Shalasaýattylar memlekettik rámizdi qashanǵa deıin qorlaı beredi?
Memlekettik Tý – elimizdiń eń qasterli rámizi. Prezıdentimiz ózin ulyqtaýǵa arnalǵan saltanatty sátte basyn ıip, eń aldymen týǵan memleketiniń Týyn súıedi. Elbasymyz shetelge issaparǵa barǵanda óz rámiziniń álgi eldiń Týymen birge jelbirep turǵanyna jáne marqaıady. Sosyn... úzdik sportshylarymyz Olımpıada oıyndary men álem, Azııa chempıonattarynda jeńis tuǵyryna kóterilgende oń qolyn júreginiń tusyna qoıyp, Ánuran áýenimen áýelep bara jatqan týǵan eliniń Týyna tik qarap taǵzym etedi. Osylaı da osylaı tize bersek, táýelsizdiginiń jıyrma jyldyǵyn torqaly toıǵa ulastyrǵaly otyrǵan elimizdiń eń basty rámizderiniń biri – memlekettik Týdyń qadiri men qasıetin aıtyp taýysa almaspyz, sirá.
Biraq, ókinishke qaraı, keıde bizde osy qasterli rámizdi qurmetteý, ony jeke bastyń múddesinen joǵary qoıa bilý jaǵy kemshin túsip jatady. Jaqynda, atap aıtsaq, mamyr aıynda Jambyl oblysyndaǵy «Sortóbe» baqylaý-ótkizý beketinde elimizdiń memlekettik Týynyń «aıaǵy aspanǵa qarap» turǵanyn bir áriptesimiz sýretke túsirip alypty. Buǵan jol bergen osyndaǵy bas maman R.Hasenov eken. Jambyl oblysy boıynsha kedendik baqylaý departamentiniń bastyǵy M.Satybaldınniń jergilikti basylymdardyń birine bergen jaýabyna súıensek, álgi qyzmetker týdy aýystyrý kezinde «baıqamaǵan». Sol úshin tártiptik jazaǵa tartylypty-mys. Bizdińshe, ol shyǵaryp salma jaýap sııaqty. О́zderińiz aqylǵa salyp kórińizdershi, qurmetti oqyrman, eger fototilshiniń qyraǵy kózine ilikpegende álgi «tóńkerilgen» Týymyz keden qyzmetkerleriniń saýatsyzdyǵyn áshkerelep qansha ýaqytqa deıin tura berer edi. Al ary da beri aǵylǵan sheteldikter, olardyń ishindegi Borat sııaqty saıqymazaqtar kúlki ǵyp, onymen qoımaı keleke-mazaq úshin sýretke túsirip alsa she?!.
Jambyl oblysy ákimdigi tilderdi damytý basqarmasynyń janyndaǵy memlekettik tildi oqytý ortalyǵynyń qyzmetkeri A.Baýyrjanuly jaqynda taǵy bir óreskeldikti foto nysanaǵa alypty. Fýtbolǵa áýesterdiń ermegi úshin jasalǵan doptyń búıirine... o, toba, qabyrǵaly Qazaq eliniń Týy beınelenipti. Eń bıik, eń qurmetti orynda asqaqtap turýǵa tıisti qasterli rámizdiń sýreti aıaq asty, shań ústindegi dopqa beınelengenin kórip jaǵamyzdy ustadyq. Dop jasaıtyn fırmalarǵa «bálenbaı danasyn jasap ber» dep tapsyrys beretin kásipkerler bul ıdeıasymaǵymen ne aıtpaq? Bizdiń biletinimiz, bul – týǵan eliniń Týyna degen qurmet emes.
Sóz basynda, memlekettik Tý – elimizdiń eń qasterli rámizi, el Prezıdenti ózin ulyqtaýǵa arnalǵan saltanatty sátte basyn ıip, eń aldymen týǵan memleketiniń Týyn súıedi dedik. Endeshe, táýelsizdiginiń jıyrma jyldyǵyn torqaly toıǵa ulastyrǵaly otyrǵan elimizdiń eń basty rámizderiniń biri – memlekettik Týdyń qadiri men qasıetine jete bileıik, otandastar!
Kósemáli SÁTTIBAIULY,
Jambyl oblysy.
Memlekettik Tý – elimizdiń eń qasterli rámizi. Prezıdentimiz ózin ulyqtaýǵa arnalǵan saltanatty sátte basyn ıip, eń aldymen týǵan memleketiniń Týyn súıedi. Elbasymyz shetelge issaparǵa barǵanda óz rámiziniń álgi eldiń Týymen birge jelbirep turǵanyna jáne marqaıady. Sosyn... úzdik sportshylarymyz Olımpıada oıyndary men álem, Azııa chempıonattarynda jeńis tuǵyryna kóterilgende oń qolyn júreginiń tusyna qoıyp, Ánuran áýenimen áýelep bara jatqan týǵan eliniń Týyna tik qarap taǵzym etedi. Osylaı da osylaı tize bersek, táýelsizdiginiń jıyrma jyldyǵyn torqaly toıǵa ulastyrǵaly otyrǵan elimizdiń eń basty rámizderiniń biri – memlekettik Týdyń qadiri men qasıetin aıtyp taýysa almaspyz, sirá.
Biraq, ókinishke qaraı, keıde bizde osy qasterli rámizdi qurmetteý, ony jeke bastyń múddesinen joǵary qoıa bilý jaǵy kemshin túsip jatady. Jaqynda, atap aıtsaq, mamyr aıynda Jambyl oblysyndaǵy «Sortóbe» baqylaý-ótkizý beketinde elimizdiń memlekettik Týynyń «aıaǵy aspanǵa qarap» turǵanyn bir áriptesimiz sýretke túsirip alypty. Buǵan jol bergen osyndaǵy bas maman R.Hasenov eken. Jambyl oblysy boıynsha kedendik baqylaý departamentiniń bastyǵy M.Satybaldınniń jergilikti basylymdardyń birine bergen jaýabyna súıensek, álgi qyzmetker týdy aýystyrý kezinde «baıqamaǵan». Sol úshin tártiptik jazaǵa tartylypty-mys. Bizdińshe, ol shyǵaryp salma jaýap sııaqty. О́zderińiz aqylǵa salyp kórińizdershi, qurmetti oqyrman, eger fototilshiniń qyraǵy kózine ilikpegende álgi «tóńkerilgen» Týymyz keden qyzmetkerleriniń saýatsyzdyǵyn áshkerelep qansha ýaqytqa deıin tura berer edi. Al ary da beri aǵylǵan sheteldikter, olardyń ishindegi Borat sııaqty saıqymazaqtar kúlki ǵyp, onymen qoımaı keleke-mazaq úshin sýretke túsirip alsa she?!.
Jambyl oblysy ákimdigi tilderdi damytý basqarmasynyń janyndaǵy memlekettik tildi oqytý ortalyǵynyń qyzmetkeri A.Baýyrjanuly jaqynda taǵy bir óreskeldikti foto nysanaǵa alypty. Fýtbolǵa áýesterdiń ermegi úshin jasalǵan doptyń búıirine... o, toba, qabyrǵaly Qazaq eliniń Týy beınelenipti. Eń bıik, eń qurmetti orynda asqaqtap turýǵa tıisti qasterli rámizdiń sýreti aıaq asty, shań ústindegi dopqa beınelengenin kórip jaǵamyzdy ustadyq. Dop jasaıtyn fırmalarǵa «bálenbaı danasyn jasap ber» dep tapsyrys beretin kásipkerler bul ıdeıasymaǵymen ne aıtpaq? Bizdiń biletinimiz, bul – týǵan eliniń Týyna degen qurmet emes.
Sóz basynda, memlekettik Tý – elimizdiń eń qasterli rámizi, el Prezıdenti ózin ulyqtaýǵa arnalǵan saltanatty sátte basyn ıip, eń aldymen týǵan memleketiniń Týyn súıedi dedik. Endeshe, táýelsizdiginiń jıyrma jyldyǵyn torqaly toıǵa ulastyrǵaly otyrǵan elimizdiń eń basty rámizderiniń biri – memlekettik Týdyń qadiri men qasıetine jete bileıik, otandastar!
Kósemáli SÁTTIBAIULY,
Jambyl oblysy.
