimdelip shyǵaryldy. Onyń alǵashqylaryn zaýyt suranys berýshilerge arnap qurastyrdy. Kon­veıerden shyqqan kólik ko­reıalyq mamandardyń alty tekserý beketinen ótedi. – Qostanaıdan shyqqan júr­dek kólikke tek Qazaqstannan emes, Keden odaǵy elderinen de su­ra­nystyń bolatynyn baıqaı­myz. Sapasy joǵary bola tura, olar Koreıada qurastyrylǵan mashınalardan on myń AQSh dollaryna arzan, – deıdi «Allur Auto» avtomobılder kompanııasynyń bas dı­rek­tory Andreı Lavrentev. Ko­reıa­lyq «Ssang Yong» korpora­sııa­synyń vıse-prezıdenti Lım myrza da mashınanyń qostanaı­lyq úlgi­siniń sapasyna kóńili to­latynyn málimdedi. Ol aldaǵy ýa­qytta júr­dek mashınanyń Qa­zaq­stanǵa laı­yqtalyp jasalǵan jańa modelin shyǵarýdy josparlap otyr­ǵa­nyn aıtty. Ol qa­zaq­standyq árip­testermen birlesip jumys istegende onyń tezirek tutynýshyǵa jeterine senimi mol ekenin jetkizdi. «AgromashHoldıngtiń» «Ssang Yong» júrdek mashınasy quras­ty­rylyp jatqan sehy janynda reseılik «Sollers» avtomobıl tobymen birlesip júzege asy­ra­tyn jańa joba qanat jaıatyn bo­lady. Onyń ústine aldaǵy kúzge taman munda «ÝAZ» jol tań­da­maıtyn júrdek mashınasy da qurastyryl­maq. Al ondaı kólik Qazaqstanda ásker, ishki ister, aýyl sharýashy­lyǵy, tótenshe jaǵdaılar sala­larynda suranysqa ıe eken. «AgromashHoldıngte» ótken jyl­dyń jartysynan bastap ko­reıa­lyq mashınanyń 400-ge jýy­ǵy qurastyryldy. Onyń basym kópshiligi qazaqstandyq tuty­ný­shy­nyń qolyna tıdi. Bıyl jyl basynan bastap munda aıyna 144 ma­shına daıyn bolady. Jyl aıa­ǵyna deıin 1200-1300 mashınany sapqa qoıý basty meje bolyp otyr. Á.Isekeshov osy saparynda Qostanaıdaǵy «Ivolga Holdıng» JShS-niń jylyna 70 myń tonna un shyǵaratyn dıirmen keshenine jáne «Kostanaıskıı melkombınat» aksıonerlik qoǵamynyń makaron fabrıkasyna bardy. Onda ótken jyly iske qosylǵan ınves­tısııalyq jobalardyń qalypty jumys istep turǵanynan habardar boldy. Oblys ákimi Sergeı Kýlagın ústimizdegi jyly ob­lys­ta jú­geze asatyn ınvestısııalyq joba­lar­dyń qyryqqa jetkenin aıtty. Olar óndiris pen aýyl­sha­rýashy­lyǵyn údemeli damytatyn bolady. Názıra JÁRIMBETOVA. Qostanaı.