Qordaıdaǵy qutty qadam

Bizdiń sóz etkeli otyrǵan keıipkerimiz Qordaı aýdanyna qarasty Úlken Sulýtór aýylynyń týmasy, isker basshy, halal kásiptiń ıesi Sattar BEISEQOJAEV. Ol Almaty qalasyndaǵy joǵary oqý orny­nyń qabyrǵasynda júrgen kezde-aq kásip­ker­liktiń qyr-syryna tereń úńilip úl­ger­di. Kóp uzamaı shańyraq kóterip, paıdaly kásibin jolǵa qoısa da Sattardyń bar oıy syrtta, aýylda boldy. Qansha jerden qyzyldy-jasyl boıaýymen qala ómiri arbasa da, ony esh qyzyqtyra almady. Ol dala ómirin, tabıǵat baılyǵyn adam­dardyń ıgiligine jaratý tásilin júzege asyrýdy kóp tolǵandy. Túbi solaı boldy da qoıdy. Bilimdi, isker azamat zaman suranysyn qanaǵattandyratyn joba jasap, sol jobany iske asyrý úshin týǵan jer tóskeıine birjola taban tiredi. Bul joba ústimizdegi jyldyń kókteminde iske qosylyp, buıyrtsa, ondaǵan jyldar bo­ıyna kúsh alyp, sonaý mejelegen 2020 jyl­ǵa deıin sozylatyn ómirsheńdikke ıe. Elimiz­diń agrarlyq salasyndaǵy básekege qabiletti qurylymǵa aınalý josparynda bar. Sattar Beıseqojaev «Qordaı Halal-Et» aýylsha­rýa­shylyq óndiristik kooperatıvin ómirge ákelgende jáı ǵana aýylsharýashylyq mekemesi bolyp qalýdy emes, kerisinshe, alys-ja­qyn shetelderge taýar shyǵaratyn qarqyn­dy agroholdıngtiń irgetasyn qalaǵanyna senimdi. Onyń bul maqsatqa jetýine Anglııa, Gonkong, Qytaı sekildi azýly elderdiń ın­ves­tor­lary aldynda bul jobany tolyqtaı qorǵap shyqqany kýá. Joba tórt satydan turady, alǵashqy úsh satysyn júrip ótý úshin bir jyldan asa ýa­qyt ketse, al keıingi tórtinshi saty alty jyl­da ıgeriledi. Birinshi satysy, ıaǵnı ústi­miz­degi jyl holdıng basshylyǵynyń jospa­ry boıynsha jem-shóp daıarlaý jáne tehnı­ka­lyq quramdy qalyptastyrý jumysyn bir izge qoıý. Bul degenińiz, júgeri, suly, soıa, maı jáne jem óndiretin raps ósimdigi, qant qy­zyl­shasy, arpa, qaraqumyq jáne saflor da­qyldaryn otyrǵyzatyn alaptar men osy atalǵan ósimdikterden ónim alatyn zamanaýı tehnıkalyq bazany jabdyqtaý. Odan keıingi sharýa – tamshylatyp jáne jańbyrlatyp sýarý qurylymyn, búgingi tilmen aıtqanda, ınnovasııalyq tehnologııalardy engizý. So­syn ónim óndirý qabiletine ıe bolǵan kezde ǵana jem-shóp daıarlaıtyn zaýyt pen mal bordaqylaý keshenin turǵyzý. «Qordaı Halal-Et» aýylsharýashylyq ón­­diristik kooperatıvi burynǵy Otar nan qa­byldaý mekemesiniń ǵımaratynda ornalas­qan. Agroholdıngtiń búgingi paıdalanyp ot­yr­ǵan aýqymdy bazasy atalmysh kooperatıv menshiginde dese de bolady. О́ıtkeni, kóner­gen ǵımaratty barlyq eski múlkimen satyp alyp qana qoımaı, ony jóndep, jumys isteý­ge saı jabdyqtady da. Qujattardy rásimdeıtin, ónimderdi saqtaıtyn jáne teh­nı­kany udaıy babynda ustap turatyn oryn saılap aldy. Bes gektardan turatyn jazyq dala – ón­diristik kooperatıvtiń egin alqaby. Munyń 300 gektaryna júgeri, al 200 gektaryna soıa egilgen. Egistiktiń basynda mehanızatorlar men traktorshy- dıqandar tamaqtanatyn, de­malatyn, kerek bolsa, naýqan kezinde túnep jatyp jumys isteýi úshin birneshe vagondar qoıylǵan. Tórt kisilik bul turǵyn-jaılar taza tósek oryndarymen jáne jýynyp, shaıynatyn dýshpen jabdyqtalǵan. Tamaq ishetin ashanasy da muntazdaı taza. Eńbekkerlerge jasalǵan jaǵdaıdy kó­rip ishiń jylysa, jumys barysynda qol­danatyn tehnıkamen tanysqannan keıin «Qor­daı Halal-Ettiń» qojaıyny shyny­men de dıqanshylyqtyń zamanaýı jolyn tań­daǵanyna rıza bolasyń. Aldyńǵy qa­tar­ly Fransııa, Germanııa, Amerıka elderinde jasalyp, kompıýtermen jab­dyq­tal­ǵan soń­ǵy úlgidegi kombaındar men traktorlar, jer aı­daýshy, tuqymsepkish jáne daqyl­dy shy­ǵynsyz jınap alatyn keshendi quryl­ǵylar bul saladan habary joq adamnyń ózin ju­mys­qa tartatyndaı. «Qordaı Halal-Et» aýylsharýashylyq ón­diristik kooperatıvi óz eńbekkerleriniń jaǵ­daıyn barynsha jasap, sol arqyly sha­­rýa­nyń toqtaýsyz jumys adymyn qam­tama­­syz etip otyr. Máselen, bul koope­ra­tıvtiń qyzmetkerleri árqaısy ár aý­yl­dyń tur­ǵyn­dary, tipti, keıbireýleri egis basyna saǵat­tap júrerlik shal­ǵaı eldi mekenderde tu­rady. Alaıda Sattar bas­tyq óz jumys­ker­leri eg­is dalasyna, jumys ba­sy­na ýaqtyly jetýi úshin ondaǵan jol talǵa­maı­tyn «djıp» kólikterin alyp, solarmen aýyl­sha­rýashylyq mamandaryn jospardan qalyp qoı­maý úshin múdirissiz barý-kelý sharasyn qarastyrǵan. Otar alqabyndaǵy Je­ti qu­dyq silemi uzaq jyldardan beri tyń jat­qan jer. To­py­raǵy qu­nar­ly, jeri shuraıly, ta­bı­ǵaty jaıly. Bul jer­de er­terekte sýar­ma­ly júıe bol­ǵan. Beıseqojaev bul jerge jaryq tar­typ, eskirgen júıe­ni jańalap, jańbyr­latyp sýarý úshin 11 uńǵyma qudyq qazǵan. Aýmaǵy 479 metr­di qu­raı­tyn alqap osyndaı ádis­pen sýa­ry­lady. Bul – júgeri men soıadan al­ǵash­­qy satyda qomaqty ónim jınap alýǵa ábden jeterlik jospar. Sha­rýa­qor Sat­tardyń mol ónim jı­naýǵa senimdilik tany­typ otyrǵan ta­ǵy bir syry, dándi da­qyl­dardyń tuqy­myn Serbııa sekildi álemdik sapaly da­qyl ón­dirýshi elderden jetkizgendiginde. So­ny­men qatar, Otar tabıǵaty da ál­gin­deı shetten kelgen ósimdik­ter­diń tez boı kóte­rýi­ne, jaqsy ónim berýine tap­tyrmas oryn. Qasyq silemindegi jerge egilgen qy­zyl­sha men júgeri alqaby da kóz ben kó­ńildi qýantarlyqtaı. Jaqyn aýyl­dar­dyń halqy bos júrmeı, osy qant qy­zyl­shasyn ósi­rýge, ýaqtyly dárilep, sapaly ónim jı­naýǵa bir ki­sideı atsalysýda. Aptap ystyqta jas ós­kin­der kúıip ketpes úshin bes myń tekshe metr kólemindegi úlken sý qoımasy jań­byr­latyp sýǵarýǵa saqadaı saı tur. Eki júz gektarlyq júgeri alqa­byna da qolmen syz­ǵandaı etip ádiptep turyp tas aryq tartyl­ǵan. Bir sózben aıt­qanda, sharýa basynda isti biletin, zaman talabyna saı qa­bi­letti ma­man­nyń qoltańbasy anyq baıqalady. «Bıznestiń jol kartasy-2020» baǵdar­la­­masyna arnap Sattar Beıseqojaev qu­ny 108 mıllıon teńgeni quraıtyn elektr je­lile­ri­niń jobasyn daıyndap jatyr. Qys­tyq egindi de eskerip, qosymsha al­qapty kúni búgin­nen tyńaıtqyshtarmen ázir­leýde. Jem-shóp daı­yn­daý isi mal sha­rýashylyǵyn kórkeı­týge dańǵyl jol ekeni ekibastan belgili. Sol sebepti bola­shaq­ta iri qaranyń etti jáne sútti túrin ustap, jylqy men qoıdyń basyn kóbeıtý de kózdelýde. «Qor­daı Halal-Et» aýylsha­rýa­shylyq óndi­ris­tik kooperatıvi jasaǵan bul jobaǵa Arab Ámirlikterinen kel­gen ınvestorlar qyzy­ǵý­shylyq tanytyp otyr. Jýyrda ǵana birlesken óndiris qurý úshin ekijaqty kelis­sózder júrgizý isi bas­taldy. Jem-shóp jáne mal ónimde­ri­men qa­tar, jyl on eki aı ónim beretin jylyjaı sharýashylyǵynyń da irgetasy qalandy. Joǵaryda aıtyp ketkenimizdeı, aýyl sha­rýashylyǵy ónimderimen halyqty qam­tama­syz etetin jobanyń úshinshi satysy aıaqtan turyp ketýi úshin alty jyl ýaqyt kerek. Bul jyldar ishinde dándi daqyldar óniminiń sanyn ǵana emes, sapasyn da arttyrý, jem-shóp jáne soıa maılaryn syrt memleketterge eksporttaý, sút pen etti TMD aımaǵynda erkin taratý sekildi qanshama jumystar kútip tur. Sattar Beıse­qojaev ózi bas­qaryp otyrǵan holdıngtiń ónimderi qansha jerden sapaly bolsa da, jem men shóptiń, et pen súttiń, jemis-jı­dek­tiń baǵasy kez kelgen kisiniń qaltasy kó­te­re alarlyqtaı bolýy kerek degen pikirdi qy­zý qýattaýshy. Eń bastysy, halal ındýstrııa qaryshtap damyp kele jatqan Qazaq jerinde «Qordaı Halal-Et» aýylsharýa­shy­lyq óndi­ristik kooperatıvi usynyp otyrǵan halal-ónim óz tutynýshylaryn tez tabary sózsiz. Qanat ESKENDIR. Almaty.