Osydan biraz ýaqyt buryn dárigerler merekesi qarsańynda olarǵa segiz páterdiń kilti saltanatty jaǵdaıda tapsyrylǵan. Jaqynda qala ákimi Islam Ábishev ózi basqaratyn «Nur Otan» HDP qalalyq fılıalynyń saıası otyrysynda dárigerlerdiń árqaısysymen jeke áńgimelesip, olardy páter máselesiniń qınaıtynyna kóz jetkizdi. Qala ákimi óz múmkindikterin saraptaı kele segiz páterge qosymsha taǵy 40 páterdi bóletinin tilge tıek etti. О́skemendegi aýrýhanalar men emhana basshylary ózderine qansha páterdiń tıetinin bildi.
Ondasyn ELÝBAI,О́skemen.
«Aqbulaqtyń» azatqa sharapaty. Táýelsizdigimizdiń 20 jyldyǵy qarsańynda eldi mekenderdi kórkeıtý jónindegi Elbasy tapsyrmasy tııanaqtylyǵymen qýantyp otyr. Ásirese, «Aqbulaq» baǵdarlamasy sheńberinde turǵyndardy sapaly aýyz sýmen qamtamasyz etýde sharapatty ister atqarylýda. Kúni keshe Zerendi aýdanyndaǵy Azat aýylynda qýatty qubyrdy iske qosý saltanaty ótkizilip, oǵan oblys ákimi S.Dıachenko qatysty. Alty júzge tarta turǵyny bar Azat aýyly «Aqbulaq» baǵdarlamasy aıasynda 15 mıllıon teńge qarjy bólip, qurylysty óz kúshimen júrgizgen «Temir jol sý» jaýapkershiligi shekteýli seriktestigine kól-kósir alǵys jaýdyrýda. Aýdan ákimi Erbol Saǵdıev aýyldyq jerlerde bıyl osyndaı segiz joba júzege asyrylatyndyǵyn habarlady.
Baqbergen AMALBEK, Aqmola oblysy.
Patrıottyq bastama. Aqtóbelik jastardyń, qoǵamdyq uıym basshylarynyń tarapynan kóterilgen el Táýelsizdiginiń 20 jyldyǵyna arnalǵan «Qazaqstannyń bolashaǵy úshin» patrıottyq azamattyq keń kólemdi marafon-bastamasy aıasynda jastarǵa patrıottyq tárbıe berýge, memlekettik rámizderdiń mártebesin kóterý, olardy jas urpaqtyń qasterleýi jáne qurmetteýi turǵysynda túrli sharalar ótkiziledi. Sondaı-aq, marafon-bastama barysynda tarıhı qundylyqtardy qasterleý jumystary da júrgiziletin bolady. Osyǵan baılanysty ótken saltanatty jıynda el Táýelsizdiginiń 20 jyldyǵyna baılanysty 20 orta mektepke sonshama radıo kúsheıtkish ornatylyp, oqýshylardyń sabaq aldynda elimizdiń Ánuranyn tyńdaýǵa múmkindik týǵyzylatyny aıtyldy. Marafon-bastama aıasynda osyndaı tálimdik-tárbıelik máni zor ıgi sharalar kóptep ótkizilmek.
Satybaldy SÁÝIRBAI. Aqtóbe oblysy.
Birlesken memorandýmǵa qol qoıyldy. Egemen el atanǵannan bergi jerde túbi bir túrik aǵaıyndarmen jan-jaqty baılanys nyǵaıa túsip keledi. Sonyń bir jarqyn mysalyndaı olar buǵan deıin japondarmen birge Ertis ózeni ústine salynǵan jańa kópir qurylysyna qyzý atsalysqan edi. Endi túrikterdiń «Paridi Croup» kompanııasy osynda jańadan salynatyn áýejaı jáne turǵyn úıler men saýda ortalyqtary sekildi áleýmettik mańyzdy nysandardy qatarǵa qosýǵa mindettenip otyr. Sol eleýli sharaǵa oraı birlesken memorandýmǵa qala ákimi Aıbek Kárimov pen atalǵan kompanııanyń vıse-prezıdenti Iylmaz Metın qol qoıdy.
Dáýlet SEISENULY,Semeı.
Reseıdegi qandastardy bir serpiiltti. Reseıdiń Astrahan oblysynda 150 myńnan asa qandasymyz turady. Olar árkez qazaq eliniń tabysyna qýanyp júredi. Qazaqtyń ónerine sýsaıtynyn da jasyrmaıdy. Qazaqstannan óner ujymdary jıi barǵanyn qalaıdy. О́tken aptada Gúlnar Sádýaqasova basqaratyn D. Nurpeıisova atyndaǵy halyqtyq mýzyka kolledjiniń ónerpazdary astrahandyq qandastardy óz ónerlerimen erekshe serpiltip, atajurtqa saǵynyshyn oıatqan «Qazaqstan–qasıetti Otanym» atty konserttik shara ótkizdi. Astrahandaǵy qandastar aldynda mýzyka kolledjindegi stýdentterden quralǵan ult-aspaptar orkestri, «Dostyq» vokaldy ansambli, hor ujymy óner kórsetti. Sondaı-aq, A.Ápenova, E.Súleev, S.Álibekov, G.Jumataeva, J.Jamıev, Q.Shakıev, B.Bısenbaeva, E.Merekenov sekildi ánshi-dombyrashylar ónerimen reseılik qandastarymyzdyń ystyq yqylasyna bólendi.
Joldasbek ShО́PEǴUL, Atyraý oblysy.
Saıabaq ashyldy. Oral qalasy aýmaǵyna kiretin Derkól kentinde uzaq jyldar boıy jabaıy baq kúıinde qalyp kelgen alty gektar alqap mádenı-demalys saıabaǵyna aınaldy. Munda árkimniń jas ereksheligine saı qısynyn tapqan oryndar jetkilikti. Balalarǵa arnalǵan oıyn alańdary, sahna, kóshe shamdary men átkenshekter alystan kóz tartady. Jaıaý júrginshilerge arnalǵan soqpaqtarǵa órnektastar tóselgen. Jabaıylanyp ketken aǵashtar men tal-terekter kútim jasalǵannan keıin tipten jasanyp, jasaryp, japyraqtary samal jelmen sybdyr qaǵyp tur. Saıabaq qurylysy men abattandyrý jumystaryn «BatysStroıFakt» JShS júrgizgen. Bul úshin Oral qalasy bıýdjetinen tabany kúrekteı 52 mıllıon teńge qarajat bólingen.
Temir QUSAIYN, Oral.
Aqynǵa kórsetilgen qurmet. Qazaqstan Jazýshylar odaǵynyń múshesi, birneshe kitaptyń avtory, músháıralar men aıtystardyń jeńimpazy Zeınolla Ákimjanovtyń esimi jurtshylyqqa arqaly aqyn retinde ári til janashyry retinde jaqsy tanys. Ol 35 jyldan astam jýrnalıstıka salasynda jemisti eńbek etip keledi. Aqynnyń 60 jyldyq mereıtoıy ózi jumys isteıtin «Soltústik Qazaqstan» gazetiniń redaksııasynda – jyrsúıer qaýymnyń qatysýymen keńinen atalyp ótti. «Qyzyljar» medıaholdınginiń dırektory Káribaı Musyrman oblys ákiminiń quttyqtaý hatyn oqyp berip, ıyǵyna shapan japty. Ujym atynan syı-sııapat kórsetti. Zekeńniń týǵan jeri –Jambyl aýdanynan da arnaıy ókilder kelip, tartý-taralǵylar jasady. Qyzyljar óńiriniń qadirli azamattary Qudaıbergen Qalıev, Jambyl Tesemenov, Qaırat Qadyralın, týǵan-týystary qýanyshqa ortaqtasty.
О́mir ESQALI, Soltústik Qazaqstan oblysy.
