Qazaqstan Respýblıkasy Bilim jáne ǵylym mınıstrliginiń buıryǵy №202

2011 jylǵy 19 mamyr Astana qalasy. Ǵylymı uıymnyń konsýltatıvtik-keńesshi organy týraly úlgi erejeni bekitý týraly «Ǵylym týraly» Qazaqstan Respýblıkasynyń 2011 jylǵy 18 aqpandaǵy Zańynyń 4-babynyń 11) tarmaqshasyn iske asyrý maqsatynda buıyramyn: 1. Qosa berilip otyrǵan Ǵylymı uıymnyń konsýltatıvtik-keńesshi organy týraly úlgi ereje bekitilsin. 2. Ǵylym komıteti (B.A.Qasymbekov): 1) osy buıryqty belgilengen tártippen Qazaqstan Respýblıkasy Ádilet mınıstrligine memlekettik tirkeýge jibersin; 2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn. 3. «Ǵylymı uıymnyń konsýltatıvtik-keńesshi organynyń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2005 jylǵy 7 qarashadaǵy №707 buıryǵynyń (Normatıvtik quqyqtyq aktilerdi memlekettik tirkeý tiziliminde №3948 bolyp tirkelgen, 2005 jylǵy 21 jeltoqsandaǵy №173-174 (798) «Zań gazeti») kúshi joıyldy dep tanylsyn. 4. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri M. K.Orynhanovqa júktelsin. 5. Osy buıryq alǵash resmı jarııalanǵan kúninen bastap on kúntizbelik kún ótken soń qoldanysqa engiziledi.     Mınıstr    B.JUMAǴULOV. Qazaqstan Respýblıkasy Bilim jáne ǵylym mınıstriniń 2011 jylǵy 19 mamyrdaǵy №202 buıryǵymen bekitilgen   Ǵylymı uıymnyń konsýltatıvtik-keńesshi organy týraly úlgi erejeni bekitý týraly   1. Jalpy erejeler   1. Ǵylymı uıymnyń konsýltatıvtik-keńesshi organy Ǵylymı (ǵylymı, ǵylymı-tehnıkalyq, tehnıkalyq) keńes (budan ári – Keńes) bolyp tabylady. 2. Keńes óz qyzmetine 2011 jylǵy 18 aqpandaǵy «Ǵylym týraly» Qazaqstan Respýblıkasynyń Zańyn, salalyq baǵdarlamalardy, ǵylym salasyndaǵy Qazaqstan Respýblıkasynyń normatıvtik quqyqtyq aktilerin, sondaı-aq ǵylymı uıymnyń Jarǵysyn jáne osy erejeni basshylyqqa alady. 2. Keńestiń negizgi mindetteri   3. Keńestiń negizgi mindetteri: 1) ǵylymı uıymnyń ǵylymı, ǵylymı-tehnıkalyq jáne ınnovasııalyq qyzmetteri máselelerin qarastyrý, ony jetildirý boıynsha usynystardy ázirleý jáne tıisti usynymdar engizý; 2) Qazaqstan Respýblıkasynyń ǵylymı, ǵylymı-tehnıkalyq jáne ınnovasııalyq qyzmetiniń Qazaqstan Respýblıkasynyń Prezıdenti jáne Qazaqstan Respýblıkasynyń Úkimeti aıqyndaǵan basym baǵyttaryn iske asyrýǵa kómektesý; 3) ǵylymı uıym qyzmetteriniń strategııalyq jáne aǵymdaǵy josparlaryn qarastyrý; 4) ǵylymı uıymnyń biryńǵaı memlekettik ǵylymı-tehnıkalyq saıasatty qalyptastyrý men iske asyrýǵa qatysý boıynsha basqa ǵylymı uıymdarmen, joǵary oqý oryndarymen, ǵylymı qaýymdastyqpen ózara is-qımyl máselelerin qarastyrý; 5) ǵylymı jáne tájirıbelik-konstrýktorlyq jumystardy uıymdastyrýdy jetildirý boıynsha usynystardy zerdeleý jáne ázirleý; 6) uıymnyń ınnovasııalyq qyzmetin damytý máselelerin qarastyrý; 7) ǵylymı jáne ǵylymı-tehnıkalyq qyzmetterdiń nátıjelerin dáripteý men nasıhattaýǵa qatysý, olardy kommersııalandyrýǵa kómektesý; 8) halyqaralyq ǵylymı jáne ǵylymı-tehnıkalyq yntymaqtastyqty damytýǵa kómektesý; 9) ǵylymı uıymdardyń jáne onyń qurylymdyq bólimsheleriniń tıimdi jumysy boıynsha usynystar ázirleý.   3. Keńes qyzmetteri   4. Keńes óz mindetterin oryndaý úshin: 1) Qazaqstan Respýblıkasynyń Úkimeti aıqyndaǵan ǵylymı, ǵylymı-tehnıkalyq jáne ınnovasııalyq qyzmettiń basym baǵyttaryn iske asyrý maqsatynda ǵylymı uıymnyń negizgi baǵyttary boıynsha usynymdardy talqylaıdy jáne ázirleıdi; 2) ǵylymı tujyrymdamalardy, ǵylymı jáne (nemese) ǵylymı-tehnıkalyq damý baǵdarlamalaryna, ǵylym salasyndaǵy zańnamalyq jáne basqa da normatıvtik aktilerge usynystardy qarastyrady; 3) ǵylymı-zertteý jáne tájirıbelik-konstrýktorlyq jumystardyń jáne olardyń nátıjelerin praktıkalyq iske asyrý, ǵylymı kadrlardy daıarlaý, ǵylymı eńbekterdi shyǵarý josparlaryn bekitý jáne iske asyrý boıynsha usynymdardy qarastyrady jáne ázirleıdi; 4) ǵylymı uıymnyń ǵylymı, ǵylymı-uıymdastyrý jáne óndiristik qyzmeti boıynsha esepterdi bekitý boıynsha usynymdardy qarastyrady jáne ázirleıdi; 5) ǵylymı uıymdy basqarýdy jetildirý, sondaı-aq ǵylymı-zertteý jáne tájirıbelik-konstrýktorlyq jumystarǵa (budan ári – ǴZTKJ) qarjylyq qarajattardy tıimdi paıdalaný boıynsha máselelerdi talqylaıdy jáne usynymdar engizedi; 6) basqa ǵylymı uıymdarmen, joǵary oqý oryndarymen yntymaqtastyq máselelerin qarastyrady; 7) qurylymdyq bólimshelerdiń, olardyń basshylarynyń jáne jekelegen ǵylymı qyzmetkerleriniń ǵylymı, ǵylymı-tehnıkalyq jáne óndiristik qyzmeti týraly esepterin tyńdaıdy; 8) ǵylymı uıymnyń halyqaralyq yntymaqtastyǵy máselelerin, sheteldik uıymdarmen birlese ótkizgen ǵylymı zertteýlerdiń oryndalý barysyn talqylaıdy, qyzmetkerlerdiń sheteldik ǵylymı issaparlary boıynsha esepterin tyńdaıdy; 9) ǵylymı kadrlardy daıarlaýmen jáne olardyń biliktiligin arttyrýmen baılanysty máselelerdi talqylaıdy; ǵalymdardyń ǵylymı kadrlardy daıarlaý boıynsha jumystary týraly habarlamalaryn júıeli túrde tyńdaıdy; 10) memlekettik nagradalar men syılyqtarǵa ǵylymı eńbekterdi, ǵylymı jańalyqtardy jáne ónertabystardy usynady; 11) uıymnyń ǵylymdy damytýǵa úles qosqan ǵylymı qyzmetkerlerine ǵylymı jáne qurmetti ataqtardy berýge kandıdatýralardy usynady; 12) Ulttyq ǵylymı keńesterdiń quramyna usynylǵan ǵalymdardyń kandıdatýralaryn qarastyrady; 13) ǵylymı qurylymdardyń, zerthanalardyń meńgerýshileri, bas jáne jetekshi, aǵa jáne kishi ǵylymı qyzmetkerlerdiń bos laýazymdaryn ornalastyrý máseleleri boıynsha usynymdardy talqylaıdy jáne ázirleıdi; 14) jekelegen avtorlardyń, ujym jáne qyzmetkerlerdiń ǵylymı eńbekterin jarııalaýǵa usynady; 5. Ǵylymı uıym keńesiniń derbes quramyn ǵylymı uıymnyń basshysy eki jyl merzimge bekitedi. Keńestiń músheleri uıymnyń ǵylymı qyzmetkerleri ujymynyń jalpy jınalysynda kópshilik daýyspen saılanady. 6. Keńestiń tóraǵasy ǵylym uıymnyń basshysy, ol bolmaǵan jaǵdaıda basshynyń ǵylymı jumys jónindegi orynbasary bolyp tabylady. 7. Keńes qajettiligine qaraı jınalady, biraq toqsanyna bir retten jıi emes. Eger otyrysta Keńes quramynyń 2/3 qatysyp otyrsa, Keńes sheshim qabyldaıdy. 8. Eger otyrysqa qatysqan keńes músheleriniń jartysynan astamy daýys berse, Keńes sheshimi qabyldandy dep sanalady. Eger Keńes qupııa daýys berý týraly sheshim qabyldamasa, sheshimder ashyq daýys berý arqyly qabyldanady. 9. Keńes sheshimderi usynymdyq sıpatqa ıe jáne ǵylymı uıymnyń basshysy bekitkennen keıin kúshine enedi. Buıryq Qazaqstan Respýblıkasynyń Ádilet mınıstrliginde 2011 jylǵy 10 maýsymda Normatıvtik quqyqtyq kesimderdi memlekettik tirkeýdiń tizilimine №6999 bolyp engizildi.