Temir jolda tynymsyz eńbek

QTJ jarty jyldyqtyń qorytyndysyn shyǵardy, barlyq josparly kórsetkishter artyǵymen oryndaldy «Qazaqstan temir joly» UK» AQ 2011 jyldyń alǵashqy jartysyndaǵy temir jol kóligi jumysynyń qorytyndysy men ekinshi jarty jyldyqqa arnalǵan tapsyrmalar jó­ninde úlken keńes ótkizdi. Belgilengen merzimde kompanııa barlyq kórsetkishter boıyn­sha mindettemelerin oryndady. Kólik jáne baılanys qyzmetkerleri merekesine osyndaı mol tabyspen kelgen temirjolshylar El­ba­synyń bastamashylyǵymen atqarylyp jat­qan Údemeli ındýstrııalyq-ınnovasııalyq baǵdarlamaǵa da súbeli úlesin qosýda. Keńeste aıtylǵandaı, bıylǵy jyldyń alǵashqy jartysynda temir joldaǵy júk aınalymy jospardaǵy 103,54 mlrd. t-shm ornyna 105,25 mlrd. t-shm nettoǵa oryn­dal­dy. Kórsetkish ótken jyldyń sáıkes merzimimen salystyrǵanda 2,3 paıyzǵa asyra or­yndalyp, 2,32 mlrd. t-shm netto qurady. Jolaýshy aınalymy birinshi jarty jyl­dyqta 6,5 mlrd. j-shm, ótken jyldyń sáıkes merzimimen salystyrǵanda 5,1 paıyzǵa joǵa­rylady. О́tken jyldyń osy ýaqytymen salys­tyr­­ǵanda qozǵalys qaýipsizdigi kórsetkishi ed­áýir jaqsarǵany baıqaldy. Tirkelgen aqaý­lyqtar sany boıynsha ótken jylmen salys­tyr­ǵanda 23 paıyzǵa, erekshe jaǵdaılar boı­ynsha 50 paıyzǵa azaıǵan. Poıyzdardyń qozǵalys kestesin orynda­ýy 40 paıyzǵa jaqsartyldy. Kompanııanyń birinshi jarty jyldyq­taǵy taza paıdasy ótken jylmen salys­tyr­ǵanda 39 paıyzǵa kóterilip, 59 mlrd. teńgeni qurady. Esepti merzimdegi qor jasaqtaý 2010 jyl­men salystyrǵanda 7 paıyzǵa artyp, ol qarjy negizinen bolashaqtyń jobalaryna ınvestısııa retinde jumsalady. Qazirgi tańda kompanııa Údemeli ındýs­trııa­lyq-ınnovasııalyq baǵdarlamaǵa engen eki temir jol jelisiniń qurylysyn júzege asy­rýda. 2011 jylǵy qazan aıynda О́zen-Túr­kimenstanmen memlekettik shekara teliminde poıyz qozǵalysyna jol ashylsa, jel­toqsanda Jetigen – Qorǵas baǵdarynda poı­yz qozǵalysy bastalady dep kútilýde. «Qazaqstan temir joly» UK» AQ óziniń negizgi mindetin atqarýmen qatar memlekettik Údemeli ındýstrııalyq-ınnovasııalyq damý baǵdarlamasy aıasyndaǵy tapsyrmalardy oryndaýǵa, qazaqstandyq úlesti kóbeıtýge, Qazaqstannyń kóliktik-logıstıkalyq áleýe­tin tıimdi paıdalanýǵa basa nazar aýdarýda. Údemeli ındýstrııalyq-ınnovasııalyq baǵ­dar­lama aıasynda temir jol kóligi mashı­na­syn jasaý jáne damytý jalǵasýda. Bıylǵy jyly Pavlodar oblysyndaǵy Ekibastuz qa­lasynda jylyna úsh myńnan astam vagon shyǵaratyn zaýyt iske qosyldy. Jyl aıaǵyna deıin Astanada «Talgo» jo­laýshylar vagony shyǵaryla bastaıdy. 2012 jyly júk jáne jolaýshylar poıyzdaryna arnalǵan elektrovozdar shyǵarylady. Júze­ge asyrylyp jatqan jobalar arqyly jyl­jy­ma­ly quramǵa suranysty ózimizdiń ishki resýrs arqyly oryndaýǵa qol jetkizemiz. Ús­­timizdegi jyly kompanııanyń júk múkám­mál múlik parki 8500 vagonǵa tolyǵady. 2011 jyly kompanııa jobalaryndaǵy qa­zaq­standyq ónim kólemi 83 paıyzǵa jetkiziledi. Qazirgi tańda Qazaqstanda shaǵyn beketterden 100 jańa vokzal salý jumysy bas­talyp ketti. Jańa jolaýshylar vagondary «Kaspıı» jyljymaly quramynda Atyraý – Astana, joǵary sapaly Almaty-Atyraý, Aqtóbe jáne Shymkent qalalaryna qatynaıdy. Qazaqstandaǵy temir jol kóligin Orta Azııa aımaǵyndaǵy kóliktik-logıstıkalyq HAB retindegi jarqyn bolashaq kútip tur. Salada kadr jáne jastar saıasaty, áleýmettik baǵdarlama belsendi júzege asyrylýda. Ústi­miz­degi jylǵy alty aıda bir jarym myń te­mirjolshy biliktiligin jetildirdi. 1700 joǵa­ry jáne orta arnaýly oqý ornyn bitirgender temir jol kóligi salasyndaǵy kásip­or­yn­dar­da óndiristik tájirıbe almasýdan ótip, qyz­metke ornalasty. Jastar forýmy jeńimpaz­darynyń ınnovasııalyq jobalary óndiriske engizilýde. Memleket basshysynyń Qazaqstan hal­qy­na Joldaýynda atap kórsetilgen «Densaý­lyq» jáne «Járdem» medısınalyq poıyz­da­rynyń dárigerleri 2011 jyldyń birinshi jar­tysynda alys stansııalardyń 60 myńnan astam turǵyndaryna dárigerlik kómek kór­set­ti. Poıyz dárigerleri alty aıda 285 185 syrqat jandarǵa qabyldaý ótkizdi. Qazaqstan Prezıdenti Nursultan Nazar­ba­evtyń tapsyrmasy boıynsha temirjol­shy­lar qyrkúıek aıynda eń sońǵy medısınalyq quraldarmen jabdyqtalǵan «Salamatty Qa­zaqstan» úshinshi medısınalyq poıyzyn jiberýdi josparlap otyr. Keńes barysynda «QTJ» UK» AQ prezıdenti kompanııa aldyndaǵy barlyq tapsyr­ma­lardyń oıdaǵydaı oryndalǵandyǵyna toq­taldy. Ekinshi jarty jyldyqta da temir­jol­shylar osy qarqyndy báseńdetpeı Qazaqstan Táýelsizdiginiń 20 jyldyǵyn tolaıym ta­bys­tarmen laıyqty qarsy alýǵa qam jasalýda. Nurbaı ELMURAT. Astana.