Aqmeshitte «Astana» aýdany bar

Orynbordyń orny bólek... Sol sııaqty, Alash tarıhynda Aq­meshittiń de alar orny aıryqsha. Qıyn-qystaý zamanda qazaqqa astana bolǵan, eldik mańyzy bar máselelerdiń sheshilý ortaly­ǵy­na aınalǵan qalany qalaı áspet­te­sek te jarasady. Astana kúni qarsańynda belgili óner jáne sport sańlaqtary, ardager qurylysshylar, azamat­tyq ınstıtýt ókilderi, jastar uı­ymda­ry­nyń kóshbasshylary qur­yly­sshy­nyń kıimin kıip, ıgilikti shara ót­kizdi. Sóıtip, «Astana yq­shamaý­da­nyn birge salamyz» degen urannyń aıasyna birigip, Qy­zylordada jańa­dan irgesi qala­nyp jatqan aýdan­daǵy qurylys jumysyna belsene aralasty. Sóı­tip, Astana merekesi taǵy bir ıgilikti iske bastaý boldy. Jalpy, bıyl Qyzylordańyz úlken qurylystyń alańyna aı­nal­ǵanǵa uqsaıdy. Osy kúnniń óz­inde 40 jobanyń qurylysy jú­rip jatyr. Jalpy, quny 30 mıllıard 579 mıllıon 50 myń teń­geni quraıtyn bul jumys qazir qarqyndy júrip jatyr. «Astana» yqshamaýdany degen ne? Bul Aqmeshit atyrabynyń el­ordaǵa qurmeti. Aınalasy 500 gektar jerdi quraıtyn jańa aýdannyń atyn osylaı atap otyr. Bolashaqta Qyzylorda qalasy­nyń ortalyǵy da osy jer bol­maq. «Astana» aýdanynyń bola­sha­q­taǵy kelbetin kórdik. Eger, joba osy kúıinde iske asatyn bolsa, bul aýdanda adam janyna kerektiń bári bolmaq. Ári-beriden soń, oblystyq ákimdiktiń ǵıma­ra­ty da sonda kóshedi. Onda barlyq basqarmalar men departamentter ornalasady. Oblystaǵy shyǵar­ma­shylyq ókilderiniń ba­syn qo­sa­tyn «Shyǵarmashylyq úıi» de sonda oryn teppek. «Syr suń­qa­ry» sport kesheni, «Intergazstroı» mekemesiniń ǵımaraty, mem­lekettik qyzmetshilerge ar­nal­ǵan qyzmettik úı, 2 balabaqsha bıyl bitip, el ıgiligine berilmek. Sondaı-aq, 200 oryndyq emhana, 12 aren­dalyq úı, mekteptiń qu­rylysy jú­rip jatyr. Eń bastysy, osy aýdanda «Syr ana» memo­rı­aldyq eskertkishi oryn tebedi. Onyń eń basynda qalanyń ár bu­ryshyn kórýge bolatyn alańqaı bolady. Alystan qaraǵanda, ana­nyń keıpin kózge elestetetin eskertkish, Astananyń Báıteregi sııaqty, Aq­meshittiń de brendine aınalmaq. – Astana – el táýelsizdiginiń sımvolyna aınaldy. Elbasy men elorda egiz uǵym. Ejelgi astana retinde, biz de elordamyzdyń atyn asqaqtaýdy oılaımyz. Sóı­tip, jańadan salynyp jatqan  shaǵyn aýdanǵa «Astana» atyn berip otyrmyz, – deıdi qala ákimi Marhabat Jaıymbetov. Aksııaǵa qatysqan árbir azamat «Astana» shaǵyn aýdanynda kir­pish qalady, qum tasydy, sement aralastyrdy. Qysqasy, qu­ry­lysqa bilek sybana kiristi. Bul da eldik mańyzy bar is-shara. О́ıt­keni, Astana ortaq. Al ortaq is jumyla kiriskende ǵana bitedi. Erjan BAITILES, Qyzylorda.