Forýmǵa qatysýshylar lebizi

Borıs IаNChEV, Bolgarııa elshiliginiń saýda-ekonomıkalyq suraqtar qyzmetiniń basshysy, keńesshi. II Astana Mining & Metallurgy atty 2-shi halyqaralyq taý-ken metallýrgııa kongresiniń suhbat alańy biz úshin óte paıdaly bolyp otyr. Bul alań taý-ken óndirýshi salasyn damytýǵa, stra­­tegııalyq jeliler týraly aqparat almasýǵa tap­tyrmas jer. Forým taý-ken salasyndaǵy strate­gııa­lyq vek­torlardy talqylaý úshin barýǵa turarlyqtaı mańyzdy oqıǵa dep aıta alamyn. Sharaǵa tek shaqyrýmen emes, óz bastamammen de kelip, qatysyp júrmin. О́ıtkeni óz elimizde de osy salany jańa deńgeıge kóterýge, damytýǵa kúsh salýdamyz. О́kinishke qaraı, bizde bul sala daǵdarys kúıinde, «aqsańqyrap» tur. Nurahmet BIJANOV, «Qazaqmys» oqý salasy basqarmasynyń bastyǵy. Forýmǵa bizdiń kóp jumyskerler keldi. Al men oqý salasynan keldim. Biz forýmnyń ekinshi kúni dóńgelek ústel ótkizip, taý-ken isinde eńbek etetin jas mamandardy oqytý, daıarlaý taqyrybynda áńgimelespekpiz. Ken-taý óndiri­siniń keleshegi mol. Ony damytý úshin mys sa­la­synda biz de eńbek etip jatyrmyz. Atap aıtsaq, «Qa­zaqmys» kompanııasy aıasynda mamandar da­ıyndaıtyn eki kolledj ashtyq. Al myna forýmǵa kelsek, jaqsy baıandamalar jasalyp jatyr. Tek elimizdiń ǵana emes, álemdik deńgeıdegi pikirlermen de tanys bolyp jatyrmyz. Bul tájirıbe alýymyzǵa óte qajet. Ekinshiden, taý-ken salasyndaǵy áriptestik baılanysty ny­ǵaıtamyz. Jańa mamandarmen tanysý arqyly baılanys quramyz. Olardyń úlgili jumystarymen tájirıbe almasamyz. Oleg SOSKOVES, RF saýda-óndiristik toby assosıasııasynyń prezıdenti, keńes tóraǵasy. Ekonomıka salasyndaǵy mundaı basqosýlardyń resýrstary kóp shaǵyn memleketter úshin paıdasy zor, óıt­keni ol resýrstardyń barlyǵyn ózine sińire almaıdy da syrtpen jumys istemese ekonomıkasy toqyraýǵa túsedi. Iаǵnı, toqtaýǵa ákeledi. Sondyqtan, qaı jaǵy­nan alyp qarasańyz da forým jumysy Qazaqstan úshin óte paıdaly bolmaq. Reseı men Qazaqstan sekildi elder taý-ken óndirisi salasynda saıasatty birigip júrgizgeni abzal. Sebebi, Eýropa odaǵynyń ustanǵan saıasaty elderimizden tek qana shıkizatty áketip, daıyn taýardy satý. Al bizdiń tereńdetip óń­deýi­mizge, uqsatýymyzǵa olar barynsha kedergi qoıa­dy. Joǵary tehnologııalyq óndiristi ıgere qoımaǵan Reseı Qazaqstan sekildi memleketterge birigip saıasat júrgizgen paıdalyraq bolyp otyr.