Astanadaǵy jańa rekord

Qala kúni qarsańynda koreı halqynyń ulttyq taǵamy «Kım­pab» rolly ázirlendi. Osy­laısha otandyq aspazdar Gın­nestiń rekordtar kita­by­na kirýdi kózdep otyr. «Kımpab» – adam aǵzasy úshin óte paıdaly ári jedel daıyn­dalatyn taǵamnyń bir túri. Onyń negizgi quramynda teńiz kapýs­tasy men túrli dámdeýishter qo­sylyp qaınatylǵan kúrish bar. Sonymen birge, ár adamnyń tal­ǵamy boıyn­sha tuzdalǵan balyq eti, qııar, jumyrtqadan jasalǵan quı­maq, sábiz, koreı túripi sııaq­ty kókónis­ter qosylyp ázirle­ne­di. Atalmysh taǵam koreılerdiń ulttyq taǵamy­na jatatyndyq­tan, ony negizinen shyǵys halyq­tary daıyndaıdy. Al Koreıanyń kez kelgen saýda oryndarynan bul as máziriniń kóp­tegen túr­lerin satyp alýǵa bola­dy. «Kımpab» álem halyq­taryna «sýshı» degen atpen keńi­nen tanylǵan. Taǵam «Kýlı­nar­lar­dyń súıikti qalamyzǵa syı­lyǵy» atty festıval sheń­berinde da­ıyn­daldy. Ol úshin 110 keli kú­rish, 50 keli ba­lyq, 450 dana ju­myrtqa ketipti. Astanalyq aspazdar bul tań­ǵa­ja­ıyp taǵam­dy ázir­leý arqyly álem­dik rekord orna­typ, Gın­nes­tiń rekordtar kita­by­na enýdi kóz­deýde. Statıs­tıkalyq máli­met­ter­ge súıensek, osyǵan deıin shet elderdiń birinde «Kımpab» rol­ly­nyń 128 metrlik túri da­ıyn­dalǵan eken. As­tanalyq as­paz­dardyń atalmysh taǵamdy da­ıyn­daýdaǵy maqsaty – qala kúni­ne oraı, ol kórsetkishti basyp ozý. «Kımpab» ázirlenip jatqan sátte «Koreı barabandarynyń shoýy» ujymynyń konserttik baǵ­darlamasy bastaldy. Merekelik sharaǵa aýa-raıy da óz septigin tıgizip, kún tóbemizde kúlip turdy. Al jınalǵan kópshilik, uzynnan-uzaq sozylǵan «Kım-pab» taǵa­my­nyń jasalýyn erek­she qyz­­yǵý­shy­lyqpen baqylaýmen boldy. Esterińizge sala keteıik, qaı salada bolmasyn Gınnestiń rekordtar kitabyna ený úshin, ar­na­ıy komıssııa músheleriniń qa­ty­­sýy shart. Bul rette jańa álemdik rekordty rastaý úshin Astanaǵa Gınnestiń rekordtar ki­tabynyń ókilderi arnaıy at arytyp kelip, onyń jasalý jo­lyn bekitilgen talap boıynsha baqylap turdy. Sóıtip, álemdegi eń uzyn «Kımpab» taǵamy da­ıyn­dalyp, arnaıy qazylar al­qa­sy qoldaryna ól­sheýish qural alyp, onyń qansha eke­nin ólshep shyq­ty. Nátıje tań­ǵalarlyq. Onyń uzyndyǵy kút­ken­degideı 150 emes, 157 metr 87 santı­metr­di quraǵan. Rekord bas­tal­ǵan­­nan keıin shef aspazshynyń ko­man­dasy taǵamdy teńdeı bó­lik­­ter­ge bólip, Astana turǵyn­dary men qala qonaqtaryna dám tat­qyz­dy. Qala jurtshylyǵy dán rıza bolyp, ózderiniń oń baǵa­syn berip jatty. Is-sharany qalanyń kásip­ker­lik jáne ónerkásip basqar­masy, «Korean House» meıram­hanasy, sondaı-aq Koreı má­denıet orta­lyǵy uıymdas­ty­ryp otyr. Juldyz BAIDILDA.