«Qoldanystaǵy zańnyń aıasynda jasalyp otyr»

«Egemen Qazaqstan» gazetiniń aǵymdaǵy jylǵy sáýir aıynyń 26-sy kúni jaryq kórgen nómirindegi «Bir otbasy – bir aýyl» atty (avtory – Kúmisjan Baıjan) maqala  rasynda da biraz azamattarǵa bólekshe oı týdyrǵany anyq. 16 balany dúnıege ákelip, aman-esen er jetkizip, búginde nemereden shóbere súıip otyrǵan qartt­a­rymyz Mels jáne Máken Shoımbaevtardyń (resmı qujatta­rynda famılııalary osylaı jazylǵan, al aldyńǵy maqalalarda Shoıynbaevtar dep kórsetilgen) ǵumyry búgingi tańdaǵy kóptegen azamattarymyzǵa úlgi bolary anyq. Osyndaı ádemi yrǵaqpen  órbip kele jatqan maqalanyń orta tusynda, avtor «áttegen-aı» dep,  máseleniń shetin shyǵaryp, ǵumyryn qoı baǵýǵa sarp etken Mels aǵamyzdyń  zeınetaqysynyń azdyǵyn tilge tıek etipti. Osy­dan keıin biz ol kisiniń jáne jubaıy Máken apaıymyzdyń qujattaryn kótergizip, zeınetaqylarynyń mólsherin bilýge tyrystyq. Osy ýaqyt aralyǵynda dál osy basylymda zeınetker E.Smaıyldyń «Qoıshylar múddesin qorǵaǵan maqalanyń Eńbek mınıstriniń kózine ilinbegeni ókinishti» atty materıaly da jaryq kórdi. Osy maqalalar atalmysh maqalalardyń bas keıipkeri bolǵan Mels jáne Máken Shoımbaevtardyń zeınetke shyǵýlaryna negiz bolǵan barlyq qujattaryn zertteýge sebep boldy. M.Á. Shoımbaevqa zeınetkerlik is-qaǵazyndaǵy qujattar boıynsha zeınetaqy tólemi 1996  jyldyń sáýirinen bastap 38 jyl eńbek ótili  úshin jáne aýyl sharýashylyǵy salasyndaǵy 1981 jylǵy ortasha aılyq tabysy 92,56 som esebinen  taǵaıyndalǵan eken. Búgingi tańda Mels aǵamyzdyń áleýmettik tólemderiniń jalpy mólsheri 24 781 teńgeni quraıdy (zeınetaqy tóleminiń mólsheri – 16 781  teńge; bazalyq zeınetaqy tóleminiń mólsheri – 8 000  teń­ge). Keńes  dáýiriniń kýágeri bolǵan azamatta­rymyzǵa belgili bolǵa­nyndaı, 92,56 rýbl qarjy tómengiden sál joǵary aılyq bolyp esepteletin.  Qazirgi zeınetaqy taǵaıyndalý tártibine sáıkes osy jalaqy mólsheri negizge alyna otyryp, búgingi áleý­mettik tólem taǵaıyndalǵan. Al Máken anamyz memleket tarapynan 42 103 teńge kóleminde áleýmettik tólem alady eken. Onyń 32 863 teńgesi zeınetaqy bolsa, qalǵan 9 240 teńgesi «Altyn alqa» ıegeri retinde alatyn arnaýly memlekettik járdemaqy. Sonymen qatar, Máken anamyzǵa kezindegi qoldanysta bolǵan zańdarǵa sáıkes zeınetkerlik 8 jyl erte taǵaıyn­dalypty. Búgingi tańda Shoımbaevtar áýleti memleket tarapynan aı saıyn 66 884 teńge áleýmettik tólem­aqylar alyp otyrǵan jaıy bar. Maqalada kóte­rligen má­selege keler bolsaq, munyń barlyǵy elimizdegi qolda­nystaǵy zańnyń aıasynda jasalyp otyr. Jalpy, zeınetaqylar taǵaı­yndalar sátte ol azamatta­ry­myz­dyń belgili jyldar ara­lyǵynda atqarǵan jumys­ta­rynyń eńbekaqysynyń ortasha mól­sherin negizge alamyz.  Atalmysh maqala barysynda aıtylǵandaı, sa­na­ly ǵumyr­laryn mal sońynda beınetpen ótkizgen Mels aǵa­myz ben Máken apamyz búginde úırengen ádet­terimen mal ustap, osy arqyly nápaqa taýyp otyr­ǵan­dyǵyn jáne úbirli-shúbirli bolyp, bala-shaǵasynyń ar­­qasynda zeınet kórip otyr­ǵandyǵy aıtylǵan eken.  Qarııalarymyzǵa mal-janyńyz aman bolyp, baq da­ryǵan otbasyńyzdyń ortasynda berekeli de merekeli tirlik keship, ýaıym-qaıǵynyń aýyly alys, denderińiz saý bolsyn degen tilegimizdi bildirgimiz keledi. Mınıstr G. ÁBDIQALYQOVA.