Jaqsyny jaqsylyqqa jorıyq

Halqymyz yrymǵa jaqsy qa­raı­dy. Neshe túrli tús kórse de, jaqsyǵa jorý­ǵa tyrysady. Álbette, munysy durys ta. Jaqsylyqty jaqsylyq shaqy­rady emes pe?! Halqymyz: «Jaq­sy sóz, jarym – yrys» deıdi. Áńgimeni bulaı bas­taýymnyń da jóni bar. Naýryz aıy­nyń ortasy edi. Prezıdent saılaýy­na úgit-nasıhattyń naǵyz qyzǵan kezi bolatyn. Sol ýa­qytta ózimniń jeke qojalyǵymdaǵy saýlyqtyń biri tól­dedi. Kádimgi kók qozy, oń búıirinen «N» árpin kórip: «Osy saılaýda tuń­ǵysh Elbasymyz Nurekeń aıqyn basymdyqpen jeńiske jetedi eken», – dep aýyl aqsaqaldary bolyp, jaqsy­lyqqa jorydyq. Búkil álem tanyp, moıyndaǵan El­basymyzdy maqtan etemiz. Búkil aýyl bolyp, saılaýda daýsymyzdy da berdik. Asa zor basymdyqpen sol saılaýda je­ńiske jetti. Elbasymyzdyń bas­taýymen elimizge Alla taǵala nebir ıgilikterdi násip etýde. Esil ózeni jaǵalaýynan az ýaqytta keremet ertedegideı ásem qala Astananyń boı kóterýiniń ózi ne turady?! Qazaqstan byltyr EQYU-ǵa, al bıyl 57 múshe eli bar Islam yn­ty­maqtastyǵy uıymyna tóraǵa boldy. Mu­nyń ózi táýelsizdigin alǵan 20 jyldaǵy zor jetistik emes pe?! Keshegi kók qozy búginde marqaǵa aınaldy (sýrette). «N» árpi syrt kózge de anyq aıqyn kórinedi. Bul áripti Elbasynyń esimimen baı­la­nystyrýshy aýyldastarym ony kór­gen saıyn keshegi saılaýdy eske alady. Asqar ÁLIBEKOV, Yntymaq aýylyndaǵy jeke qojalyq ıesi. Ońtústik Qazaqstan oblysy, Maqtaaral aýdany.