Arnaıy ókilmen kezdesti

Keshe Astanada Syrtqy ister mınıstri Erjan Qazyhanov elimizge qysqa merzimdi saparmen kelgen BUU Bas hatshy­synyń arnaıy ókili, BUU aımaqtyq ortalyǵynyń basshysy, elshi Mıroslav Enchamen kezdesti. Kezdesýde Qazaqstan Respýb­lı­kasy men BUU yntymaqtas­ty­ǵynyń tıimdi jaqtary talqy­lan­dy. Sonymen birge Ortalyq Azııa óńirindegi qazirgi jaǵdaı, uı­ym­dasqan transshekaralyq qylmys­qa, terrorızm men ekstremızmge qarsy sharalardy, esirtki tara­týǵa qarsy is-qımyldardy jetildirý, sý-energetıkalyq prob­le­malardy sheshý sııaqty máseleler qaraldy . Odan keıin taraptar ShYU Sammıtiniń Ortalyq Azııa óńi­rine qatysty sheshimderin iske asy­rý máselesin sheshý jáne As­tananyń IYU mınıstrler keńe­sindegi tóraǵalyǵynyń basym­dyq­taryn júzege asyrý máse­le­sine toqtalyp ótti. Osy jerde BUU Bas hatshysynyń arnaıy óki­li M.Encha elimizdiń halyq­ara­lyq saıası sahnadaǵy belsendi qyzmetine joǵary baǵa berip, Qa­zaqstannyń Aýǵanstan men Qyr­ǵyz­standaǵy saıası oqıǵalardyń or­tasynan tabylyp, jaǵdaıdy tu­raqtandyrýda atqaryp jatqan jumysy qaı elge bolsyn úlgi alýǵa turarlyq ister ekenin atap ótti. Sonymen birge, ol Elbasy Nur­sultan Nazarbaevtyń ıadro­lyq qarý-jaraqty qoldaný saıa­sa­tyna qarsy ustanǵan saıasatyn bú­kil álemniń qoldaýyna ıe bolyp otyrǵanyn, osyǵan oraı Qazaq­stan basshysy bıyl Nıý-Iork qalasynda ıadrolyq qarýǵa qarsy ótetin álemdik sammıtke taǵy da shaqyrylatynyn aıtty. Dastan KENJALIN.