Kóshbasshy

Álem elderiniń basshylary men saıasatkerleri, óner qaıratkerleri Prezıdent N.Á.NAZARBAEV týraly Barak OBAMA, AQSh Prezıdenti: Sizdiń elińiz egemendi, turaqty jáne órkendegen memleket retinde óziniń da­mýynda mańyzdy tabys­tar­ǵa qol jetkizdi. Men Qa­zaq­stanǵa Aýǵanstandaǵy turaqtylyq pen qalpyna keltirý isindegi ustanymy úshin rıza­shylyǵymdy bildiremin jáne men Sizdiń ultaralyq jáne dinı tózimdilikti alǵa jyljytý jónindegi kúsh-jigerińizdi joǵary baǵalaımyn. Dmıtrıı MEDVEDEV, Reseı Federasııasynyń Prezıdenti: Men Sizge alǵys bildire­min. Maǵan kórsetken bú­gin­gi qo­shemetterińiz bizdiń elde­rimiz arasyndaǵy aıryqsha senimge negiz­delgen qarym-qatynastardyń dáleli bolyp tabylady. Bizdiń halyqtarymyz ǵasyrlar boıy birge ómir súrdi. Soǵys kezindegi jáne tyń ıgerý kezindegi barlyq qıyndyqtardy teń kóterdi. Dostyq, túsinistik, syılastyq tini mine, osynda. Hý SZINTAO, QHR Tóraǵasy: Táýelsizdik jyldary Sizdiń basshylyǵyńyzben eńbek súıgish te aqylman Qazaqstan halqy óziniń qajyrly da jasampaz eńbegimen damýdyń durys jolyn taba bildi. Búginde Qazaqstanda ekonomıka turaqty damý ústinde, halyqtyń ál-aýqaty artyp, qoǵamnyń áleýmettik-saıası turaqtylyǵy  saqtalyp otyr. Sońǵy jyldary Qytaı – Qazaqstan qatynastary belsendi damýda. Pan Gı MÝN, BUU Bas hatshysy: Qazaqstan Prezıdentiniń kóregen saıasaty bolmaǵan­da, bul óńirdegi halyq áli kúnge deıin synaqtardan zardap shegip otyrýy múmkin edi. Sizdiń Ortalyq Azııada ıadrolyq qarýdan ada aımaq qurý bastamańyzben Soltústik jarty sharda ondaı aýmaq tuńǵysh ret qurylǵanyn zor rızashylyqpen aıta alamyn. Abdýlla GÚL, Túrik Respýblıkasynyń Prezıdenti: Ár kelgenimde gúldene tús­ke­nine kýá bolyp júr­gen As­ta­na qalasy – Qazaqstannyń dınamızmi men Prezıdent Nazarbaev myr­za­nyń kóre­gendiligin beı­ne­leıtin eń úlken týyndy. As­ta­­nanyń qurylys jumystaryna túrik fırmalary men jumysshylarynyń da úles qosýyn túrik-qazaq yntymaqtastyǵynyń eń ásem nyshandarynyń biri dep bilemiz. Angela MERKEL, GFR Kansleri: Jaýapty mindetterdi  odan ári atqarýyńyzda Sizge zor ta­bystar men sáttilik tileımin. Ekonomıkalyq, qoǵamdyq jáne saıası reformalardy júrgizýde Qazaqstan budan bylaı da Germanııa tarapynan bolatyn qoldaýǵa senim arta alatyn bolady. Manmohan SINGH, Úndistan Premer-Mınıstri: Barsha qazaqstandyq­tar­dyń Sizge sonshalyqty senimmen qaraýy – eńbegińizdiń aıqyn baǵasy bolyp tabylady. Ásem de záýlim Astana – Sizdiń jasampaz basshylyǵyńyzdyń sımvoly. Men Qazaqstan halqynyń tamasha órkendeýin, elderińizdiń baı mádenıetin kórdim. Bizde barlyq máseleler boıynsha tolyq  túsinikter bar. Qazaqstan óziniń dana jáne kóregen Prezıdentiniń basqarýymen tabysty damýyn jalǵastyratyndyǵyna senimdimin. Nıkolıa SARKOZI, Fransýz Respýblıkasynyń Prezıdenti: Siz ótken jyly Qazaqstan úlken tabyspen tóraǵalyq etken EQYU-nyń qundy­lyq­taryn us­ta­natynyńyzdy kór­set­tińiz. О́z tarapymnan men Qazaq­stannyń álemdik arenada ósip kele jatqan tanymaldyǵyn nazaryma ala otyryp, osy taqyrypqa jáne ózge de mańyzdy halyqaralyq taqyryptarǵa arnalǵan únqatysýdy jalǵastyrýǵa qýanyshty bolǵan bolar edim. Sondaı-aq Sizdiń elińiz bıylǵy jyly Islam Konferensııasy Uıymyna tóraǵalyq etetini sózime mysal bola alady. Sılvıo BERLÝSKONI, Italııa Premer-Mınıstri: Sizdi Qazaqstan Prezıdenti qyzmetine qaıta saılanýy­ńyz­ben shyn júrekten qut­tyq­taımyn. Saılaýdyń nátı­jesi – Qazaqstan halqy­nyń Sizge degen joǵary senimi men súıispenshiliginiń aıqyn kórinisi. Sizge qazaqstandyqtardyń ıgiligi jolynda tabysty eńbek jáne halyqaralyq arenada Sizdiń elińizdiń bedeli men róli odan ári arta berýin tileımin. Hýan KARLOS I, Ispanııa Koroli: Sizdiń elińiz osy jyldar ishinde aıtarlyqtaı nátıje­lerge jetti. Bizdiń birlesken jumy­symyzdyń arqasynda bizdiń memleketterimiz ara­syn­daǵy qarym-qatynastar dostyq pen ynty­maqtastyq rýhynda damyp otyrǵany meni erekshe qýantady. Men Sizdiń kúsh-qýatyńyzdyń arqasynda Qazaqstan ómirindegi jańa kezeń taǵy úlken progrespen jáne halyqtyń ál-aýqatynyń artýymen belgili bolatynyna senemin. Ekmeleddın IHSANOǴLY, IYU-nyń Bas hatshysy: Joǵary Mártebeli, Sizge óz elin saıası jáne ekonomıkalyq reformalar jolymen alyp kele jatqan basshy retinde Sizge kórsetilgen Qazaqstan hal­qynyń senimine baılanysty ózimniń shynaıy quttyqtaýymdy joldaǵym keledi. Joǵary Mártebeli, Sizdiń danalyǵyńyz ben tájirıbeńiz О́zińizge Qazaqstan halqynyń keleshekte áleýmettik-ekonomıkalyq damý men gúldený, sondaı-aq Qazaqstannyń halyqaralyq arenadaǵy bedeliniń bıik bolýyna degen umtylysyn júzege asyrýǵa múmkindikter beretinine senemin. Devıd KEMERON, Ulybrıtanııa jáne Soltústik Irlandııa Birikken Koroldiginiń Premer-Mınıstri: Sizdiń Qazaqstan Respýb­lı­kasynyń Prezıdenti qyz­me­tine qaıta saılanýyńyzǵa baı­la­nysty ózimniń shynaıy nıetimdi bildirýge ruqsat etińiz. Birikken Koroldik Qazaqstanmen myqty, ashyq jáne damyp kele jatqan qatynastardy baǵalaı biledi. Men bizdiń elderimizdiń eki­jaqty yntymaqtastyǵynyń barlyq baǵyttary boıynsha baıla­nysty nyǵaıtýdy jalǵastyrýdy taǵatsyzdana kútemin. Edýard ShEVARDNADZE, Grýzııanyń burynǵy prezıdenti: Birtutas Eýrazııalyq keńistik qurý bastamasyn Prezıdent Nursultan Nazarbaevtyń dál ózi kótergenin atap aıtý kerek... Tarıhtyń osynaý asa jaýapty belesinde Qazaqstan kemesiniń shtýrvalynda asa kórnekti saıasatker Nursultan Nazarbaevtyń turǵany – bárimizdiń baǵymyz. Qazaqstan – uly memleket, ony uly adam basqarady. Lı Kýan Iý, Sıngapýr úkimetiniń aǵa mınıstri: Prezıdent Nazarbaev – túrli respýblıkalardyń ishindegi kesek tulǵa. Qazaqstan basshysy – kereginshe qatal, usynaqty, qaǵilez ári batyl kisi, ózine tartyp turatyn, talantty ári tabandy tulǵa, ol burynǵy Odaqtyń basqa da respýblıkalary tanyǵan jetekshi. Kan NAOTO, Japonııa Premer-Mınıstri: Elińiz Sizdiń basshyly­ǵyńyzben ári qaraı damı tú­sedi jáne ortaazııalyq aımaq­tyń turaqtylyǵyna, gúlde­nýine úlken úles qosady degen senimdemin. Japonııanyń shy­ǵy­synda bolǵan zulmat zilza­laǵa baı­lanysty shyn júrekten bildirgen kóńil aı­týlaryńyz úshin jáne Qazaqstan Respýblıkasynyń gýmanıtarlyq kómek kórsetý týraly usynysy úshin alǵysymdy bildiremin. Japonııa men Qazaqstannyń arasynda tatý-tátti jáne dostyq qarym-qatynas ornatylǵan. Elderimizdiń arasyndaǵy qatynastardy nyǵaıtý jáne keńeıtý úshin Sizben ári qaraı da yntymaqtasýǵa nıettimin. Asıf Álı ZARDARI, Pákstan Islam Respýblıkasynyń Prezıdenti: Sizdiń kóshbasshy­lyǵy­ńyz­­ben Qazaqstan bıik belesterge jetti. Sizdiń jeńisińiz – Sizdiń basshylyǵyńyzdaǵy eldiń, Qazaqstan halqynyń zor seniminiń kórinisi. Pákstan Qazaqstanmen ekijaqty qarym-qatynastaryna úlken mán beredi. Men bizdiń elderimiz arasyndaǵy dostyq baılanystardyń odan ári de tek nyǵaıa túsetinine senemin. Margaret TETChER, Ulybrıtanııanyń burynǵy premer-mınıstri: Men Qazaqstan Prezıdentiniń búgingi kúni ózimiz ushyrasyp júrgen problemalardy talqylaý úshin alýan túrli dinı nanymdardyń sonshama kóp ókilderin shaqyrý jónindegi bastamashylyǵyn barynsha quptaımyn. Mundaı Forým ótkizý úshin birde-bir el dál Qazaqstandaı qolaıly bola almas edi. Táýelsizdik alǵan sátten beride Sizdiń kóregen saıasatyńyz elińizdi bostandyqqa aparatyn sara jolǵa túsirdi. Ýaıymshyldar, sirá, Sizdiń elińizdiń etnostyq jáne dinı sanalýandyǵy alaýyzdyq pen arazdyq týǵyzyp, Qazaqstandy álsiretedi dep oılaǵan bolýy da múmkin. Bári de kerisinshe bolyp shyqty. Qaıta sanalýandyǵynyń arqasynda Qazaqstan kórkeıe tústi, qaıta san túrli dástúrleri men dinı nanymdarynyń baılyǵy arqasynda qýattana tústi. Sizder basqalarǵa ónege bolyp otyrsyzdar.   Zýrab SERETELI, Reseı Kórkemsýret akademııasynyń prezıdenti: Prezıdent N.Á.Nazar­baev ońtaıly sátti sezine de, dál paı­da­la­na da bildi, ol ýaqyt taqtasynda esh qatesiz kúshti júris jasap, Qazaqstannyń jańa astanasyn turǵyzdy. Onyń Astanany osy zamanǵy astanaǵa aınaldyrý úshin qolynan kelgenniń bárin de isteıtinine meniń esh kúmánim joq. Ilıa GLAZÝNOV, Reseı sýretshisi: Qazaqstan Prezıdentiniń janarlarynda oı ushqyn­dap turady, ol jany jaı tappaıtyn, janyp turatyn qaıratty tulǵa. Nıkıta MIHALKOV, Reseı kınorejısseri: Nazarbaev – naǵyz el aǵasy. Ol tyńdap qana qoımaı, estı de biledi, meniń oıymsha, bul – tóbesi kókke jetkenderdiń kópshiliginiń boıynan tabyla bermeıtin asa sırek qasıetterdiń biri. Estı bilý de az. Sheshim qabyldaı bilý kerek. Tózim kerek. Aıanysh kerek. Bılikti ańsaǵan jannyń sory qalyń. Mundaı jan oǵan toımaq ta emes, ony qoımaq ta emes. Mundaıda onyń qabyrǵany qaıystyrar aýyrtpalyǵyna qaramaı, qajymaı-talmaı alǵa súıregen jandy aıt! Túsine tura, bile tura memlekettik múddelerdiń úskirik jeliniń ótindegi saıası bıliktiń ushar bıigine shyqqan jannyń qashanda serigi bolatyn qulaq tundyrar jalǵyzdyqty qyńq etpeı kótere bilgen jandy aıt! Grem ALLISON, AQSh-taǵy Garvard ýnıversıteti memlekettik basqarý mektebi Ǵylym men halyqaralyq qatynastar ortalyǵynyń dırektory, professor: Iаdrolyq jarylystardyń qan­daı zardaptarǵa soqty­ra­ty­ny jaıynda tolyq paıymdaı otyryp, Nazarbaev burynǵy KSRO elderi prezıdentteriniń ishinde ıadrolyq qarýdy joıyp, Ortalyq Azııa óńirinde ıadrolyq qarýsyz aımaq qu­rý­ǵa shaqyrǵan birinshi adam boldy. Teorııalyq turǵydan alǵanda, Qazaqstan ıadrolyq astamshyl derjavalardyń birine aı­nala alar edi. Eger ol kezinde KSRO ydyraǵannan keıin óz aýma­ǵynda qalǵan 1400-den astam ıadrolyq oqtyqtardy baqylaýyna alǵanda, onyń qaraýynda san jaǵynan Ulybrıtanııany, Fransııa men Qytaıdy qosa alǵandaǵydan asyp túsetin qarý-jaraq qory qalǵan bolar edi. Oq­tyq­tar­dyń kópshiligi AQSh-qa kezelgen raketalarǵa ornatylǵan bo­latyn. Qazaqstan bolsa, óziniń aýmaǵyndaǵy barlyq ıadrolyq qarýdy óz erkimen Reseıge berip, Iаdrolyq qarýdy taratpaý tý­raly shartqa qol qoıdy, sóıtip, ıadrolyq qarýsyz memleketke aınaldy.