Ortaq úıimizdegi beıbit ómir bekem bolady

Prezıdent poshtasynan Memleket basshysynyń atyna qazaqstandyqtardan ózderi­niń qýanyshtary men problemalaryn bólisip, memlekettik me­reke­lermen quttyqtap, Ult kóshbasshysynyń Qazaqstandy gúl­den­dirýge, etnosaralyq jáne konfessııaaralyq kelisimdi ny­ǵaı­týǵa baǵyttalǵan asa úzdik qyzmetin atap ótken kóptegen hattar kún saıyn kelip jatady. Sondaı hattyń biri Qazaqstan uıǵyrlary respýblıkalyq má­denı ortalyǵy men ıntellıgensııa ókilderinen keldi. «Biz, kópultty Qazaqstan hal­qy­nyń týysqan otbasynda kópten ómir súrip kele jatqan uıǵyrlar,  áli kúnge deıin 2002 jyly, Siz – biz­diń Prezıdentimiz, Ult kóshbas­shy­sy ózińiz kelip kúrdeli jón­deý­den keıin uıǵyr teatryn ashqan jarqyn kúndi qýanyshpen eske alamyz. Bul álemdegi ShUAA-dan tys jerdegi jalǵyz kásibı uıǵyr teatry. Ol – bizdiń maqtanyshy­myz, bizdiń óner ordamyz. Onda bizdiń mádenıetimizdiń, tilimiz ben rýhanı baılyǵymyzdyń jańa deńgeıge kóterilip, saqtalýy úshin qoldarynan kelgenin jasaǵan uı­ǵyr halqynyń talantty uldary ju­mys istedi. Olar bizge Otandy súıý­di, adamdardy qurmetteýdi, úl­kendi syılap, óz salt-dástúrimizdi saqtaýdy ósıet etip qaldyrdy. Teatrdy uıǵyr halqynyń kór­nekti uly jáne KSRO halyq ártisi Quddys Qojamıarovtyń usy­nýymen taǵaıyndalǵan Murat Ahmadıev 25 jylǵa jýyq ýaqyt basqardy. Bul bizdiń teatrdyń órkendegen jyldary boldy: repertýar baıydy, keleshegi bar mamandar oraldy, ujym halyq­aralyq deńgeıde tanyldy. 2005 jyly teatrdyń 70 jyldyǵy qarsa­ńyn­da Siz óz Jarlyǵyńyzben teatr­ǵa Q.Qojamıarovtyń esimin berdińiz. Osy úshin Sizge sheksiz rızamyz»,  dep jazady Qazaqstan halqy Assam­bleıasy Tóraǵasynyń orynbasary, Qazaqstan uıǵyrlary respýblıkalyq mádenı ortalyǵynyń tóraǵasy A.Shar­dınov, professor, res­pýb­lıkalyq uıǵyr mýzykalyq komedııa teatrynyń kórkemdik jetekshisi A.Qa­dyrov, jazýshy-dramatýrg, Qa­zaq­stan Jazýshylar odaǵy uıǵyr sek­sııasynyń tóraǵasy A.Ashırov, «Ýıǵýr avazı» respýblıkalyq gaze­tiniń bas redaktory, Qazaqstannyń eńbek sińirgen qaıratkeri Iý.Azamatov, Qazaqstan uıǵyrlary qaýym­das­ty­ǵynyń tóraǵasy T.Mametova, Res­pýblıkalyq aqsaqaldar keńesiniń tóraǵasy A.Maqsutov, uıǵyr tilin oqytatyn mektep qaýymdastyǵynyń tóraǵasy, №153 mektep-gımnazııanyń dırektory, Qazaqstan bilim berý isiniń úzdigi Sh.Ýmarov jáne t.b. Sonymen qatar, bul úndeý hatta teatr basshylyǵynyń kadr jónindegi sheshimine qoldaý bildirilgen. «Uıǵyr teatrynyń dırektory qyzmetine jaqynda osy ujymda 1983 jyldan beri jumys istep kele jatqan Saýtjan Sonýrov taǵaıyn­daldy. Osy jyldar ishinde ol kóp­tegen rólderde oınady, kóptegen qoı­ylymdardy qoıýǵa atsalysty, teatr tobyna jetekshilik jasady. Ol teatrdy jaqsy biledi jáne ony kez kelgen deńgeıge laıyqty alyp shyǵa alady. Teatr qyzmetkerleri (102 adam) jańa basshyǵa óz qoldaý­la­ryn bildirdi. Uıǵyr ıntel­l­ıgen­sııasy, uıǵyr ulttyq-mádenı orta­lyǵynyń aktıvi bul sheshimdi to­lyq qoldaıdy», delingen hatta. Úndeý hattyń avtorlary Memleket basshysyn elorda kúnimen qut­tyqtaǵan. «Asa qurmetti Nursultan Ábish­uly! Siz bizdiń ortaq úıi­mizdegi beıbitshilik pen kelisimdi árbir qazaqstandyq kózdiń qarashy­ǵyndaı saqtaı bilip, nyǵaıtýy qajettigin árdaıym aıtyp kelesiz. Sizdiń Qazaqstanda ǵana emes, Eýrazııada, ıslam men túrki áleminde kelisim men turaqtylyqty nyǵaıtý isindegi kópqyrly qyzmetińizdi kúlli álem biledi. Bizge jáne bizdiń mádenıe­ti­mizge únemi kórsetip kele jatqan qamqorlyǵyńyz úshin ózimizdiń shy­naıy ári zor rızashy­ly­ǵy­myzdy bildire otyryp, ásem As­tanamyz – elorda kúni qarsańynda, Sizdiń orasan zor qyzmetińizge tabys, sáttilik jáne Qazaqstan halqynyń baqyty jolynda uzaq ǵumyr tileımiz!», delingen hatta.