Qurmetti otandastar!

Búgin bizdiń elimiz  Otanymyzdyń el­or­dasy – Asta­nanyń týǵan kúnin atap ótýde. Qazaqstan Respýblıkasy Táýelsizdiginiń 20 jyldyǵy aıasynda bul kúnniń mańyzy erekshe jáne máni tereń. Elbasynyń kemel saıasatynyń arqasyn­da dú­nıe­ge kelgen Astana qalasy egemen el azamat­ta­rynyń boıynda rýhanı serpilis týdyryp, Qazaqstan halqynyń azattyǵy men derbestiginiń belgisine jáne el armanynyń iske asqanynyń aıqyn dáleline aınaldy. Árbir el úshin onyń Astanasynyń atalýy jaı geografııalyq ataý ǵana emes. Osy uǵymnyń tóńireginde memleket pen halyqtyń tarıhy, dástúri, tili men mádenıeti jarasym tapqan. Adamzat jady qoǵam men memlekettiń túbegeıli jańarýynyń belgisi bolǵan jańa astanalar tarıhyna baı. Meıdzı reformalarynyń dáýiri men onyń beınesi Tokıo, kemalıstik Túrkııa men onyń astanasy Ankara, petrlik Reseı men Sankt-Peterbýrg, táýelsizdik jolyndaǵy kúres­te jeńiske jetken AQSh pen Vashıngton osynyń mysaly. Búginde osy­lardyń qatarynda az ýaqyt ishinde irgesi qalanǵan Astana da bar. Qazaqstannyń Tuńǵysh Prezıdenti N.Á.Nazarbaevtyń el orda­syn Astana qalasyna kóshirý jónindegi strategııalyq bastamasy Táýelsiz Qazaqstannyń aıshyqty jetistikterin aıqyndaǵan tarıhı mańyzy zor taǵdyrly sheshim boldy. Astana el damýyna ekpin bergen kúshke, Qazaqstan halqynyń birligi men uıysýynyń, rýhanı órleýiniń jarqyn kórinisine aınaldy. Onyń sáýletinde Nursultan Ábishulynyń eýrazııalyq ıdeıasy kórinis taýyp, qala Ult kósh­bas­shysynyń beıbitshilik pen kelisim saıasatynyń beınesine aınaldy. Astana Rýhy – EQYU-nyń Astana Sammıti, Islam Ynty­maq­tas­tyǵy Uıymy, Álemdik jáne dástúrli dinder kóshbasshylarynyń sezi – mádenıetter men órkenıetter únqatysýy arqasynda Batys pen Shy­ǵys dástúri astasyp jatqan Eýropa men Azııa arasyndaǵy jalǵaýshy kópir retinde álemge tarady.  Astana qalasy búginde álem jur­t­shy­lyǵyna Táýelsizdik. Ult kóshbasshysy. Ult birligi degen uǵymdar arqy­ly tanyldy. Bul uǵymdar búgingi Astananyń mánin aıqyndaıdy. Táýelsizdik tańymen Ult kóshbasshysy búgin álemge tanylǵan etnosaralyq toleranttylyq pen qoǵamdyq kelisimniń úlgisine aınalǵan ulttyq uıysýdyń ózindik formýlasyn ázirledi. Astana jáne Nursultan Nazarbaev – bul eki ataý biri-birinen ajyraǵysyz tarıhı fakt. Biz, Qazaqstan halqy, birge jumyla otyryp, Astananyń jer betindegi eń beıbit, gúldengen  bas qalaǵa  aınalýyna kúsh salýǵa tıispiz! Osy izgi mindetti atqarýda barshańyzǵa kúsh-qýat, talmas jiger, qaıtpas qaısarlyq tileımiz! Bizdiń elordamyz Beıbitshilik pen Kelisimniń beınesi, mádenıe­t­aralyq únqatysý men toleranttylyqtyń ortalyǵy bolyp qala bersin! As­ta­namyz shýaǵyn shashyp, elimiz turaqty, jurtymyz baqytty bolsyn! Barshalaryńyzdy merekelerińizben, Astana kúnimen quttyqtaımyz! Qazaqstan halqy Assambleıasynyń Keńesi.