Saltanat saraıyndaǵy qabyldaý

Memleket basshysy Nursultan Nazarbaev qazaqstandyqtardy elorda kúnimen quttyqtady Prezıdent elorda kúnine arnal­ǵan Saltanat saraıyndaǵy salta­nat­ty qabyldaýǵa qatysty, dep ha­barlady Qazaqstan Respýblıkasy Prezı­den­ti­niń baspasóz qyzmeti. О́z sózinde Memleket bas­shy­sy búgin elimiz kóleminde, Qa­zaq­stannyń barlyq óńiri Qazaq­stannyń elordasy kúnin, Astana qalasynyń merekesin merekelip jatqanyn atap ótti. – Bul – elimizdiń túkpir-túkpirinen, shetelden kelgen dostarmen kezdesip, osy qalaǵa ınvestısııa salatyn, osy qalada bıznes jasaıtyn adamdarmen qýa­nyshty bólisetin mereke. Ol­ar­dyń barlyǵy da búgin osynda. Qala, aýdan ákimdigi úlken is atqardy. Qalalyq máslıhat orasan jumystar júrgizdi. Búgin munda jurtshylyq, dıploma­tııa­lyq korpýstar ókilderi, bizdiń sheteldik dostarymyz, ınvestorlar, osy qalaǵa qarajatyn sal­ǵan, osy qalany turǵyzýǵa atsa­lysqandar jıylǵan. Elorda kúni bizdiń elimiz Táýelsizdiginiń 20 jyldyǵy aıasynda ótýde. 20 jyl – bul úlken merzim emes, degenmen, biz úshin, túsinetin adamdar úshin, biz ben sizder úshin – bul orasan, san ǵasyrǵa teń keletin jyldar. Biz táýelsiz memleket qur­dyq, ol bizde bolmap edi, on­yń shekarasyn bekittik, qaýipsiz­digine kepildik aldyq, óz Ota­ny­myzdy kúlli álemge tanymal ettik. Bizdiń týymyz Birikken Ult­tar Uıymynda, qalalarda, men bolyp ótken barlyq jerlerde, bizdiń delegasııa bolǵan jerlerde árdaıym aldymyzdan asqaqtap turady, – dedi óz sózinde Elbasy. Biz birgemiz. Men, Prezıdent Apparaty, Úkimet, Parlament de­pý­tattary, qalalyq máslıhat, qa­la ákimdigi, barlyq memlekettik qyzmetkerler, bizdiń bárimiz el­or­damyzdyń órkendeýi úshin óte qyrýar ister atqardyq, dep jal­ǵady sózin Prezıdent. Barsha­ńyz­ǵa kóp rahmet, sizderdiń barly­ǵyńyzǵa ıgilik pen densaýlyq tileımin. Búginde qalamyz álemniń kóptegen telearnalary kórsetip jatqandaı, óziniń keń dańǵy­ly­men, alleıalarymen, zamanaýı ǵı­marattarymen aýqymyn keńeıte túsýde. Olar tanymal bola tú­sýde. О́ıtkeni, biz biregeı ǵıma­rat­tardy turǵyzdyq. Aqorda, Beıbitshilik jáne kelisim saraıy, Han Shatyr – osynyń bári zor áserge bóleıdi, kóz súısintedi. Biz qala turǵyzdyq. Buǵan el ishinde de, syrtta da sengender az boldy. Alaıda, biz qala saldyq. Qazir biz budan da orasan mindetti – ekonomıkanyń ózge salasyn qolǵa alýdamyz. Biz shıkizattyq táýeldilikten ketip, múlde jańa ekonomıkanyń negizin qalaımyz, 2020 jylǵa qaraı óz halqy­myz­dyń ál-aýqatyn eki esege artty­ramyz. Bul – Táýelsizdikpen pa­ra-par, bizdiń qalamyzdyń qury­lysymen para-par uly maqsat. Elordada bári bar – álemdik deń­geıdegi bilim berý ortalyqtary, álemdik deńgeıdegi densaýlyq saq­taý ortalyqtary, álemdik deń­geıdegi sporttyq keshender, úzdik mektepter bar, elimizde álemdegi úzdik ýnıversıtetter salynǵan. Astana – bul bolashaqtyń, jas­tar­dyń qalasy. Bizdiń balalary­myz, nemerelerimiz 20 jyldan keıin osynda ómir súrip, osy qalaǵa teń keletin álemde jańa, biregeı qala joq dep sanaıtyn bolady. Eýropada jáne álemde uqsas qalalar bar, negizinen olar eskirdi, al biz óz arhıtek­týra­myz­ben biregeı óz qalamyzdy tu­r­ǵyzdyq. Tańdanbasqa shara joq. Osylaı degen Memleket bas­shysy bıylǵy Táýelsizdiktiń 20 jyldyǵy jylynda biregeı obek­tiler: Eýropa men Azııada úzdik sanalatyn tarıh murajaıy, ult­tyq opera ǵımaraty, medıa-orta­lyq, oqýshylardyń shyǵar­ma­shy­lyq saraıy, Qazaqstandaǵy eń úlken meshit salynatynyn atap kórsetti. Osy obektilerdiń bar­lyǵy bizdiń elimizdi bezendire tú­sedi. Elorda úshin qajetti sana­la­tyn ózge de obektiler salyna­tyn bolady. Biz Almaty men Astana arasynda saǵatyna 250-300 sha­qyrymdyq jyldamdyqty ala­tyn jedel jyldamdyqtaǵy poı­yzdy paıdalanýǵa bermekpiz. Son­da Almaty jaqyndaı túsedi. Qalada jeńil relsti tramvaı, metro salynatyn bolady. Bári keremet emes pe. Biz birlikti nyǵaıtsaq, oǵan qol jetkizemiz, dedi Elbasy. Sizderdiń barlyǵyńyzdy El­orda kúnimen quttyqtaımyn! Astana kúlli álemdi súısintýde já­ne júzdegen jyldar boıy súı­sin­te bermek, dedi sóziniń sońyn­da Nursultan Nazarbaev. Astana – bizdiń Táýelsizdigimizdiń táji ispetti ásem qala. Astana – Qa­zaq­stannyń qýatyn bildiretin qa­la. Astana – álemdik kóshbasshy­lar bas qosatyn oryn. Bul úm­itter aqtalatyn, bizdiń jas qa­zaqstandyqtardy baqytqa bóleı­tin qala. Bul – orasan epopeıa. Men júz ınnovasııa týraly aıt­tym, endeshe, Astana – bul nómiri birinshi qazaqstandyq ınnovasııa. Odan keıin ózge de ınnovasııalar júzege asyrylady. Osy múmkin­dikti paıdalana oty­ryp, barsha­ńyzǵa, barlyq qazaqstan­dyqtar­ǵa, barlyq sheteldik dostarymyz­ǵa, biz­di búgingi Elorda kúnimen, so­ny­men qatar, meniń týǵan kú­nim­men quttyqtaǵandardyń bar­sha­syna ózimniń shynaıy rıza­shy­lyǵymdy bildiremin! Mende bar­sha­ńyzǵa úlken alǵysymdy aı­týy­ma bolatyn tamasha múmkindik bar. Qalyptasqan dástúr boıynsha Memleket basshysy qalanyń da­mýyna aıtarlyqtaı úles qosqan jáne úles qosyp kele jatqan­dar­dy marapattaý týraly Jarlyqqa qol qoıdy. Marapattalǵandar ara­­synda belgili reseılik bıznesmender Alısher Ýsmanov pen Vasılıı Anısımov, sondaı-aq qa­zaqstandyq kásipker Janna Bek­temirova bar. «Qazaqstan temir joly» UK» AQ prezıdenti Asqar Mamınge «Astana qala­sy­nyń qur­metti azamaty» ataǵy berildi.