17 «Altyn belgi» ıegeri shyqqan mektep

Sensasııa! Bir aýdannan 46 oqýshy «Altyn belgimen» mektep bitirdi. О́zi «Altyn belgige» usynyl­ǵany 57 túlek eken. Sonyń 46-sy óz bilimin qorǵap shyqqan. Ázirge, respýblıkanyń basqa aımaqtarynan mundaı kórsetkishti estimedik. Bál­kim, bar da shyǵar. Al olaı bolsa, taǵy osy aýdannyń bir mektebinen 17 oqýshy «Altyn belgimen» altyn uıa­sy­nan ushty. Bul nátıjemen shendeser basqa mektep joq degen oıdamyz. Ol qandaı aýdan deısiz ǵoı? Qyzylorda oblysynyń Qazaly aýdany. 46 «Altyn belginiń» ıegeri osy aýdannan tabyldy. Al jańaǵy aıtqan 17 oqýshy osy aýdandaǵy №249 mektep-lıseıiniń tálimger­leri. Osy arada «17 oqýshysy al­tyn alǵan dırektor kim?» degen zańdy saýal týyndaıdy. Ol – Kúlásh Mergenbaeva. Oqý ordasy Elbasynyń «100 mektep, 100 aýrýhana» baǵ­dar­­lama­sy boıynsha 2009 jyly paıda­la­nýǵa berilgen. Aı­nalasy 2 jyl­dyń ishinde atyn aıdaı álemge ja­ıyp otyr. Bul – birinshiden, El­ba­synyń kó­re­gen saıasatynyń jemisi. Ekinshiden, baǵdarlama ba­la­lar­dyń ba­ǵyn ash­ty degen sóz. Táýbe! Endi aý­da­ndaǵy bilim jaǵdaıy týraly birer sóz. Qazaly aýdany boıynsha 33 orta, 3 negizgi jáne 4 bastaýysh mektep bar. Onyń syrtynda 17 balabaqsha, 3 mektepten tys mekeme jumys jasap, jyl saıyn 15 myńnan astam balaǵa bilim men tárbıe berip keledi. Oqý­shylardyń bilim deńgeıiniń joǵary ekenin aldyńǵy sózimiz rastasa kerek. Degenmen jyl saıyn memleket ara­lyq baqylaý men Ulttyq biryń­ǵaı testileý barysynda aýdan oqý­shy­lary respýblıka kóleminde aldyń­ǵy qatardan kórinip keledi. Máselen, 2008-2010 jyldar ara­lyǵynda memleket aralyq baqylaýǵa qatysýshylardyń ortasha kórsetkishi 4-synyptar boıynsha 17,8, al 9-sy­nyptar boıynsha 68,5 baldy quraǵan eken. Endi osy kórsetkishti 2010-2011 oqý jyldarymen salystyryp kóre­ıik. Osy oqý jylynda 4-synyptar boıynsha 18,8 ball, 9-synyptar bo­ıy­nsha 76,6 baldy qurap otyr. Il­gerileýshiliktiń bary kózge anyq baıqaldy. Búgingi bilim negiziniń bas­ty kórsetkishi UBT ekeni ras. UBT boıynsha aýdannyń bilim salasynyń júıeli jumysynyń nátıjesinde birshama jetistikterge qol jetkizdi. Atap aıtar bolsaq, ortasha kórsetkish 2009 jyly – 79,2 ball, 2010 – 90,7 ball bolsa, ústimizdegi jyly 93,1 balǵa jetip otyr. Sonymen qatar, «Altyn belgi» belgisiniń ıegerleri jyl sanap ósip keledi. 2001 jyldan beri qaraı 114 oqýshy «Altyn belgi» belgisiniń ıegeri atandy. Bıylǵy oqý jylynyń ózinde 46 oqýshy «Altyn belgimen» óz bilimderimen dáleldep shyqqanyn jańa aıttyq. Sonymen birge aýdan oqýshylarynyń bilimi men biligin kórsetetin oblystyq, respýblıkalyq, halyqaralyq pándik, taqyryptyq olımpıadalarda da túrli jetistikterge ıe bolyp keledi. Oǵan toqtalar bolsaq, aýdan oqý­shy­lary sońǵy 2 jyl ishinde oblystyq olımpıadada 20 júldeli oryn, res­pýb­lıkalyq olımpıadada 3 júldeli oryn, halyqaralyq olımpıadada 5 júldeli oryn aldy. 2 oqýshy «Bola­shaq» stıpendııasynyń ıegeri atan­dy. Sonymen qatar, tálimgerler jekelegen pánder boıynsha bilim deń­geıin anyqtaıtyn «Kengýrý», «Aq aıý», «Aqbota», t.b. respýbl­ıka­lyq, halyqaralyq syrttaı olım­pıa­daǵa úzdiksiz qatysyp, túrli mara­pat­t­arǵa ıe bolyp keledi. Aýdan oqý­shy­lary mektep qabyrǵasynda júrip, ǵylymı jumystarmen shuǵyldanyp, oblys­tyq, respýblıkalyq, halyqara­lyq  ǵy­lymı jobalar baıqaýlaryna, túr­li deńgeıdegi ǵylymı-praktıka­lyq konferensııalarǵa qatysyp keledi. Bolashaq urpaqtyń jaratylys­taný, naqty ǵylymdar negizderine qy­zyǵýshylyǵyn arttyrý baǵytynda  2 mektep-lıseı jumys jasap, onda 3 myńǵa jýyq oqýshy bilim alyp jatyr. Gýmanıtarlyq baǵyttaǵy bir mektep-gımnazııada 500-ge jýyq oqýshy bilim nárimen sýsyndaýda. Jańa oqý jylynan bastap fızıka-matematıkalyq, hımııa-bıologııalyq klastar ashý qolǵa alynyp otyr. Qazirgi tańdaǵy aqparattyq ke­ńis­­tiktiń keń damyǵan ýaqytynda aýdan oqýshylary ınternet júıesi arqyly túrli bilim baıqaýlaryna qatysyp keledi. Onyń dáleli retinde bıylǵy jyl­dyń ózinde  303 oqýshy halyq­ara­lyq olımpıadalarǵa qaty­syp, júl­deger atansa, 5 oqýshy «Da­ryn» or­t­a­lyǵy uıymdastyrǵan «Tarıh Ata-2011» olımpıadasynyń júl­de­geri bol­dy. Sonymen qatar aýdan mu­ǵa­lim­deri de reseılik «Pervoe sentıabrıa», «Pýshkın oqýlary», t.b. sa­ıys­taryna qatysyp, júldege jetip keledi. Bilim salasynda eki myńnan astam ustazdar men tárbıeshiler jumys atqaratyn bolsa, onyń 57-si joǵary sanatty,  572 muǵalim birinshi sanattylar qataryna jatady. Onyń ishinde ondaǵan bilim salasy­nyń «Qurmetti qyzmetkerleri» tós­bel­gisiniń, «Y.Altynsarın» me­dali­­niń ıegerleri bar.