Kásipker Asylbektiń tartýy

Qut-bereke daryǵan Qaratal aýdanynyń orta­ly­ǵy toǵyz joldyń toraby sanalatyn Úshtóbe qala­sy­nyń ınfraqurylymy sý jańa sporttyq-saýyq­tyrý keshenimen tolyqty. Jergilikti kásipker esimi respýblıkamyzǵa keńinen tanymal azamat, 2010 jylǵy respýblıkalyq «Paryz» konkýrsynyń júl­degeri «Tamas» JShS-nyń dırektory Asylbek Pu­syrmanov. Aýdan turǵyndarynyń densaýlyǵyn ny­ǵaıtýǵa baǵyttalǵan keshendi ashý saltanatyndaǵy jıynda ol: «Bul bizdiń ujymnyń týǵan aýda­ny­myz­ǵa Táýelsizdigimizdiń 20 jyldyǵyna arnalǵan syı tartýy», – dep maqtanysh sezimmen aıtty. Qazirgi zamanaýı úlgide jaraqtandyrylyp jab­dyqtalǵan eki qabatty eńseli de kórikti keshen fýtbol, voleıbol, basketbol, trenajer, aerobıka jáne sheıpıngpen aınalysatyn zaldardan, júzý basseıninen, massaj jasaý bólmesinen, balalar oıyn alańynan turady. Aptasyna alty kún jumys isteıtin ortalyqtyń qyzmet kórsetý aqysy da pálendeı qymbat emes. Endi aýdan turǵyndary densaýlyǵyn nyǵaıtý úshin buǵan deıingideı oblys ortalyǵy – Taldyqorǵan qalasyna baryp, sabylmaıtyn bola­dy. Eń bir quptarlyǵy – zeınetkerler men turmy­sy tómen otbasy múshelerine de aıtarlyqtaı je­ńil­dik jasalady. Úshtóbe qalasy ejelden-aq qazaq sportynyń ár jyldaǵy maqtanshy, ataqty boksshylar A.Japsarbaev, B.Saǵyndyqov, M.Iýrchenko, aýyr atletter S.Fılımonov, V.Sedov, N.Nogaıdyń otany. Qala ajaryn shyraılandyrǵan sándi keshenniń áli de talaı jas sportshylardyń qanattanyp, ushýyna septigi tıetindigine senim zor. Qarasha QARAMAN. Almaty oblysy, Qaratal aýdany.