Týrızmdi damytý talpynystary

Reseı ekonomıkasyndaǵy týrızmniń úlesi anaý aıtqandaı eleý­li emes, eldiń osy salaǵa baılanysty básekege qabi­let­ti­ligi de álemdik reıtıngte aldyńǵy oryndarǵa shyǵa al­maıdy. Soǵan qaramastan, sońǵy jyldary Reseıde týrızmdi tabys kózine aınaldyra otyryp, óńirlerdi keshendi da­my­tý­dyń naqty qadam­dary jasalýda. Týrızmdi damytýdyń bola­shaq federaldyq maq­sat­ty baǵdarlamasy osyǵan baıla­nys­ty ázirlenýde. El ekonomıkasyn, sonyń ish­inde týrızmdi de damytýǵa tu­ǵyr bolatyn jobalardyń biregeıi 2014 jylǵy Sochı Olım­pıa­dasy men 2018 jylǵy fýtboldan álem chempıonatyna qa­tys­ty bolady. Olımpıada qar­sańyndaǵy qaýyrt is-qımyldar eldiń ońtústigindegi ınfraqu­ry­lymdy jetildirýge jol ashsa, fýtbol saıysy ortalyq óńir­ler­diń jaı-kúıin sapaly tur­ǵy­da jańǵyrtýǵa tıis. Sol sebepti qazir Reseıde qurylys jumys­tary qarqyndy júrgizilip, kóp­tegen jańa obektilerdi, basqa da qajetti kommýnıkasııa jelilerin jedel iske qosý mindeti alǵa qoıylyp otyr. Neǵurlym mańyzdy jobalar eldiń ońtústigine – Krasnodar ólkesine, Soltústik Kavkaz res­pýb­lıkalaryna, Rostov, Volgograd, Astrahan oblystaryna ba­ǵyttalǵan. Bul «Reseıdiń oń­tústigi» dep atalatyn federal­dyq maqsatty baǵdarlamamen tyǵyz baılanysty. Ásirese, Sol­­­tústik Kavkaz aımaǵynda qazirgi zamanǵy týrıstik ındýstrııa qu­rý osy óńirdiń ekonomıkasyn alǵa shyǵarýǵa, jumyssyzdyqty joıýǵa múmkindik beredi dep qa­ras­tyrylýda. Investısııalar tar­tý men bıýdjet qarajatyn ush­tas­­tyra otyryp, jańa bes taý shań­ǵysy kýrorttaryn salý qol­ǵa al­ynady, mysaly, Qa­rashaı-Cher­kes jurtyndaǵy «Ar­hyz» ký­ror­tynyń birinshi kezegi ústimiz­degi jyldyń sońyna taman paı­da­la­nýǵa beriledi dep jobalanýda. BAQ habarlaryna qaraǵanda, Reseı Soltústik Kavkazdaǵy týrıstik klasterdi damytý úshin Fransııamen ózara is-qımylyn úılestirý ústinde eken. Bola­shaqta fransýz kompanııalary osy óńirde qonaqúıler salyp, ishki ınfraqurylymdy, taý shań­ǵysyn damytý úshin kerekti qural-jabdyqtar jetkizetindigi aıtylýda. Sondaı-aq atalǵan klasterdi jaǵajaı jáne emdik tý­rızm kýrorttaryn salý ar­qy­ly keńeıtý jaıy da kózdelýde. Týrızm salasynda qazir qol­ǵa alynyp jatqan ister taıaý­daǵy jyldary-aq óz nátıjesin beredi, ıaǵnı 2011 – 2020 jyl­dary Reseıdiń týrıstik ındýs­trııa­sy jylyna 6, 7 paıyz óse­tin bolady, deıdi derek kózderi. Serikqalı BAIMENShE. Máskeý.