Týrnırde top jardy

Qazaqstandyq tennısshi Iýrıı Shýkın Chehııanyń Pros­tejov qalasynda ótken «Chellendjer» serııasynyń Uni Credit Czech Open týrnıriniń jeńimpazy atandy. Fınalda ıtalııalyq Flavıo Kıpollany jeńgen Shýkın bas júldege beriletin 106,5 myń eý­rony qaltasyna basty. Osy kezdesý aldynda ol jartylaı fınalda týrnırdiń altynshy rake­t­kasy cheh Radekti 3:6, 6:3, 6:4 esebimen jeńse, shırek fınalda reseılik Mıhaıl Iýjnyıdyń al­dyn orady. Bul oıynda ol birinshi sette 4:6 esebimen jeńilse, ek­inshisinde 4:1 esebimen jeńip, odan keıingi sátte qarsylasy oı­naý­dan bas tartqan soń jeńis qa­zaqstandyq tennısshige berildi. Al týrnırdiń eń birinshi kezdesýinde Iý.Shýkın taǵy bir reseılik Konstantın Kravchýkti, odan keıin ıtalııalyq Fılıppo Volandrıden 6:4, 6:1 esebimen basym tústi. «Chellendjer» men jaqynda aıaqtalǵan «Rolan Garros» týrnırinen keıin bizdiń otandasymyz álemdik reıtıngte 137-shi orynǵa kóterildi. Odan keıin reıtıngte tennısshilerimiz arasynda Zarına Dıas 156-shy jáne Sesıl Karatancheva 159-shy orynda tur. Al álemdik reıtıngte olardan joǵa­ry sapta turǵan Iаroslava Shvedova – 115, Andreı Golýbev – 44, Mıhaıl Kýkýshkın 61-shi orynǵa jaıǵasty. Jaqynda Parıjde ót­ken «Rolan Garros» týrnıriniń aldynda Iа.Shvedova 54-shi oryn­da turǵan edi. Biraq, Fransııa astanasynda sátsiz oınaǵan soń ol jaǵdaıyn birden nasharlatyp, aldymen 61-shi, odan keıin 115-shi orynǵa túsip ketti. A.Golýbevtiń de jaǵdaıy osyǵan uqsas. Alaıda onyń «jarasy» sál jeńildeý deýge bolady. Al M.Kýkýshkın «Rolan Garros» týrnırinen keıin jaǵ­daıyn jaqsartyp aldy. Ol Chehııada ótken týrnırdiń jeńim­pazy atanǵan áriptesi sı­ıaq­ty byl­tyr Sankt-Peterbýrgte bol­­ǵan ATR týrnırinde Mıhaıl Iýjnyıdy utqan bolatyn. Al bıyl Parıjde Kýkýshkın tuńǵysh ret ekinshi aınalymǵa jetti. Dastan KENJALIN.