Jaıyqqa shabaq jiberildi

Jyl saıyn Atyraýdaǵy be­kire ósirý zaýytynda 7 mıllıon shabaq ósiriledi. Jaı balyqtyń shabaǵy emes, bekire tuqymdas balyqtardyń shaba­ǵyn ósirýde atyraýlyq balyq­shylar ájep­táý­ir tájirıbe jı­naqtap qalyp­ty. Byltyrǵa deıin arnaıy zaý­yttyń jasan­dy sý toǵandarynda balyq sharýashylyǵy salasyn­daǵy ǵa­lym-mamandardyń baqy­la­ýy­men ósirilgen shabaqtar al­ǵash ret Kaspıı teńizine jiberilgen bola­tyn. Endi bıyl qaıtadan sondaı shabaqtardyń bir bóligi, dálirek aıtqanda, 3,5 mıllıon danasy Jaı­yq ózeniniń aıdy­nyna jiberildi. Zaýyt dırektory Rashıdın Ka­lımýllınniń aıtý­ynsha, bul sha­baqtar 45 táýlikte 12-15 gram­­­­dyq salmaq quraıdy ek­en. Bıyl­ǵy jyly da memlekettik tap­sy­ryspen 7 mıllıon be­ki­re balyq­ta­rynyń shaba­ǵyn ósi­rýge tapsy­rys berilgen. Osyn­­sha kólemdegi tap­sy­rysty or­yn­­daý­ǵa atalǵan zaý­yttyń to­lyq múmkindigi bar. Jaıyq ózenine shabaq jiberý sharasyna qatysqan Aý­yl sharýa­­shylyǵy mınıstrligi ba­lyq sha­rýashylyǵy komıteti tór­aǵasy­nyń orynbasary Baý­yrjan Ju­majanovtyń pikirinshe, aldaǵy kezeńde memleket tarapynan bekire tu­qym­das balyqtar shaba­ǵyn ósi­rýge basa kóńil bólingeli otyr. «2012 jyly Atyraý ob­ly­syn­da jańadan boı kóte­retin sha­baq ósirý zaýytynyń qury­ly­sy bastalady. Bul zaý­yttyń qýaty qazirgi zaýyt­tarǵa qara­ǵanda áldeqaıda molyraq bo­la­­­dy. Iаǵnı, jańa zaýytta jy­lyna 30 mıllıon shabaq ósirý kóz­de­lýde. Qazir zaýyt qury­ly­­synyń jobalyq qujattary men bıýdjeti naq­ty­lanýda. Bu­ǵan qosa buryn­nan jumys jasap turǵan eki zaýyt qaıta jań­ǵyrtýdan ótkizilmek», dedi ol. Al zaýyt dırektory Rashıdın Kalımýllınniń aıtýyn­sha, al­da­ǵy ýaqytta taǵy da 3,5 mıllıon shabaq sý aıdy­nyna jiberiledi. Biraq olardy Jaı­­yq ózenine emes, Kaspıı teńi­zi­ne jiberý jos­parlanyp otyr. Joldasbek ShО́PEǴUL, Atyraý oblysy.