Prezıdent poshtasynan

ASTANA – ShYǴYS PEN BATYS ARASYNDAǴY KО́PIR Memleket basshysy Nursultan Nazarbaevtyń atyna «Operalııa» IV halyqaralyq festıvaline qatysýshylardan – Italııa, Germanııa, Gollandııa, Norvegııa men Reseıdiń álemdegi ta­nymal opera ánshilerinen osy halyqaralyq mýzykalyq fo­rýmdy tamasha uıymdastyrǵany jáne jyly shyraıly qa­byl­daýy úshin zor rızashylyqtaryn bildirgen hat keldi, dep ha­bar­lady Qazaqstan Respýblıkasy Prezıdentiniń baspasóz qyzmeti. «Qazaqstannyń jas elor­da­sy – Astana óziniń damý serpinimen, jańa zor zamanaýı ǵıma­rattarymen bizdi qaıran qal­dyr­dy. Bizdi, ásirese, Táýel­sizdik saraıy, Beıbitshilik jáne kelisim saraıy, «Qazaqstan» or­talyq konsert zaly, «О́ner» ult­­tyq ýnıversıteti tárizdi jańa biregeı mádenıet nysandary­nyń qurylysy qýantty. Sony­men qatar, biz eń joǵary ta­laptarǵa sáıkes keletin, búginde álemdegi osyndaı túrdegi ǵı­marattar sanalatyn Opera teat­rynyń jańa ǵımaratymen ta­nystyq. Osydan-aq biz Sizdiń mádenıet pen ónerdi damytýǵa erekshe kóńil qoıatynyńyzdy baı­qadyq. Sondaı-aq, bizdi qa­zaq­standyq ártisterdiń jyldan-jylǵa artyp kele jatqan joǵa­ry kásibı jáne sheberlik deń­geı­leri súısintti. Osyndaı qam­qorlyqtyń arqasynda olar bedeldi baıqaýlarda jıi jeńimpaz atanyp júr. Álemdik daǵdarys jaǵdaıynda, álemniń jetekshi elderinde mádenıet qıyndyqty bastan keship otyrǵan ýaqytta Qazaqstanda ónerdiń eń tańdaý­ly túri – opera men balettiń qaıta órleý dáýiri bastaldy. Qazaqstandyq ártister kóptegen qoıylymdarda álemdik juldyz­darmen teń deńgeıde óner kór­setip keledi. Bizdiń qazaqstan­dyq áriptesterimiz Sizdiń opera men balet ónerin qadirleı­ti­ni­ńizdi, jańa qoıylymdardyń bar­lyq premerasyna baraty­ny­ńyz­dy maqtanyshpen aıtyp berdi. Biz búginde qazaqstandyq teatrlardyń repertýarlary qan­sha­lyqty ártúrli ekenin kó­rip otyrmyz. Qazaqstan sahnala­ryn­da kópǵasyrlyq tarıhy bar, álemniń kez kelgen teat­ry­nyń repertýaryn baıyta túse­tin álemdik klassıkalyq týyn­dy­lar qoıylýda. Búginde Qazaq­stan, onyń ásem elordasy Astana tek Eýrazııa júregi ǵana emes, son­daı-aq Shyǵys pen Batysty, mádenıet pen órkenıetti jal­ǵas­tyratyn kópir bolyp taby­lady. Elorda kúni qarsańynda Sizge densaýlyq, baqyt, tolaı­ym ta­bys­tar jáne sarqyl­maı­tyn sha­byt tileımiz!» delingen hatta. Hat avtorlary – opera án­shileri Salvatore Lıchıtra (Ita­lııa), Amarıllı Nıssa (Ita­lııa), Tısıano Karýzo (Italııa), Franchesko Anıle (Italııa), Karlo Dı Krıstoforo (Italııa), Roberto Dı Kandııa (Italııa), Vılıam Grasıozı (Italııa), Dıný Tamajlakarý (Germanııa), Iаna Salenko (Germanııa), Iýrgtıa Dronın (Gollandııa), Ioel Karreno (Norvegııa), Anastasııa Matvıenko (Reseı), Denıs Matvıenko (Reseı), Vladımır Malahov (Germanııa) jáne Nadejda Saıdakova (Germanııa).