Saltanat barysynda Almaty ákimi Baýyrjan Baıbek mıllıondaǵan Otan qorǵaýshylardyń janqııarlyq erligimen Uly Jeńiske qol jetkendigi týraly atap ótti.Turǵyndary 6 mıllıonnan asatyn Qazaqstan qan maıdanǵa óz azamattarynyń 20%-yn attandyrdy, solardyń árbir ekinshisi surapyl soǵysta qaza tapty.
–Soǵystyń barlyq maıdandarynda qazaqstandyqtar jaýmen aıanbaı shaıqasty. Baýyrjan Momyshulynyń, Talǵat Bıgeldınovtyń, Álııa Moldaǵulovanyń, Mánshúk Mámetovanyń, Sergeı Lýganskııdiń, Leonıd Bedanyń, Núrken Ábdirovtyń jáne myńdaǵan basqa da qazaqtandyqtardyń esimi uly erlikter tarıhyna altyn áriptermen jazyldy. Bizdiń basty boryshymyz – Táýelsiz Qazaqstanda beıbitshilik pen kelisimdi saqtaı otyryp, óskeleń urpaqtyń ashyq aspan astynda ómir súrýin qamtamasyz etý, – dedi qala ákimi.
Soǵys jyldary elimizdegi barlyq ónerkásip oryndary qan maıdan úshin aıanıýaı eńbek etti. On oqtyń toǵyzy Qazaqstan qorǵasynynan quıyldy.Respýblıkada jalpyodaqtyq óndiristegi mystyń 35%-y, qorǵasynnyń 83%-y, molıbdenniń 60% -y shyǵaryldy. Maıdanǵa attanǵan 1 mln. 200 myń qazaqstandyqtyń 160 myńnan astamy almatylyqtar edi. Máńgi alaý basynda erlikteri ǵasyrlarǵa jalǵasqan ardagerlerdi árqashan da qurmet kórsetiletini týraly aıtyldy. Qazaqstannyń qan maıdandaǵy Uly Jeńiske qosqan úlesi jastardyń jadynda máńgi saqtalady.
Saltanatty shara barysynda jınalǵandar qurban bolǵandardy bir mınýt únsizdikpen eske aldy. Qurmetti qaraýyldyń sherýi ótip, merekelik konsert qoıyldy. Áıgili óner juldyzdary Roza Rymbaeva, Talǵat Kúzembaev, «ILCanto» kvarteti, «Art-klassık toby án shyrqap, Bereke Eńkebaeva, Alekseı Tımofeev bastaǵan ónerpazdar «Jas qazaq», «Álııa», «Saǵadat», «Smýglıanka» syndy kompozısııalar oryndady.
Saltanatty mıtıngten soń qala kóshelerinde «Qaharman ult» sherýi bastaldy. UOS-na qatysýshylardyń sýretterinen ózge, áskerı qyzmetshiler izdestirip jınaǵan 164 fotosýretti sherýge qatysýshylar qolynda alyp júrdi.
Saltanatty shara otshashýmen aıaqtalady.
Talǵat SÚIINBAI,
«Egemen Qazaqstan»
Sýretti túsirgen Nurmanbet QIZATULY
ALMATY
