Aımaqtar • 19 Shilde, 2011

Joba: Derek pen dáıek

302 ret

kórsetildi

2 mın

oqý úshin

59 850 000 000 Ústimizdegi jyldyń alty aıynda oblysta osynshama teńgeniń ónerkásip ónimi óndirildi. Bul ótken jyldyń tıisti kezeńimen salystyrǵanda 162,1 mıllıard teńgege kóp.

Egemen Qazaqstan

Munyń ózi óńirde ekonomıkanyń turaqty jáne údemeli damýyna berik negiz qalanǵanyn kórsetedi. Bıyl júzege asyrylatyn 53 údemeli ındýstrııalyq-ınnovasııalyq jobany iske qosý bul jumysqa biraz serpin beredi dep kútilýde. Onyń 28-i ındýstrııalyq damý kartasy aıasynda júzege asyrylmaqshy. Qazirdiń ózinde on joba paıdalanýǵa berildi. Bıyl jańadan 10,4 myń jumys orny ashylady dep kútilýde. Osyndaı josparly jumystardy júzege asyrý nátıjesinde ónerkásip óndirisi kólemin jyl aıaǵynda 1 trln. 200 mıllıard teńgege jetkizý kózdelýde.

Satybaldy SÁÝIRBAI, Aqtóbe oblysy.

246 000 000 «Sharyqtas» kásiporny ótken jyly osynshama teńgeniń ónimin óndirdi.

«Sharyqtas» kásipornynyń negizgi qyzmeti tabıǵı tasty óndirý men óńdeýge negizdelgen. Italııanyń «Pedrini» jáne «Monlevi» fırmalarynyń qural-jabdyqtaryn paıdalanǵan óndiris ornynyń ónimine suranys joǵary. Tasty óńdeý, qashaý, kesý, jıekteý, jyltyratý tárizdi jumyspen 70 adam shuǵyldanady. Zaýyttyń ónim shyǵarý kólemi jyl saıyn artýda. Mundaǵy jyldyq jospar 1072 sharshy metr granıt, 413 sharshy metr mármár jáne 38 myń sharshy metr jol kómkermelerin shyǵarý. О́tken jyly 246 mln. teńgeniń sapaly ónimi tutynýshyǵa jol tartsa, bıylǵy 6 aıda 42 mln. teńgege jýyq ónim óndirilipti. Negizgi shıkizat Kúrti kenishinen tasymaldansa, grabro Shaja jáne Balqash pen Qordaı kenishterinen ákelinedi.

Kúmisjan BAIJAN, Almaty oblysy.

194 000 000 Atyraýda jyl basynan beri osynshama teńgeniń aýyl sharýashylyǵy ónimderi satylǵan 191 jármeńke ótkizildi

Oblys ákimi Bergeı Rysqalıev «Atyraý» áleýmettik-kásipkerlik korporasııasyna bıýdjet qarjysyna satyp alynǵan taýarlardy halyqqa usynatyn arnaıy saýda núktelerin ashýdy tapsyrǵan edi. Ákimniń orynbasary Serik Aıdarbekovtiń aıtýynsha, bul kúnderi 12 túrli taýar «Kóktem», «Nasıha», «Dına» bazarlary, sondaı-aq «Ideal», «Ataba» sýpermarketterindegi saýda núktelerinde satylyp keledi. Ár aptanyń senbi, jeksenbi kúnderi aýyl sharýashylyǵy ónimderin deldalsyz jáne oryn aqysyz satatyn 191 jármeńke ótkizilipti. Osy shara barysynda halyqqa 194 000 000 teńgeniń aýyl sharýashylyǵy taýarlary satylǵan.

Joldasbek ShО́PEǴUL, Atyraý oblysy.