Qaltqysyz kóńil, jaqsarǵan ómir

Elimiz egemendik alǵaly táýel­sizdik tuǵyry bekip, ekonomıkalyq jaǵdaıymyz jyl saıyn jaqsaryp, turmysymyz túzelip keledi. Elbasy Nursultan Nazarbaevtyń egemendik­tiń eleń-alańynda: «Aldymen ekono­mıka, sodan keıin baryp saıasat», degen sarabdal saıasaty men ulaǵatty usta­ny­my óz jemisin berip otyrǵa­nyn barsha qazaqstandyq aıqyn sezinýde. Sonyń nátıjesinde el ekono­mı­kasy álemdik qarjy daǵdarysy jaǵ­da­ıyn­da da ilgerileýdiń ilkimdi qa­damdaryn jasaýda. Elbasy halyq­tyń az qam­tylǵan tobyn áleýmettik qorǵaýǵa aıryqsha kóńil bólip júr. Sondaı-aq, zeınetaqy men shákirta­qyny, bıýdjettik mekeme qyzmetker­leriniń eń­bekaqysyn turaqty ósirýdi júıeli júrgizýde. Bul halyqtyń er­teńgi kún­ge degen senimin nyǵaı­typ, turmysy túzelýine, densaýlyǵy myq­ty urpaq ósirýine alǵyshart jasaýda. Burynǵy TMD elderi arasynda birde-bir mem­lekettiń basshysy Nursultan Ábishuly sııaqty mundaı áleýmettik jaǵdaı jasaı almaı otyrǵany shyn­dyq. Muny biz ustazdar qaýymy da aıqyn sezinýdemiz. Elbasy bıylǵy Qazaqstan hal­qyna Joldaýynda «Ústi­mizdegi jyly biz zeı­net­aqylar men stıpendııalar kóle­min, bıýdjettik sala qyzmet­kerleriniń eńbekaqylaryn 30 paıyzǵa ósiremiz» degen bolatyn. Sózi men isinde alshaq­tyq bolmaıtyn Elbasy ýádesinde turdy. Biz álemdik qarjy daǵdary­sy­nan tolyq shyǵyp bolmaǵan jaǵdaıda osyndaı áleýmet­tik qoldaý jasap otyrǵan Elbasynyń tegeýrindi is-áreketine rızamyz. Bu­rynǵy jyl­dary olardy 25 paıyzǵa ǵana ul­ǵaıtyp kelgen Úkimettiń mun­daı qadamǵa barýy Nursultan Ábish­uly­nyń nebir álemdik deńgeıdegi ózekti máselelerdi ózindik oı-tujy­rymmen sheshetininiń dáleli bolsa kerek. Myńdaǵan adamdar men otbasy­lary osy qaltqysyz qamqor­lyq­tyń ıgiligin kórýde. Elimizdiń erteńi búgingi mektep qabyrǵasynda bilim alyp, tárbıe­lenip jatqan balalar ekeni belgili. Al, bilim negizi bastaýysh synyptarda qalana­ty­ny da shyndyq. Sondyqtan da muǵa­limge úlken jaýapkershilik júkteledi. Men ózim ustazdar otba­synda ósken­dikten, muǵalimdik maman­dyqty tańda­dym. Oǵan qazir eshqan­daı ókinbeımin. On tórt jyldan beri bastaýysh sy­nyptardy oqytamyn, joǵary sanatty muǵa­limmin. Qazirgi alyp júrgen eńbek­aqymyz da salys­tyra qaraǵanda, jerge qaraıtyndaı emes, shúkirshilik bola­tyn. Endi oǵan shildeden bastap 30 paıyz qosyldy. Bul Elbasynyń ustaz­dar­dyń, dáriger­ler­diń, basqa da bıýdjettik sala qyzmet­kerleriniń eńbegin baǵalaý dep bilemin. Bizge alańsyz ju­mys isteýge barlyq jaǵdaı jasalýda. Bizdiń oblysta budan basqa da yntalandyrý sharalary júzege asy­ry­lyp keledi. Jyl saıyn 500 muǵa­limge 100 myń teńge kóleminde oblys áki­miniń aqshalaı syılyǵy beriledi. Bıyl shákirtterim úshinshi synypty aıaqtady. Endi osy oblys ákiminiń syılyǵy úshin baıqaýǵa qatysýǵa daıyndalyp ja­tyr­myn. Osyndaı álemdik qarjy daǵdarysy etekten tart­qan kúrdeli kezeńde de eńbek­aqymyzdy 30 paıyz ósirýge dem bergen Prezıdentimiz Nursultan Ábishulyna alǵystan basqa aı­tarymyz joq. Munyń ózi bizden ózimiz eńbek etip jatqan salada izdenispen jumys isteýdi talap etedi, bilimdi de sanaly shákirt tárbıeleýge mindetteıdi. Bul bir ǵana meniń pikirim emes, myńdaǵan áriptesterimniń aqjarylqap tilegi ekeni sózsiz. Janargúl MAǴZYMOVA, № 40 qazaq orta mektebiniń muǵalimi. Aqtóbe.