Kelisimge keler kún jaqyn

Ákimshilikke kongreste respýblıkashylar op­po­zısııasy jetekshilerimen kelisimge kelýdiń sáti tústi, dep málimdedi AQSh prezıdenti Barak Obama. Osyǵan deıin eki partııa ókilderi qoldaıtyndyqtaryn málimdegen ýaǵdalastyq Qurama Shtattardyń memlekettik boryshynyń lımıtin satylap kóterýdi qarastyrady jáne tehnıkalyq defolttan qutylýǵa múmkindik beredi. Túp­ki­likti sheshim kongress múshelerine baılanysty, dep atap kór­setken prezıdent, olardy birden bir múmkin tańdaý ja­saýǵa shaqyrdy. Aq úı zań shyǵarýshylar jańa kelisimdi seısenbige deıin maquldaıdy dep úmittenip otyr. Shekarada bolǵan atys Izraıldik jáne lıvandyq áskerı qyzmet­shi­ler 1 tamyz kúni eki eldiń shek­arasy mańaıynda bir-birlerine oq atqan. Lıvannyń The Daily Star gazetiniń habarlaýynsha, ızraıldik birneshe soldat tańerteńgilik erte shekarany kesip ótken, osydan keıin baryp lıvandyq áskerıler olarǵa oq atqan. Al Izraıl jaǵy bolsa, Lıvan soldaty óz aýma­ǵyn­da patrýlde júrgen ızraıldik shekarashyǵa oq atty dep málimdep otyr. Lıvan jaǵyna jaýap retinde ızraıldikter Lıvan shekara­shy­larynyń baqylaý beketin atqy­laǵan. Eki jaqta da shyǵyn joq. Terorrshy bet pishinin ózgertken eken Kók kózdi blondın Anders Breıvık osydan on jyl buryn naǵyz arıılik keıipke ený úshin ózine plastıkalyq operasııa jasatqan kórinedi. Bul týraly Norvegııadaǵy eki birdeı ter­or­rlyq aktini uıymdastyrdy dep aıyp­­talǵan «nor­veg atqyshynyń» mekteptes dosyna silteme jasaı oty­ryp, brıtannyń The Telegraph gazeti habarlaǵan. Onyń ja­zý­ynsha, Breıvık mur­ny men ıeginiń formasyn ózgertken. Ope­rasııany Amerı­kadaǵy plastıkalyq hırýrg jasaǵan eken. Osyǵan deıin Breıvıktiń aqyl-esiniń bútindigin jáne ony qyl­­mys­tyq qýdalaý múmkindigin anyqtaıtyn psıhıa­trııa­lyq saraptama 1 qarashaǵa deıin sozylady delingen edi. Bi­raq Nor­vegııa sot medısına komıtetiniń basshysy onyń aqyl-esin bú­tin emes dep taný múmkindigi óte az dep atap kórsetken. AQSh senaty Grýzııanyń tutastyǵyn qoldady Amerıka senaty Reseıdiń Abhazııa men Ońtústik Osetııadaǵy basqynshylyq faktisin rastaıtyn qarardy biraýyzdan qabyldady. Reseı-grýzın kıkiljińiniń bastalǵanyna úsh jyl to­lýy­na oraılastyrylǵan qujat, ony ázirleýshilerdiń biri, se­nator Djeın Shahınniń aıtýynsha, Reseıge onyń bir­qatar mindettemelerdi oryndamaǵanyn, atap aıtqanda, grýzın bosqyndarynyń keri qaıtýyna jol bermegenin eske salýy tıis. AQSh senaty juma kúni Grýzııa aýmaǵynyń tutastyǵyn moıyndaıtyn jáne Reseıdi óz áskerlerin Abhazııa men Ońtústik Osetııa aýmaǵynan alyp ketýge shaqyratyn qarardy biraýyzdan maquldady. Senatorlar  Máskeýdi 2008 jylǵy Grýzııa men Reseı arasyndaǵy kelisimniń barlyq sharttaryn oryndaýǵa qaraı qadam jasaýǵa shaqyrǵan. Sırııa Lıvııanyń jolyn qushpaq Sırııaǵa áskerı basqyn­shy­lyq jasaý oqıǵanyń odan ári da­mý­y­n­daǵy sonshalyqty bir alys jat­qan nusqa emes, dep málim­de­gen brı­tandyq syrt­qy ister mı­nıs­tr­l­iginiń bas­shy­sy Ýılıam Heıg. Aqparat agenttikteri Hama qalasynda úkimetke qarsy  narazylyq sherýine shyqqandarǵa qarsy oq atylǵanyn, onda ondaǵan adamnyń qaza tapqanyn habarlaýda. Jergilikti bılik bolsa, bárin teriske shyǵaryp otyr. BUU Qaýipsizdik Keńesi shuǵyl otyrys ótkizýge daı­yn­da­lýda. Bılik óz tarapynan áskerı operasııalar tártipsiz­dik­ter ornatyp, jergilikti halyqty úreılendirip otyrǵan qarýly sodyrlarǵa qarsy júrgizilýde dep málimdep otyr. Qala ústine úıirilgen quıyn Blagoveshenskide bolǵan, sońǵy málimetter boı­yn­sha 80 mıllıon rýbl shyǵyn ákelgen alapat quıyn Reseı tarıhynda kóp qabatty úı­le­ri bar iri qala aýmaǵynda oryn al­ǵan alǵashqy tabıǵı apat, dep má­limdegen Reseı gıdrometortalyǵ­y­nyń ókili Aleksandr Golýbev. Jeksenbi kúni keshkilik 13 mınýt boıyna qala ústinde alapat quıyn úıirilip turǵan. 23 adamǵa medısınalyq járdem kórsetilip, olardyń tórteýi oblystyq klınıkalyq aýrýhanaǵa jetkizilgen. Bir adam jaraqat saldarynan qaza tapqan. Golýbevtiń aıtýynsha, 1984 jyly Ivanovo qalasynyń aýmaǵynda osyndaı alapat quıyn oryn alǵan, biraq onda tek qalanyń shet aımaqtary men baý-baqsha kooperatıvteri ǵana azdap zardap shekken kórinedi. Túrmedegilerdiń jartysyna jýyǵy bosatylmaq Venesýelada sottalǵandardyń jalpy sanynyń 40 paıyzyna deıinin túrmeden bosatý múmkindigi qarastyrylmaqshy. Bul jóninde El Nacional gazetine bergen suhbatynda Venesýela jazalardy oryndaý júıesiniń basshysy Irıs Varela málimdegen. Taıaý ýaqyttarda «bolmashy qyl­mys­tar» jasaǵany úshin sottalǵandardyń 20 myńǵa jýyǵy shartty merziminen buryn bosatylý múmkindigine ıe bolýy múmkin. Eldiń penıtensıarlyq júıesi basshysynyń pikirinshe, qoǵam úshin qaýip-qater týdyrmaıtyndardy túzeý mekemelerinde ustaýdyń esh maǵynasy joq.  Irıs Varela urlyq úshin sottalǵandardy da osy sanatqa jatqyzyp otyr. Sottal­ǵan­dardy  jappaı bosatýǵa Venesýela túrme­le­riniń «aýzy-murnyna deıin» tolyp turǵany sebepker bolǵan syńaıly.

Internet materıaldary negizinde ázirlendi.