Fabıan men Krýtoıdyń án keshi

Keshe keshke Astananyń Ortalyq konsert zalynda qala kúnine arnalǵan mádenı sharalar sheńberinde Lara Fabıan men Igor Krýtoıdyń oryndaýynda «Madýmýazel Jıvago» atty shoý-konsert boldy. Bul shyǵarmashylyq jobadaǵy mýzyka kompozıtor Igor Krýtoıdyki, al ánin oryndaǵan Lara Fabıan. L.Fabıan frankotildes ánshi, Belgııada týǵan, bi­raq qazir Kanada aza­mat­shasy. Álemdik tórt tildi meń­gergen. Ol 14 jasynan Brıýs­seldiń klýbtarynda án salady. Mamandardyń aıtýyna qara­ǵanda, álem­dik óte sırek daýystardyń birine ıe, ony lırıkalyq sopranoǵa jatqyzýǵa bo­lady. Ánderdi orynda­ǵan kezde ysqyra shyǵatyn aıryqsha daýysy bar. Ol álemniń kóptegen elde­riniń sahnasynda án aıt­qan. Sońǵy jyldary Reseı sahnalarynda da jıi kórinip júr. 2011 jylǵy Astanada ótken Qysqy Azıadanyń ashylý sal­tanatynda án shyrqaǵan. Onyń reseılik kompozıtor Igor Krýtoımen bir­ge daıyndaǵan «Madýmýazel Jıvago» shoý-konserti alǵash ret 2010 jyly Reseıdiń Kreml­degi konsert sa­raıyn­da oryn­dal­ǵan. Sodan beri ánshi men kompozıtor ara­synda shy­ǵar­ma­shy­lyq odaq ajyra­maı keledi. «Doktor Jıvago» – álemdik sahna sheberle­ri­niń qol jetpes armany bolyp júrgen shoýlardyń biri. Frankotildes ánshiniń jan-júıeńdi bosatatyn da­ýysy kompozıtordyń tap­qyr­lyǵymen úıle­sip, qan­daı tyńdarmandy bolsa da beı-jaı qaldyr­maıdy. Áıel janynyń eń túkpi­rinde jatqan lırı­kalyq ún tyń­daýshylardy eriksiz tańyr­qatyp, Madýmýazel Jıva­gonyń oqıǵa­syna boılatady. Bul shyǵarmashylyq odaqtyń qurylýyna bas­tamashy bolǵan kompozıtor Igor Krýtoı. О́ziniń aıtýyna qaraǵanda, ol Fabıan­nyń ónerine kóp­ten beri den qoıady eken. Igor Krýtoıdyń esimin qazaqstandyq jeńil mýzyka áýesqoılary jaq­sy biledi. Ol – qazir Reseıdegi eń baı saz­ger­lerdiń biri. Ataqty «MýzTV» jáne basqa da birneshe telearnalar men radıostansalardyń ıesi. Úkimet tarapynan alǵan ataqtary da áriptesterinen anaǵurlym kóp. Keıbir mamandar Lara Fabıanmen shyǵarmashylyq odaq qurýǵa da onyń baqýat­tylyǵy sebep bolǵan desedi. Jasy alpysqa jaqyn­dap qalsa da kompozıtor jastar júregine jol tabatyn jeńil mýzyka­lardy shyǵarýda eshkimge des bermeı keledi. Ol ondaǵan mýzykalyq hıt­tar­dyń avtory. Astananyń ánsúıer qaýymy keshegi konsertten úlken lázzat aldy dep aıta alamyz. Ásirese, jas as­tanalyqtarǵa ol qatty unaǵany kórinip turdy. Jaqsybaı SAMRAT.