Yntymaqtastyqqa yntalylyq

Keshe Syrtqy ister mınıstrliginde vedomstvonyń baspa­sóz hat­shy­sy Ilııas Omarovtyń qatysýymen brıfıng ótti. Ilııas Omarov aldymen 18-20 shilde aralyǵynda elimizdiń Syrtqy ister mınıstri Erjan Qazyhanovtyń Belgııa Koroldigine, Ulybrıtanııa jáne Sol­tús­tik Irlandııa Birikken Koroldigine, Germanııa Federatıvtik Respýb­lıkasyna issa­pa­ry­nyń mańyzdylyǵy­na toqtal­dy. Onyń aıtýynsha, bul eý­ropalyq týr­ne aıa­synda qazaqstandyq syrtqy saıa­sı ve­domstvo­nyń basshysy óziniń belgııa­lyq, uly­brı­tanııalyq jáne germanııa­lyq árip­testerimen kezdesip, atalǵan eldermen saıası, saýda-ekonomıkalyq jáne ınvestı­sııa­lyq sa­lalardaǵy baılanys­tardy tal­qy tarazysyna salatyn kóri­ne­di. Sapar barysynda aımaqtyq jáne jahandyq qaýipsizdik máseleleri de nazardan tys qal­maıdy. «Qazaqstan Syrt­qy ister mı­nıstri­niń eýropalyq áriptes­terimen óz­ara talqyǵa salatyn taǵy bir másele bar. Ol Elbasynyń tapsyrmasy­men qol­ǵa aly­­­nyp, júzege asyrylyp otyr­ǵan «Eý­ro­­pa­ǵa jol» memlekettik baǵ­darlamasy. Son­­daı-aq, sapar sheńbe­rin­de joǵary já­ne óte joǵary deń­geılerdegi kezdesýlerge de kóńil bólinbek», dedi baspasóz hatshysy. Dál osy kúnder aralyǵynda Vashıngtonda Amerıka Qurama Shtat­tary­nyń Memlekettik departamenti ókil­deri­men qazaqstandyq-amerıkalyq kon­sýl­dyq konsýltasııalary da ót­kizil­mek. Bu­ǵan Qazaqstan Syrtqy ister mı­nıstr­liginiń jaýapty hatshy­sy R. Jo­shybaev bastaǵan delegasııa qatysady. Delegasııa quramynda Syrt­qy ister mınıstr­liginiń jáne AQSh-taǵy Qazaq­stan el­shi­liginiń qyzmetkerleri, elimiz­diń memlekettik organdarynyń ókilderi bar. «Kezdesý barysynda adamdardy jaýap­qa tartý boıynsha, sondaı-aq, jo­ǵal­ǵan jáne urlanǵan qujattar týraly (AQSh elshiligi men Interpol arqyly) aqparat almasý, elektrondy qujat­tar­dy engizý, azamattyq máselesi, sonyń ishinde rásimdik qujattardy daıyndaý, jeke qujattardy kýálandyrý, halyq­ara­lyq bala asyrap alý, ınfraqury­lym­dyq she­ka­ra­lardy kúzetý sekildi máseleler tal­qy­lanbaq», dedi vedomstvo ókili. Bul kúngi brıfıngte taǵy belgili bol­ǵany, 22 shilde kúni BUU Bas hatshy­sy­nyń arnaıy ókili, BUU aımaqtyq orta­ly­ǵynyń basshysy, elshi Mıroslav Encha­nyń Astanaǵa issaparmen joly tús­pek. Aldyn-ala josparlanǵan kezdesýler barysynda Qazaqstan men BUU ara­syn­daǵy yntymaqtastyq bolashaǵy, Ortalyq Azııa aımaǵynda beıbitshilik pen turaq­ty­lyqty qamtamasyz etýdegi úderister, Aýǵanstandaǵy jaǵdaıdyń Ortalyq Azııa­ǵa áseri, ShYU Sammıtiniń sheshimderin aımaqta iske asyrý, Qazaqstannyń IYU-ǵa tóraǵalyǵy máselelerin talqy­laý kózdelip otyr. Láıla EDILQYZY.