«Pýshkın» premerasy – Elorda sahnasynda

Astana kúni merekesine ar­nal­ǵan is-sharalar aıasynda elor­da­myz­dyń mádenı oshaqtarynyń sah­na­syn­da álemdik týyndy­lar­dyń pre­merasy ótetindigi de sońǵy jyl­dary dás­túrge aınalyp keledi. Sonyń bir kórinisi Reseı halyq ártisi Sergeı Bezrýkovtyń «Pýshkın» kınospek­takli­niń qo­ıy­lymy bolyp taby­la­dy. Alǵash ret osy­dan týra bir aı buryn Reseıdegi «Mıhaılovskoe» mura­jaı-qory­ǵyn­da tusaýkeseri ót­ken bul qoıy­lym endi astanalyq­tar men qala qonaqtarynyń naza­ry­na usynylyp otyr. Talantty ártis Sergeı Bezrýkov ótken jyly Astana kúni merekesi qarsańynda Beıbitshilik jáne kelisim saraıynda alǵash ret «Bas­bu­zar» mý­zykalyq-poetı­kalyq qoıy­ly­myn qa­zaq­standyq kórer­mender talqysyna usynǵan bolatyn. Ol Sergeı Esenınniń poe­zııasyn rok-qury­lym­dar­men, jalyn­dy tangomen, syrshyl balladalarmen, balettik monologtarmen sahnala­ǵan edi. Bir jarym jyl boıy áı­gili orys aqynynyń ómiri týraly tol­ǵan­ǵan Sergeı Bezrýkov óz shyǵar­ma­syn as­ta­na­lyqtar na­zaryna usy­na oty­ryp: «Esenınniń tek janyn túsinip qana qoı­maı, tipti syrttaı uqsa­ǵym keldi. Onyń poezııa­syn­da­ǵy ár sóz, ár jol naǵyz súıis­pen­shi­likke to­ly» dep tebirengen bolatyn. Endi mine, Astananyń 13 jyl­dyq múshel me­rekesinde rejısserlik qy­rynan tanyla bas­taǵan Sergeı Bezrýkov orys­tyń uly aqy­ny A.S.Pýshkınniń ómiri men ólimi týraly kı­no qoıy­lym­dy elorda sah­nasyna shyǵa­ryp otyr. 3 jáne 4 shilde kúnderi «Kongress-holl» sahnasynda erekshe tabys­pen ótken bul qoıylymǵa Ser­geı­diń ákesi Vı­talıı Bez­rý­kovtyń «I jızn, ı slezy, ı lıýbov» pesasy arqaý bol­ǵan. Onda Alek­sandr Pýshkın ómi­riniń mańyzdy kezeńderi som­da­lady. Pýshkın­niń Mıhaılovskige al­ǵash kelýi, Gekkern men Dantestiń dıalogy, aqyn­nyń Natalıa Goncharovamen nekelesýi, Pýshkınniń áke­­si­­men áńgimesi beınefılm kórinisi pishininde beınelengen. Qoıy­lym ba­ry­­syn­da beı­­ne­kóri­nister ek­randa kór­setilip otyrylady. «Pýshkın» kınospektakli aqyn ómi­riniń osyndaı sharyqtaý kezeń­derimen órile kelip, jalyn­dy aqyn­nyń 1837 jyly dýel sal­darynan qaıǵyly qaza­ǵa ushy­raýymen aıaq­ta­la­dy. Osyndaı shı­ryǵysty kó­ri­nis­termen beı­nelengen qo­ıy­­lym kó­rer­mendi baýrap, sah­nadaǵy oqı­­ǵalarǵa eriksiz tar­tady. «Biz Pýsh­­kınniń qa­za­syna etimiz úıren­geni­miz son­sha­lyq, selt etkendi qoı­ǵan­byz. Biz 1837 jy­ly  bolǵan, qazirgi kún sa­naý bo­­ıynsha 10 aq­pan­daǵy aqyn ólimi kú­nin eskermeımiz de. Al men osy bir qaraly kúnde bol­ǵan qazaǵa kórer­men­der júreginiń dir etkenin qala­dym. Olar­dyń aqyn ólimi týra­ly bu­ryn­nan biletin tarıhyn qaı­ta­dan bastan ót­ker­gendeı áserde bol­ǵa­nyn qaladym», deıdi Sergeı Bezrýkov. Jylqybaı JAǴYPARULY.