Arý Astana aıbyny

Ataǵy álemge jaıylǵan Ar­qa­nyń sulý qalasy Astanaǵa bıyl, mine, 13 jyl. Kúni keshe ǵana Elbasynyń tikeleı basta­ma­symen burynǵy astanamyz Al­ma­tydan Eýrazııanyń júre­gine kósh basyn tirep, boı kó­ter­gen jas Astananyń búginde már­tebe­si bıik. Nebári saýsaq­pen sanar­lyqtaı jyldar ishinde qııal qýyp jete almastaı qulpyrǵan elordamyz kúnnen-kúnge jarqy­raı túsýde. Ǵanı­bet ǵımarattary ǵaıyptan paıda bolǵandaı, bir-birine uqsa­maıtyn ásemdikke ıe. Beıbit­shiliktiń belgisin kórse­tetin, aspanmen astasqan báıte­rektiń ózi nege turady?! Qury­ysy qur­lyqqa tanylǵan Asta­nanyń kelbeti kez kelgen janǵa baqyt syılary anyq. Sonyń biri – men ózim. Osydan bir jyl ýaqyt bu­ryn Táýelsizdik qalasynyń ta­bal­dyryǵyn basqanymda, men ózimniń arman shyńyna jeter joldyń esigin aıqara ashqandaı sezindim. Men sııaqty óz ómir jolyna Astana arqyly jol ash­qan baqytty jandar qan­sha­ma! Qazaq eliniń maqta­ny­shy men kóz qýanyshyna aı­nalǵan Asta­namyz az ýaqyttyń ishinde álem­dik sahnada óz or­nyn aby­roı­men aıqyndady. Keshegi ótken EQYU sammıti elimizdi barsha ǵalamǵa pash etkeni bar­shamyzǵa belgili. Qada­myn keleshekke nyq basqan qazaq hal­qy­nyń bolashaǵymen Astana­myz keler kúnde de asqaqtaı bereri sózsiz. Táýelsiz elimizdiń týyn kókke jelbiretken tuǵyr­ly Astana­myz­dyń tórine qon­ǵan baqyt qusy tek elorda­myz­dyń aspa­nyn­da ǵana samǵaı bergeı! Aqbulan SALBEKULY, Qorǵaljyn aýdandyq prokýratýrasynyń qyzmetkeri. Aqmola oblysy