Muńymyzdy kimge shaǵamyz?

Almaty oblysynyń, Panfılov aýda­nyn­daǵy Qorǵas aýyly osy attas halyq­aralyq keden beketiniń qasynda ornalas­qan. Sondyqtan ony toǵyz jyldyń tora­byn­da tur dep aıtýǵa bolady. Biraq, óki­nishke qaraı, osyndaı mańyzdy eldi mekenniń áleýmettik problemalary áli kúnge deıin durys sheshim taba almaı keledi. Eń bastysy, biz taza aýyz sýǵa zárýmiz. Ony basy Qytaı elinen bastalatyn Qorǵas ózeninen alamyz. Ol sý – ishýge jaramsyz. Sondyqtan aýyldyń qol  jetken keıbir turǵyndary ózderiniń qudyq­taryn qazyp alǵan. Al endi bireýleri onyń bir tonnasyn 1000-1500 teńgege satyp alýǵa májbúr. Bizdiń Pıdjım aýyldyq okrýgynyń ákimi osy máseleni sheshpek bolyp, talaı memlekettik organ­darǵa ha­bar­lasty. Biraq odan ázirge eshbir nátıje shyqpaı otyr. Elektr qýatymen qamtý isinde de osyndaı olqylyqtar bar. Onyń kúshi jetkiliksiz bolǵandyqtan, aýyl halqy teledıdar habarlaryn durystap kóre almaı otyr.  Osyndaı jaǵdaıda turmysqa qa­jetti shań sorǵysh, kir jýǵysh máshıne, kompıýter sekildi quraldarmen jumys isteý múlde múmkin emes. Bylaısha aıtqanda, Qazaqstan halyqtarynyń bárine de ortaq órkenıet jetistikterinen quralaqan qalyp otyrmyz. Shyndap kelgende, mundaı máselelerdi sheshý qazirgi kúni Úkimetke, jergilikti bılik organdaryna kóp qıyndyq týdyr­maı­dy. Onyń jolyn eń aldymen Elbasy­myz­dyń ózi halyqqa arnaǵan Joldaýynda kórsetip bergen joq pa edi. Tipti, «Aýyz sý» baǵdarlamasynyń qabyldanǵany qa­shan. Biraq, ókinishke qaraı, osy jaqsy­lyq­tar toǵyz joldyń torabyndaǵy, ataq­ty halyqaralyq keden beketiniń qasyn­daǵy bizge jetpeı otyr. Mundaı óres­kel­dikke bir jaǵynan  tańqalýǵa da bolady. Son­dyqtan Úkimetten, jergilikti bılik oryn­darynan atalǵan máseleniń jedeldetip sheshim tabýyn suraımyz. A.MÁÝLENBERDINA, O.FATKÝLLINA, J.TARALBAEV, N.ÚMBETBEKOV, shaǵym hatqa barlyǵy 60 adam qol qoıǵan. Almaty oblysy, Panfılov aýdany, Qorǵas aýyly.