Elorda ákimi áleýmettik jelilerde kóterilip jatqan máselelerdi udaıy saralap, jeli qoldanýshylardyń shaǵymdaryna jaýap berip, olardyń birjaqty oılaryna pikir qosyp otyrady. Jeli qoldanýshylardyń biri - Daul Uahap arnaıy topta óziniń renishin bildirgen.
«Júrgizýshiler baǵdarshamǵa kelgende esikti ashady, da túkiredi. Buǵan tózý memkin emes»,-dep jazdy ol. Oǵan jaýap retinde elorda ákimi: «Kelisemin, EKSPO kórmesi bastalǵanǵa deıin 3000 kamera ornatamyz, jyl sońyna deıin taǵy 7 myńy ornatylady. Árbir ádepsizdikti nazarǵa alyp, el úırengenshe jaýapqa tartamyz. Bul shylym shegip, alyp tuqylyn tastap ketýshilerge de qatysty»,-dep jazdy.
Keshirek ákim taǵy: «Kóshede temeki tuqylyn jáne qoqys tastap, túkiretinderge «soǵys» jarııalaý kerek. Biz ýatsap pen ózge de jelilerde arnaıy toptar ashamyz. Ol jerge eldiń barlyǵy ózderi túsirgen sýretter men beınekórinisterdi salyp otyrady. Alaıda, bul kemshilikpen tek ákimshilik tásildermen ǵana kúresken durys emes, bizge kóp bolyp qolǵa alyp, qalany taza etken tıimdi»,-dep qosty.
