Azyq-túlik taýarlary tobyndaǵy baǵalar serpinine 2017 jylǵy sáýirde et jáne et ónimderi 2,2%-ǵa qymbattady. Sonyń ishinde qoı eti – 6,4%-ǵa, sıyr eti – 3,6%-ǵa, jylqy eti – 1,5%-ǵa, shoshqa eti – 0,7%-ǵa, qus eti, shujyqtar jáne et ónimderi – 0,3%-dan ósti. Balyq jáne teńiz ónimderiniń baǵalary – 1%-ǵa qymbattady, dep habarlaıdy Almaty qalalyq statıstıka departamenti.
Un 1%-ǵa, sonyń ishinde birinshi surypty un – 3,3%-ǵa qymbattady. Nan baǵasy 0,7%-ǵa, buǵan joǵarǵy surypty bıdaı unnan pisken nan – 2,5%-ǵa, qara bıdaı-bıdaı nany – 2%-ǵa ósti. Kondıter ónimderiniń ósimi 0,9%-dy qurady.
Aqqaýdandy qyryqqabattyń 10,5%-ǵa, pııazdyń – 10%-ǵa, kartoptyń – 9,4%-ǵa, sábizdiń – 4,1%-ǵa, qyzylshanyń – 3,5%-ǵa qymbattaýy baıqaldy. Al, qyzanaq pen qııardyń – 11-16,4%-ǵa arzandaýy saldarynan balǵyn kókónister 1,2%-ǵa arzandady. Jemisterdiń baǵasy 0,4%-ǵa arzandady.
Kúrish 3%-ǵa, jarmalar – 2,8%-ǵa, sonyń ishinde qaraqumyq – 4,6%-ǵa, untaq jarmasy – 1,1%-ǵa, arpa jarmasy – 0,7%-ǵa arzandady. Al suly jarmasy – 1,8%-ǵa, shıki sók – 0,2%-ǵa ósti. Makaron ónimderi 1%-ǵa arzandady, buǵan vermıshel jáne qysqa tútikti kespeniń – 1,7%-dan arzandaýy, al kespeniń – 2,7%-ǵa ósýi sebepshi boldy.
Sút ónimderi 0,3%-ǵa, buǵan shıki súttiń – 2,5%-ǵa, uzaq saqtalatyn súttiń – 0,6%-ǵa, pasterlengen súttiń – 0,4%-ǵa, qyshqyl sút ónimderiniń (ıogýrt, aıran, qaımaq) – 0,3%-ǵa ósýi sebep boldy. Al irimshik jáne súzbe – 0,2%-ǵa arzandady.
Maı-tońmaı ónimderi 0,3%-ǵa qymbattady, buǵan záıtún maıynyń – 1,5%-ǵa, kúnbaǵys maıy jáne margarınniń – 0,4%-dan qymbattaýy sebep boldy.
Alkogoldi sýsyndar baǵasy 0,7%-ǵa, (konıak – 1,4%-ǵa, araq – 1,1%-ǵa, sharap – 0,9%-ǵa), alkogolsiz sýsyndar – 0,4%-ǵa, sonyń ishinde jemis jáne kókónis shyryndary – 1,2%-ǵa, kofe, sháı, kakao – 0,6%-ǵa qymbattady. Salqyndatqysh sýsyndar baǵasy 1,2%-ǵa, mıneraldy jáne aýyz sý – 0,1%-ǵa arzandady. Tabak ónimderi (fıltrli sıgaret) 0,3%-ǵa qymbattady.
Qant baǵasy 2,8%-ǵa, jumyrtqa – 1,9%-ǵa arzandady.
О́tken aıǵa qaraǵanda azyq-túlik emes tobyndaǵy taýarlardyń baǵalary kólikterdiń – 1,6%-ǵa, ydystardyń – 0,9%-ǵa, qurylys materıaldarynyń – 0,7%-ǵa, farmasevtıkalyq ónimderdiń jáne jeke kútim taýarlarynyń – 0,6%-dan, turmystyq tekstıl buıymdarynyń – 0,4%-ǵa, jýǵysh jáne tazalaǵysh zattardyń, turmystyq tehnıkanyń – 0,3%-dan, jıhaz jáne úıge arnalǵan zattar, kıim jáne aıaq-kıimniń – 0,2%-dan baǵalary ósti.
Janar-jaǵar maı materıaldarynyń baǵalarynan dızeldi otyn – 0,3%-ǵa qymbattady, A-92 markaly benzıni – 0,1%-ǵa arzandady.
Halyqqa kórsetiletin aqyly qyzmetter salasynda turǵyn-úı kommýnaldyq kyzmetteri – 4,3%-ǵa, sonyń ishinde ortalyqtan jylytý – 10,6%-ǵa, ystyq sý – 8,8%-ǵa ósti.
Turǵyn-úıdi jalǵa berý 2%-ǵa, sonyń ishinde jabdyqtalǵan turǵyn-úıdi jalǵa berý – 2,7%-ǵa arzandady.
Kólik qyzmetteriniń tarıfteri 0,7%-ǵa arzandady, bul oraıda ushaqtar bıletteri – 10,1%-ǵa arzandady, al alys jol júretin poıyzdardyń bıletteri – 0,4%-ǵa qymbattady.
