Astana. Aı. Aq shaǵala

Qanattylar qanatyn qaqsa dara, Baıtaǵyńnan basqasyn baq sanama! Aqdarıǵa Arqanyń alqabynda – Aı nuryna shomylǵan aq shaǵala.   Kóshim kelip kórikti zer qalaǵa, Esil bolyp esildim en dalada. Astana áz jurtynan aınalaıyn – Aq tilegi Alashtyń sende ǵana!   Suraǵanym qabyl bop kókten, Jerden, Kógerdim de kóristim kóktemdermen. Kók týymdy kógime tik kóterdi Ǵasyrlardyń qoınynan jetken kerýen.   Saryarqanyń syrnaıly syr dalasy, Aqqý tekti Alashtyń júr balasy. Qaraótkelge qaraorman el qondyrǵan – Aı qalasy – Astana, Kún qalasy.   Jýsanynyń juparyn jastana júr, Jibekteı qyz, aq jeıde aqsamal ul! Shyraıymnyń shyraǵy osy shahar – Armanyma ar bolǵan Astana bul.   Araı tógip turǵanda tóbede Kún, Jelmaıany jer osy shógeretin. Kóktemderge kóshimdi túzegende Kerýenbasy sekildi keremetim.   Gúlzarynyń aıalap bir kóshetin, Gúl keshetin qala bul nur keshetin. Sen alypsyń aspanǵa ıyq tirep – Balasymen qazaqtyń birge ósetin.   Saryarqanyń saǵymy, Samaldary, Jarasady janym-aı, Saǵan bári... Aı Astana – Alashtyń aq armany Jaryǵymsyń, sen meniń janardaǵy! Ǵalym JAILYBAI, halyqaralyq «Alash» syılyǵynyń laýreaty. Almaty.