Jol túzelse – qozǵalys kidirissiz

Búginderi Astanada jol jóndeý jumystary júrip jat­qandyǵy belgili. Bul rette elordanyń oń jaǵa­laý­yndaǵy avtojol ınfra­qu­rylymyn jaqsartýda jol qurylys jumystary maýsymnyń basynda Astana qalalyq jolaýshylar kóligi jáne avtomobıl joldary basqarmasy 23,7 shaqyrym jol salýdy, 10 shaqyrym joldy jóndeýdi 18,5 sha­qy­rym joldy qaıta jańar­tý­dy, sondaı-aq qalaǵa qo­sy­lyp ketken turǵyn alapta­ryndaǵy 55,7 shaqyrym jol salýdy josparlap otyr. Qazirgi ýaqytta 9 iri ny­sandarǵa qurylys júrgi­zilý­de desek, sonyń biri Je­ńis dańǵyly men Imanov kóshelerin qaıta jańartý. Jeńis dańǵylyn qaıta ja­ńartý jobasyn iske asyrý áleýmettik jáne ekonomıka­lyq máselelerdi keshendi she­shý máselesine arnalyp, jalpy halyqtyń turmy­syn jaqsartýǵa arnalǵan. Atalǵan joba tórt kezeńde iske asyrylmaq. Qazir bul jobanyń birinshi jáne ekinshi kezeńderi qolǵa alynǵan. Vokzaldan Esenberlın kó­she­sine deıin júretin jol qam­tamasyz etilse, qamtyl­ǵan aımaqtardy jaılas­ty­rý boıynsha da jumystar óz retimen órbýde. 17 maýsymnan baǵdarla­ma­nyń úshinshi jáne jáne tórtinshi kezeńine kirisý ju­mysy josparlanǵan. Osy­ǵan baılanysty atalǵan kúnnen Á.Moldaǵulova kó­she­sinen Bógenbaı batyr dań­ǵylyna deıin jáne osy dańǵyldan Kenesary kóshesinen bastap Jeńis dańǵylyna deıin jol qatynasy jabylmaq. Burynǵy salynǵan qu­ry­lys júıeleri boıynsha kommýnıkasııa jelileri Je­ńis dańǵylynyń barlyq uzyn­dyǵy boıynsha ózara baılanysty júıemen qa­lyp­tasqan. Jylý berý maý­symyna deıin qurylys ju­mystaryn úlgerý úshin jáne turǵyndardy bolashaqta sýmen úzdiksiz qamtamasyz etip turý úshin atalǵan kósheniń ınfraqurylymyn tolyq jabý jóninde sheshim qa­byldanǵan. Imanov kóshesin qaıta jańartý jumystary úsh ke­zeńmen júzege asyrylady. Oǵan Iаnýshkevıch kóshesinen Brýsılovskıı kóshesine deıin, Brýsılovskıı kóshesi­nen Ýálıhanov kóshesine deıin jáne Ýálıhanov kóshe­sinen Respýblıka dańǵy­lyna deıingi ýchaskelerdi ke­zeń-kezeńmen qaıta qurý josparlanǵan. Qazirgi tańda bul keshendi sharalardyń birinshi kezeńi aıaqtalý ústinde. Ábdirahman QYDYRBEK.