«Nursultan-2011» alpınıadasy – salamatty ómirdiń nasıhatshysy

Qazaqstan Respýblıkasy Ulttyq olımpıada komıteti, Almaty qalasynyń ákimdigi men Almaty qalasynyń alpınızm men shyńǵa shyǵý federasııasy uıymdastyrǵan «Nursultan-2011» alpınıadasy 3 shilde kúni Alataý baýraıynda ótti. Qazaqstan Respýblıkasy Táýel­sizdiginiń 20 jyldyǵyna arnap uıymdastyrylǵan bul shara qa­lyń buqarany belsendi dema­lys túrlerine shaqyrý maqsatymen jú­zege asyrylyp otyr. Qura­myn­da sportshy toby bar qala turǵyndarynan jasaqtalǵan yn­taly qaýym bir mezgilde tórt baǵyt bo­ıynsha shyńǵa kóterilip, «Tiginen órleý» dep atalatyn bıikke júgirý túrinen ótkizilgen ja­rysqa qatysty. Osy sharaǵa qa­tysqan qalalyqtar «Otba­sy­lyq top», «Halyqaralyq top», «Eresekter toby» jáne «Ardageler toby» dep jasy men beıimine qa­raı birneshe topqa bólindi. 4376 metr bıiktikte or­nalasqan Nur­sultan shyńynyń basyna shyqqan alpınıster bir kisideı «Astana!» dep bar daýsymen jar saldy. Ile Alataýynyń Tuıyqsý aý­danynda ornalasqan bul shyń bu­rynyraqta Komsomol shyńy dep atalyp kelgen edi. 1995 jyly Elbasy Nursultan Nazarbaev osy shyńnyń tóbe­sine kóterilip, záý­lim bıikten qol bulǵap, kók baı­raǵymyzdy jelbiretken. Sodan keıin 1998 jyly eldiń yqylasymen osy shyńǵa elimiz­diń Tuńǵysh Prezıdenti N.Na­zarbaevtyń qurmetine Nur­sultan esimi berilgen-di. Taý basyna shyǵý saparyna qatysýshylarǵa “Medeý – Shymbulaq – Medeý” qanatty joly tegin qyzmet kórsetti. 500-den asa erikti qala turǵyn­dary qatysqan sharanyń qaýip­sizdigin qamtamasyz etý úshin qutqarý qyzmetiniń 300-ge jýyq mamany jumyldyrylyp, joǵarydan tikushaqpen ba­qy­laýdy qolǵa aldy. Atalǵan ja­rysqa qatysqandarǵa «Nursul­tan-2011» alpınıadasyna qa­tysýshy» degen sertıfıkat berilse, shyńnyń basyna deıin aptyqpaı jetken jeńim­paz­dardyń bári Ulttyq olımpıada komıtetiniń dıplom­da­ry­men jáne baǵaly syılyqtarmen marapattaldy. Qanat ESKENDIR. Almaty.