Rahmet!

Uly dúbirli Astana toıynyń qarsańynda redaksııa poshtasyna elimizdiń ár túk­pi­rin­degi qazaqstandyqtardan alǵysqa toly hat­tar kelip túsýde. Ol hattar santúrli ta­qyrypty qozǵaǵanymen, ortaq túıini bireý. El turǵyndary Qazaqstannyń qazirgi damý ba­ǵy­tyna, jetken jetistikterine rızashy­lyq­taryn bildiredi. Kópke ortaq sol shapa­ǵat­tyń jemisin jeke  bastarynyń da kórip jatqandyǵyn aıtady. Kóptegen hat ıeleri osy jetistikterdiń bar­lyǵyn Elbasynyń elimizde júrgizip jat­qan sarabdal  saıasatynyń jemisi retinde ba­ǵalap, Memleket basshysyna aqjarma kó­ńil­den týǵan alǵystaryn jetkizedi. Tómende solardyń birqataryn jarııalap otyrmyz. Shynaıy qamqorlyq kórinisi Qazirgi kezde álemniń kóp­­tegen elderinde qarjylyq qı­yn­dyqtar bolǵan ýaqytta, Qazaqstan­da Elbasy, par­tııa­myzdyń Tór­aǵa­sy Nur­sultan Ábishuly Na­zarbaev­tyń bas­tamasy boı­yn­sha bıýdjet salasy qyzmet­ker­leriniń jal­aqy­sy jyl saıyn kóte­ri­lip keledi. Oǵan qosa, prezıdenttik ındýstrııalyq-ın­no­va­­sııalyq damý strategııa­sy­nyń iske asy­rylýynyń arqa­synda, búkil el boıynsha jyl saıyn júzdegen jańa óndi­rister, myń­daǵan jańa jumys oryndary da ashylyp, jańa mektepter, bala­baq­shalar sa­ly­nyp jatyr. Osynyń barlyǵy – Elba­synyń ár bastamasynyń naq­ty oryndalýynyń aıqyn dá­leli jáne Elbasynyń óz hal­qyna degen shynaıy qamqor­lyǵy. Nurlan NYǴMATÝLIN, «Nur Otan» HDP Tóraǵasynyń birinshi orynbasary. Men táýelsiz eldiń qyzymyn! Men ata-anamnan jastaı aıy­rylyp, Alǵa balalar úıinde tárbıelenip jatqan edim. Birde bizge Aqtóbe oblystyq sotynyń tóraǵasy Bektas Beknazarov kelip, barlyǵymyzdyń jaǵdaıy­myz­ben tanysyp, oblystyq sot Alǵa balalar úıin óz qamqor­ly­ǵyna alatyndyǵyn málimdedi. Sodan beri kópshiligimizdiń, ási­re­se meniń ómirime meıirimdilik shýaǵy tógile bastady. Mektep bitirgen soń oblystyq sotqa ju­mysqa ornalastym. Zań kol­ledji­niń 2-kýrsynda aqysyz negizde syrttaı oqyp jatyrmyn. 2010 jyldyń kúzinde Aqtóbe oblysynyń sottarynda jumys isteıtin ózge ult mamandary ara­synda ótkizilgen qazaq tili saıy­synda bar ónerimdi kórse­tip, oblys basshylyǵynyń qo­ly­nan temir tulpardy ıelendim. Qazaq tilin jaı bilip qana qoımaı, erkin sóıleıtin deńgeıge jetsem degen umtylysym osylaı memleket tarapynan qoldaý tapty. Jaqynda Joǵarǵy Sot Tór­aǵa­sy  qatysqan úlken jıynda oblys ákimi Eleýsin Saǵyn­dyqov maǵan saltanatty túrde jańa páterdiń kiltin tapsyrdy. Men qarapaıym ýkraın qy­zy­myn. Maǵan kórsetilip jatqan kómek Elbasynyń salıqaly áleý­mettik saıasatynyń jemisi dep bilemin. Elbasynyń bas­qa­rýymen qarqyndy damyǵan Qa­zaqstandy birlese qurý múm­kindiginiń bol­ǵa­nyna qýanysh­tymyn. Memleket basshysynyń Jol­daýynda aıtylǵandaı, bizdiń elimizde adam basty baılyq ekendigine meniń ómir jolym, maǵan jasalynyp otyrǵan memleke­ti­mizdiń qamqorlyǵy aıǵaq bolyp tabylady. Allanyń meıirimi men raqy­my tógilgen Elbasyny halyq­tyń alǵysy men batasy qoldap, álem aldyndaǵy mártebesi odan saıyn asqaqtaı bersin. Nur­sul­tan Ábishulyna jáne otbasyna zor densaýlyq, taýsylmas baqyt tileımin! Meni «sottyń  qyzy» dep áriptesterim  ázildeıdi. Men sottyń ǵana emes, táýelsiz eldiń qyzymyn.  Muny men zor maq­ta­nysh tutamyn. Lıýbov ChEMERIS, Aqtóbe oblystyq sotynyń mamany. Eńbegimniń jemisin kórdim Men Nursultan Nazarbaevpen táýelsizdikten burynǵy jyl­dardan beri tanyspyn. Qyz­met barysynda kezdesip júrdik. Eli­mizdiń saıası ómiri de, eko­no­mıkasy da ózgeristerge toly  bolǵan 90-shy jyldardyń ba­synda  Prezıdenttiń usyny­sy­men men elimizdiń Aýyl sha­rýashylyǵy mınıstri bolyp taǵaıyndaldym. Reformalardy bastaǵan aýyr jyldar edi. Biraz jumystar atqardyq.  Keıin ózim kóp jyl eńbek etken Qostanaı oblysyna kelip, «Zarechnyı» úlgi-tájirıbe sharýashylyǵyn basqardym. Men munda kelgende, 1960-1970 jyldary ózim  negizin bastaǵan ylǵal saqtaý tehnologııasyn aıaǵyna deıin jetkizýdi oıladym. Qazir osy ylǵal jabý teh­no­logııasyn oblysta  jáne respýb­lıkada barynsha nasıhat­taý­dy qolǵa alǵanmyn. Jańa tehnologııa boıynsha jerdi kútip-baptaýdyń nátıjesinde oblys­ta ótken qýań­shylyq jyldary  dıqan qambasy bos qalmady. Jer­di óńdeýdiń jańa tásili arqa­synda  ónim alý bir jarym ese artty. Aıtaıyn degenim, Nur­sul­tan Ábish­uly jyl saıyn Qos­tanaı óńirin aralaǵanda bizdiń sha­rýa­shylyqqa soǵady. Astyq al­qa­byn aralap kóredi. Qos ba­synda dı­qandarmen kezdeskende de  men bastaǵan ylǵal jabý tehnolo­gııa­syn olardyń keńinen paıdalanýyn qoldaıtyndyǵyn bildiredi. Bir jıynda Nursultan Ábish­uly: «О́z erkimen óndiriske qaıta oralyp, ony gúldendirip jibergen jalǵyz mınıstr Dvýrechenskıı ǵana. Al senderge tek sheneý­niktik qyzmet kerek», depti. Prezıdentimizdiń aýzynan shyq­qan bul sózge, meniń atyma ar­nal­ǵan jyly lebizge, shynymdy aıtsam, jelpinip qaldym. Onyń jyl saıyn sharýashylyqqa soǵatyny, «ulyq bolsań, kishik bol» degendeı, adamgershilikpen, qarapa­ıymdylyqpen  hal-jaǵdaıym­dy surap turatyndyǵy maǵan erekshe kúsh-jiger beretinin ja­syr­ǵym kelmeıdi. Bıyl ob­lys­ta 500 myń gektarǵa jaqyn jer osy jańa tehnologııamen óń­del­di. Onyń ústine kóktiń nury da jaýyp tur. Qostanaı dıqan­da­ry  eginniń bitik shyǵaryna, mol astyq óndirerine senimdi. Al­tyn kúz kezinde Prezıdent  Nur­­sultan Nazarbaevtyń Qos­ta­naı óńirine joly tússe eken dep oılaımyz. Ol kelgen saıyn belýardan kelip ósken astyqty Prezıdentpen birge aralaımyz. Onymen egin sharýashylyǵy­nyń jetistigi men  áli de ózekti degen  máselelerin týǵan jerdiń tósinde turyp  talqylaımyz. Shirkin, osyndaı sátter meni shýaqty sezimderge bóleıdi. Bar yntammen kirisken ıgi isimdi qoldaǵan Prezıdentti de, ekinshi otanym bolyp ketken qazaq jerin de qalaı jaqsy kórmeısiń! Valentın DVÝREChENSKII, Qostanaı aýyl sharýashy­lyǵy ǵylymı-zertteý ınstıtýtynyń dırektory. Qostanaı oblysy.