Qazaqstan Respýblıkasy Bilim jáne ǵylym mınıstrliginiń buıryǵy №224

2011 jylǵy 30 mamyr, Astana qalasy «Joǵary oqý ornynan keıingi kásibı oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 1 sáýirdegi № 161 buıryǵyna ózgerister men tolyqtyrýlar engizý týraly

buıyramyn: 1. «Joǵary oqý ornynan keıingi bilimniń kásibı oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 1 sáýirdegi № 161 buıryǵyna (Normatıvtik quqyqtyq aktilerdi memlekettik tirkeý tiziliminde № 5214 tirkelgen, «Zań gazetiniń» 2008 jylǵy 23 mamyrdaǵy № 77 (1477) jarııalanǵan) mynadaı ózgerister men tolyqtyrýlar engizilsin: kórsetilgen buıryqpen bekitilgen Joǵary oqý ornynan keıingi bilimniń kásibı oqý baǵdarlamalaryn iske asyratyn bilim berý uıymdaryna qabyldaýdyń úlgi erejesinde: 1- tarmaq mynadaı redaksııada jazylsyn: «1. Joǵary oqý ornynan keıingi kásibı oqý baǵdarlamalaryn iske asyratyn bilim berý uıymdaryna qabyldaýdyń úlgi erejesi (budan ári - Ereje) «Bilim týraly» Qazaqstan Respýblıkasynyń 2007 jylǵy 27 shildedegi jáne «Ǵylym týraly» Qazaqstan Respýblıkasynyń 2011 jylǵy 18 aqpandaǵy Zańdaryna sáıkes ázirlendi.»; 2-tarmaq mynadaı redaksııada jazylsyn: «2. Ereje azamattardy joǵary oqý oryndarynyń magıstratýrasyna, adıýnktýrasyna jáne doktorantýrasyna, joǵary oqý oryndary men ǵylymı uıymdardyń rezıdentýrasyna qabyldaýdyń tártibin aıqyndaıdy.»; 3-tarmaq mynadaı redaksııada jazylsyn: «3. Joǵary oqý oryndarynyń magıstranttarynyń, adıýnkttarynyń joǵary oqý oryndary men ǵylymı uıymdardyń rezıdentýrasynyń tyńdaýshylarynyń kontıngentin qalyptastyrý ǵylymı jáne pedagogıkalyq kadrlardy daıarlaýǵa (Qazaqstan Respýblıkasy Ulttyq qaýipsizdik komıtetiniń bilim berý uıymdarynda mamandardy daıarlaýdan basqa) memlekettik bilim berý tapsyrysyn ornalastyrý, sondaı-aq azamattardyń óz qarajattary jáne basqa da kózderi esebinen oqý aqysyn tóleý arqyly júzege asyrylady. Doktoranttardyń kontıngentin qalyptastyrý memlekettik bilim berý tapsyrysy negizinde júzege asyrylady.»; tórtinshi abzas mynadaı redaksııada jazylsyn: «Basqa sheteldik azamattar joǵary oqý oryndaryna, densaýlyq salasyndaǵy ǵylymı uıymdarǵa Qazaqstan Respýblıkasynyń zańnamasynda, sondaı-aq Qazaqstan Respýblıkasy bekitken halyqaralyq sharttarda belgilengen tártippen qabyldanady.»; 4-tarmaq mynadaı redaksııada jazylsyn: «4. Qazaqstan Respýblıkasy Qorǵanys mınıstrligine, Qazaqstan Respýblıkasy Ishki ister mınıstrligine, Qazaqstan Respýblıkasy Tótenshe jaǵdaılar mınıstrligine, Qazaqstan Respýblıkasy Ádilet mınıstrligine, Qazaqstan Respýblıkasy Ekonomıkalyq jáne sybaılas jemqorlyqqa qarsy kúres agenttigine (Qarjy polısııasy), Qazaqstan Respýblıkasy Ulttyq qaýipsizdik komıtetine, Qazaqstan Respýblıkasy Prezıdentiniń janyndaǵy Memlekettik basqarý akademııasyna vedomstvolyq baǵynysty joǵary oqý oryndarynyń magıstratýra, adıýnktýra jáne doktorantýrasyna azamattardy qabyldaý bilim berý salasyndaǵy ýákiletti organymen kelisilgen jeke normatıvtik quqyqtyq aktilermen retteledi.»; 5-tarmaq mynadaı redaksııada jazylsyn: «5. Joǵary oqý oryndarynyń magıstratýrasyna, adıýnktýrasyna jáne doktorantýrasyna, joǵary oqý oryndary men ǵylymı uıymdardyń rezıdentýrasyna azamattardy qabyldaý túsý emtıhandarynyń qorytyndysy boıynsha konkýrstyq negizde júzege asyrylady.»; 6-tarmaqtyń birinshi abzasy mynadaı redaksııada jazylsyn: «6. Magıstratýraǵa, rezıdentýraǵa, adıýnktýraǵa jáne doktorantýraǵa qabyldaýdy daıyndaý mamandyqtaryn kórsete otyryp, buqaralyq aqparat quraldary arqyly habarlaıdy.»; mynadaı mazmundaǵy 6-1 tarmaqpen tolyqtyrylsyn: «6-1. Maqsatty túrde daıarlaý sheńberinde memlekettik bilim berý tapsyrysy boıynsha oqýǵa úmitker azamattardyń ótinishterin qabyldaý bazalyq joǵary oqý oryndarynda júzege asyrylady. Magıstrler men fılosofııa doktorlaryn (PhD)/beıini boıynsha doktorlardy maqsatty daıarlaý – múddeli taraptardyń shart jasaýy negizinde joǵary bilikti ǵylymı jáne ǵylymı-pedagogıkalyq kadrlardy daıarlaý boıynsha memlekettik bilim berý tapsyrysy boıynsha joǵary oqý oryndarynyń jáne ǵylymı uıymdardyń sharalary men is-qımyldarynyń júıesi.»; 7-tarmaqtyń birinshi abzasy mynadaı redaksııada jazylsyn: «7. Joǵary oqý oryndarynyń magıstratýrasyna, adıýnktýrasyna jáne doktorantýrasyna, joǵary oqý oryndary men ǵylymı uıymdardyń rezıdentýrasyna túsýshilerdiń ótinishin qabyldaý 1-30 shilde aralyǵynda ótkiziledi.»; 8-tarmaq mynadaı redaksııada jazylsyn: «8. Magıstratýra, adıýnktýraǵa túsý emtıhandarynyń baǵdarlamalaryn joǵary oqý oryndary, joǵary oqý oryndary men ǵylymı uıymdardyń rezıdentýrasyna joǵary bilim berý pánderi boıynsha úlgi baǵdarlamalardyń negizinde qalyptastyrady. Doktorantýraǵa túsý emtıhandarynyń baǵdarlamalaryn joǵary oqý oryndary magıstratýranyń kásibı oqý baǵdarlamalarynyń negizinde qalyptastyrady.»; 10-tarmaq mynadaı redaksııada jazylsyn: «10. Magıstratýraǵa, adıýnktýraǵa joǵary oqý oryndaryna, rezıdentýraǵa - joǵary oqý oryndary men ǵylymı uıymdaryna túsýshi tulǵalar kelesi qujattardy tapsyrady:»; 11-tarmaqta 2) tarmaqsha alynyp tastalsyn; 12-tarmaq mynadaı redaksııada jazylsyn: «12. Doktorantýraǵa túsýshi tulǵalar joǵary oqý oryndaryna kelesi qujattardy tapsyrady: 1) uıym basshysynyń atyna ótinish; 2) zertteý taqyryby boıynsha qazaq nemese orys tilderinde avtoreferat nysanyndaǵy negizdeme; 3) jeke kýáliginiń kóshirmesi; 4) bilimi týraly notarıaldy kýálandyrylǵan qujattar, osy Erejeniń 5-1-tarmaǵynda kórsetilgen baǵdarlamalar boıynsha test tapsyrǵandyǵy týraly sertıfıkat kóshirmesi; 5) bar bolǵan jaǵdaıda ǵylymı jáne ǵylymı-ádistemelik jumystarynyń tizimi; 6) 086-Ý nysanyndaǵy medısınalyq anyqtama qaǵazy; 7) bar bolǵan jaǵdaıda kadrlar esebi boıynsha jeke qaǵazy jáne notarıaldy kýálandyrylǵan eńbek kitapshasynyń kóshirmesi; 8) basqa oqý oryndarynda, aspırantýrada oqyǵandyǵyn kýálandyratyn qujattar kóshirmesi; 9) qujattar tizimdemesi.»; 16-tarmaq mynadaı redaksııada jazylsyn: «16. Magıstratýraǵa, adıýnktýraǵa jáne doktorantýraǵa joǵary oqý ornynda, rezıdentýraǵa joǵary oqý oryndary men ǵylymı uıymdarda túsý emtıhanyn ótkizý merziminde qabyldaý jáne mamandyqtar boıynsha emtıhan komıssııalary qurylady.»; 17-tarmaq mynadaı redaksııada jazylsyn: «17. Qabyldaý komıssııasynyń tóraǵasy joǵary oqý ornynyń nemese densaýlyq salasyndaǵy ǵylymı uıymnyń basshysy bolyp tabylady.»; 18-tarmaqtyń birinshi, úshinshi abzastary mynadaı redaksııada jazylsyn: «18. Mamandyqtar boıynsha emtıhan komıssııasy berilgen óńirdegi joǵary oqý oryndary men densaýlyq salasyndaǵy ǵylymı uıymdardyń mamandyqtarǵa sáıkes joǵary bilikti ǵalymdardyń sanynan quralady. Mamandyqtar boıynsha emtıhan komıssııasynyń quramy joǵary oqý oryndary nemese densaýlyq salasyndaǵy ǵylymı uıymdary basshysynyń buıryǵymen bekitiledi.»; mynadaı mazmundaǵy 24 -1, 24 -2 tarmaqtarmen tolyqtyrylsyn: «24-1. Magıstrler men fılosofııa doktorlaryn (PhD)/beıini boıynsha doktorlardy daıarlaý memlekettik bilim berý tapsyrysy boıynsha maqsatty oryndarǵa azamattardy qabyldaý konkýrs negizinde naqty bir tapsyrys berýshiniń maqsatty ornynan úmitker adamdar arasynda jeke ótkiziledi. «24-2. Maqsatty daıarlaý sheńberinde memlekettik bilim berý tapsyrysy boıynsha oqýǵa túsken árbir magıstrantpen/doktorantpen «bazalyq joǵary oqý orny - joo/ǵylymı uıym - magıstrant/doktorant» úlgisinde úsh jaqty shart jasalady.». 2. Joǵary jáne joǵary oqý ornynan keıingi bilim departamenti (S.M. О́mirbaev): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin; 2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn. 3. Osy buıryqtyń oryndalýyn baqylaý vıse-mınıstr M.K. Orynhanovqa júktelsin. 4. Osy buıryq alǵash ret resmı jarııalanǵannan keıin qoldanysqa engiziledi. Mınıstr B.JUMAǴULOV. Buıryq Qazaqstan Respýblıkasynyń Ádilet mınıstrliginde 2011 jylǵy 27 maýsymda Normatıvtik quqyqtyq kesimderdi memlekettik tirkeýdiń tizilimine №7050 bolyp engizildi.