Aqyn toıy – el mereıi

Almaty oblysy, Raıymbek aýdany, Qa­rasaz aýylynda 29-30 shilde araly­ǵyn­da Muqaǵalı Maqataevtyń 80 jyl­dyq to­ıy­na arnalǵan saltanatty sharalar ótedi. Búginde barsha jyrsúıer qaýym Mu­qa­ǵalı Maqataevtyń 80 jyldyq mereıtoıyn keńinen atap ótýde. Biz bul sózimizge dálel retinde elimizdiń barsha óńirlerinde derlik aqyn shyǵarmashylyǵyna arnalǵan ádebı- kópshilik sharalar men ǵylymı-tanymdyq konferensııalardyń ótkendigin aıtsaq ta jetkilikti. Endi mine, sol toı aqynnyń týǵan aýylynda jalǵaspaq. Toı baǵdarla­ma­synda jurtshylyq úshin mynandaı is-sha­ralar qarastyrylǵan. • Toı qonaqtarynyń Raıymbek batyr eskertkishine gúl shoqtaryn qoıýy; • M.Maqataevtyń sózine jazylǵan án­der­den ótken respýblıkalyq «Jyrlaıdy júrek» baıqaýynyń, aqynnyń óleńderin oqýdan óner kórsetken jeńimpaz jetkin­shek­­terdiń konserti; • M.Maqataev eskertkishi men memo­rı­aldy mýzeıiniń saltanatty ashylýy; • Qarasaz aýyldyq Mádenıet úıinde M.Maqataevtyń týǵanyna 80 jyl tolýyna arnalǵan ǵylymı konferensııa; • «Keń dúnıe, tósińdi ash, men kelemin!» atty jazba aqyndardyń jyr músháırasy; • «Jyrlaıdy júrek» atty M.Maqa­ta­ev­tyń sózine jazylǵan ánderden merekelik konsert; • Shalkóde jaılaýynda mereıtoıdyń saltanatty ashylýy; • Teatrlandyrylǵan qoıylym jáne merekelik gala-konsert; • Muqaǵalı aqynnyń qurmetine beriletin as; • At sporty túrlerinen jarys; • Jıyn qorytyndysy, qonaqtardyń attanýy.