Kóńil kóńilden sý ishedi

Qazaq aqparattyq keńistigi taǵy bir gazetpen tolyqty. 1959 jyldan beri árbir qazaq otbasynyń tórinen tabylyp, soń­ǵy bir jarym jyl ishinde ár­túrli jaǵ­daıǵa baılanysty ja­bylýǵa máj­­búr bolǵan «Sport» gazeti orys tilinde shyǵatyn «Sport» aptal­y­ǵymen birge qaı­ta shyǵa bastady. Qos gazettiń dı­rektor – bas re­dak­tory belgili qalamger, Qazaq­stan Respýblı­kasyna eńbek sińir­gen qaıratker Nesip Júnis­baıuly. Gazet aptasyna bir ret, seısenbi kúni Astana qalasynda shy­ǵa­dy. Qazaq jáne orys tildi ga­zet­terdiń árqaısysy 8 betten tu­rady. Gazet­tiń tyrnaqaldy nó­mi­rinde qyzyq­ty da tartymdy dú­nıelerdiń jáne olarǵa saı berilgen ádemi sýret­ter­diń shyq­qa­nyn atap ótýge bola­dy. Basy­lymnyń birinshi betinde «Sport» gazetin 1959 jyly tuń­ǵysh shy­ǵarý­shy­lar­dyń biri Saıyn Tursynov, grek-rım kúresi­nen Olımpıada chem­­pıony Jaqsy­lyq Úshkem­pirov­­tiń gazet ujymyna shy­ǵar­mashy­lyq tabys tilegen sú­ıin­shi lebizderi berilse, odan keıin «Tań qal­dyr­ǵan «Týr de Frans», «Qazaq spor­ty­nyń tulǵalary» aı­darymen «Taý­soǵar», «Shıyr­shyq atqan Shú­menov... taǵy bir qarsy­la­syna taıaq jegizdi», «El sporty­nyń erteńi...» aıdarymen «Abaı­dy oqı­tyn arý qyz», Olım­pıadaǵa arnal­ǵan «To­ǵyz joldama qolda. О́zgesi oıda...», «Alanııa»... alań bop qal­dy» atty dúnıeler ja­rııa­­­lanǵan. Sonymen birge «Boks», «Qazaq kúresi», «Fýtbol» aıdarla­ry­men basqa da qyzyqty materıal­dardy oqýǵa bolady.