Kórmege kelińizder

Almatydaǵy Ulttyq kitaphanada Qazaqstan Respýblıkasy táýelsizdiginiń 20 jyldyq mereıtoıy aıasynda jáne Astana kúnine oraı «Astana – Otanymyzdyń júregi» atty keń aýqymdy kitap kórmesi ashyldy. Almaty qalasy ákimdigi men Ulttyq kitaphananyń birlesip uıymdastyrýymen ashylǵan kór­mege kitaphana qorynan alynǵan qazaq jáne orys tilindegi 2 myń­nan astam ádebıetter qoıylǵan. Onda Saryarqa tórindegi El­ordanyń búgingi kúnge deıingi damyp, órkendeýi jaıly syr shertetin eńbekter bar. Ulttyq kitaphananyń bas dı­rektory Gýlısa Balabekova­nyń aıtýynsha, bul aýqymdy kór­meni Astana kúni men Elba­synyń tý­ǵan kúnine jáne el táýelsizdiginiń 20 jyldyǵyna arnaýdaǵy basty maqsattary –  kórkeıip, gúldenip kele jatqan Astanamyzdy kór­setý. «О́ıt­keni, búgingi Elordamyz – qa­rysh­tap damyǵan memle­ketimiz­diń sımvoly bolǵandyq­tan, so­ny oqyrmandarymyzǵa maq­tanyshpen jınaqtap kór­setý­ge tyrystyq» deıdi ol. Kórme aıasynda «Qazaqstan Metrdiń kózimen» atty el Pre­zıdentiniń tuńǵysh jeke foto­grafy Iosıf Býdnevıchtiń foto­sýretteriniń kórmesi ashyldy. Kórmege 70-ten asa fotosýretter qoıylǵan. – Eń aldymen Qazaqstan hal­qyn el táýelsizdiginiń 20 jyldyǵymen quttyqtaımyn. Bizder kórmeden Qazaqstannyń jańa astanasy jaıynda kóp­tegen ma­ǵlumattarǵa qanyq boldyq. Ondaǵy kitaptar, fotoalbomdardan qazirgi zaman­ǵa laıyqty, moderlendirilgen, kún saıyn órken jaıyp kele jatqan respýb­lıkanyń júre­ginde ornalasqan Astanany kór­dik. Aldaǵy ýaqytta da qazaq eliniń budan da ári ósip, órkendeýine kýá bolamyz dep oılaımyn, – dedi kórme qonaq­tarynyń biri Iran Islam Res­pýblıkasynyń elimizdegi el­shisi­niń mádenıet jónindegi keńesshi­siniń orynbasary Mohammed-Reza Sattarı myrza. Gúlzeınep SÁDIRQYZY.