Emdeý salasy jaqsarmaq

Almatyda Akýsherııa, gınekologııa jáne perınatologııa ǵylymı ortalyǵynda (AGjPǴO) «Salamatty Qazaqstan» memlekettik baǵ­dar­lamasy aıasynda reprodýktıvtik jastaǵy áıelderge kómek kór­setý sapasyn jaqsartý maqsatynda «Gınekologııadaǵy jańa tehnologııalar» atty halyqaralyq ǵylymı-tájirıbelik konferensııa ót­ti. Bes kún boıy ótken konferensııa jumysyna elimizge tanymal akýsher-gınekolog ǵalymdar, densaýlyq saqtaý salasynyń uıym­dastyrý­shylary, respýblıkanyń barlyq óńirinen kelgen mamand­ar, Reseı, Fransııa, Shveısarııadan – 200-ge jýyq delegat qatysty. Konferensııa taqyryby aıǵaq­tap turǵandaı, Qazaqstanda endo­sko­pııa­lyq hırýrgııa salasy qalyp­tasa bas­taǵaly az ýaqyt ótse de, bul salada eleýli ózgerister bar. Máse­len, AGjPǴO bazasynda 7 jyl kó­leminde respýblıkalyq en­do­skopııa­lyq gınekologııa orta­ly­ǵy qyzmet etýde. Ortalyqta respýblıka dári­ger­lerine taqyryptyq sıkl­­der ótki­zilip, 100-den astam ma­man daıyn­dal­dy. Tek­serý­lerdiń ýltrady­bys­tyq, aspap­tyq jáne endoskopııalyq ádisterin qol­­daný túrli jastaǵy áıelderde aý­rýdy erte aıqyndaýǵa óz kómegin tı­gizýde. Birqatar gıne­ko­logııalyq ope­ra­­sııalardy shaǵyn ınvazıvti ádis­ter­men oryndaý áıeldiń bala týý múshe­sin saqtap qalýda erekshe ról atqarý­da. Bir aıta keterligi, qazirgi ýaqytta laparo­sko­pııa­lyq opera­sııa­lyq júıe­men barlyq oblys ortalyqtary jab­dyqtalǵan. Odan basqa, kóptegen me­dı­sınalyq mekemelerde laparoskopııa jedel jár­dem rejiminde ótkizilýde. Konferensııaǵa qatysýshylar­dyń aıtýynsha, jańa tehnologııa­lardy engizý operasııadan keıingi naý­qastyń aýrýhanada jatyp emdelý merzimin azaıtýǵa, em baǵasyn tó­men­detýge, bakterııaǵa qarsy jáne aýyrtpaıtyn preparattarǵa ketetin shyǵyndy qysqartýǵa, kosmetıkalyq tıimdilikti jáne naý­qastardy tolyq ońaltýǵa múm­kindik bergen. Qazaqstanda alǵash ret AGjPǴO bazasynda ótken biregeı konferensııa ereksheligi – jıyn kórsetilimi on-laın rejiminde ótip, ıaǵnı bar­lyq múd­delilik tanytqan mamandar óz ob­lystarynan shyqpaı-aq qa­ty­sa aldy. Sondaı-aq álemniń jetekshi klınıka­larynyń operasııa ból­mesinen tele­kópirler júrgizil­gen. Belgili shetel ǵalymdarynyń qaty­sýymen ınteraktıvti oqý sımpo­zıý­my ótkizildi. Densaýlyq saqtaý mınıstrligi, AGjPǴO, Qazaqstannyń akýsher-gınekologtar qaýymdastyǵy far­masev­tıkalyq kompanııalardyń qol­daýy­men uıymdastyrylǵan sa­lı­qaly jıyn­da ǵylymı jetistik­terdiń prak­tıkalyq tájirıbemen almasý qory­tyn­dysy shyǵarylyp, jańa jedel emdeý jáne dıa­gnos­tıkalyq tehnologııalar usynyldy. Gúlzeınep SÁDIRQYZY.